Ransomware အကြောင်း

Ransomware ဆိုတာကတော့ Malicious Software တစ်မျိုးဖြစ်ပြီး Malware အမျိုးအစားထဲတွင် ပါဝင်ပါတယ်။ Attacker or Hacker များသည် Ransomware ပေါင်း မြောက်များစွာရေးသားပြီး အင်တာနက်ပေါ်တွင် လွှင့်တင်ထားတတ်ကြပါတယ်။ User များသည် Ransomware များကို မသိဘဲ Installation လုပ်လိုက်ပါက Ransomware များ၏ တိုက်ခိုက်မှူ့ကို ခံရမည်ဖြစ်သည်။ Ransomware သည် System တစ်ခုကို Block လုပ်ပစ်လိုက်ပြီး ထို ပြုလုပ်လိုက်သည့် Block ပြန်ဖြည်ချင်ပါက Email လိပ်စာ သို့မဟုတ် ဖုန်းနံပါတ်တစ်ခုပေးထားပြီး ထို လိပ်စာအတိုင်း ငွေပေးချေပါက Block ကို ပြန်ဖြည်ပေးမည်ဟု ဆိုသော စာတန်းများကို ရေးသားထားမည်ဖြစ်သည်။
.
ဒီနေရာမှာ ကျွှန်တော့်ကိုယ်တွေ့လေးတစ်ခု ဖောက်သည်ချချင်ပါတယ်။ တနေ့ ကျွှန်တော့်ဆီကို လက်တော့ပ် တစ်လုံးရောက်လာပါတယ်။ ဘာဖြစ်တာလဲမေးကြည့်တော့ သူလည်း ဘာဖြစ်မှန်းမသိဘူးတဲ့ ကွန်ပြူတာသုံးနေရင်း ရုတ်တရက် ဝင်းဒိုးကျသွားပြီး ပြန်တက်လာတော့ အခုလို Computer Screen မှာ စာတန်းတွေ မြင်တွေ့နေရတာပါဘဲတဲ့။ ကွန်ပြူတာကို Shut Down လုပ်လုပ် Restart လုပ်လုပ် စာတန်းတွေဘဲ ပေါ်လာပြီး ဘယ်လိုမှ ဆက်လုပ်လို့မရတော့ဘူးဆိုပြီး ကွန်ပြူတာကို ယူလာပြပါတယ်။ ကျွှန်တော်ကြည့်လိုက်တော့ သူပြောတဲ့အတိုင်းပါဘဲ။ ကွန်ပြူတာမှာ ရေးသားထားသည့် အကြောင်းအရာကတော့ “သင်သည် Window License Version မသုံးသည့်အတွက် ကျွှန်တော်တို့မှ သင်၏ ကွန်ပြူတာကို ဘလော့လုပ်ပစ်ရခြင်း ဖြစ်ပါတယ် ဘလော့ပြန်ဖြည်ချင်ပါက ဖော်ပြပါ ဖုန်းနံပါတ်သို့ ငွေပေးချေပါဆိုပြီး” ရေးသားထားသော စာတန်းကို တွေ့ရပါတယ်။ အမှန်မှန်ကတော့ အသုံးပြုသူသည် Ransomware ကို မသိဘဲ Installation လုပ်မိသည့်အတွက် Ransomware သည် System ကို ဘလော့ထားခြင်း ဖြစ်သည်။ Attackers or Hackers များသည် Ransomware များဖန်တီးပြီး Victim သားကောင်များထံမှ ငွေညှစ်ခြင်း ခြိမ်းခြောက်ခြင်း အစရှိသည့် ဆိုက်ဘာရာဇဝတ်မှူ့များကို ကျူးလွန်တတ်ကြပါတယ်။
.
Attackers or Hackers များ Ransomware များဖန်တီးပုံကို အနည်းငယ် ဗဟုသုတဖြစ်ဖွယ် ပြောပြချင်ပါသေးတယ်။ Attackers or Hackers များသည် Malicious Code များဖြင့် Software or Exe File များ ဖန်တီးကာ အင်တာနက်အပေါ်တွင် လွှင့်တင်ထားတတ်ကြပါတယ်။ Software or Exe Files များ ဖန်တီးရာတွင် အမှန်တကယ် အစစ်အမှန် ပုံစံမျိုးပေါက်အောင် ဖန်တီးတတ်ကြပါတယ်။ ဥပမာ - Internet Download Manager ကို ဒေါင်းလုပ်ချတယ်ဆိုပါစို့။ Attackers or Hackers များသည် Internet Download Manager နှင့် ထပ်တူဆင်တူသည့် Icon ပုံစံကို အသုံးပြုကာ Malicious Code များကို အသုံးပြုပြီး Software or Exe File များ ဖန်တီးကာ အင်တာနက်အပေါ်တွင် လွှင့်တင်ထားတတ်ပါတယ်။ User များသည် Internet Download Manager ကို အင်တာနက်တွင်ရှာဖွေသောအခါ များစွာသော Websites များတွင် Download Links များကို မြင်တွေ့ရမည်ဖြစ်သည်။ ထိုအထဲကမှ ကံဆိုးစွာ Attackers or Hackers မှ ဖန်တီးထားသော Ransomware ကို Download ချမိပြီး Installation လုပ်မိပါက Ransomware ၏ တိုက်ခိုက်မှူ့ကို မလွဲမသွေခံရမည်ဖြစ်သည်။
.
Ransomware များကို ကာကွယ်နည်းများရှိပါသည်။ အဓိက ကတော့ မသိသည့် Software များကို Download ချပြီး Installation မလုပ်သင့်ပါဘူး။ Software များကို Download ချရာတွင် မူရင်း Websites များမှသာ Download ချသင့်ပါတယ်။ တွေ့ကရာ Websites များတွင် တင်ထားသော Software များကို Download ချပြီး Installation မလုပ်သင့်ပါဘူး။ Software များကို Installation မလုပ်ခင် သေချာစွာ စစ်ဆေးကြည့်ရူ့သင့်ပေသည်။ အကယ်၍ Software များသည် အစစ်လား အတုလား မခွဲခြားနိုင်ပါက နီးစပ်ရာနည်းပညာရှင်များနှင့် တိုင်ပင်ဆွေးနွေးပြီး အကြံဥာဏ်ရယူပါ။ ကောင်းမွန်သော Antivirus များ Malware Remover များကို အသုံးပြုပါ။ အသုံးပြုသော Antivirus များ Malware Remover များကိုလည်း အမြဲတစေ Update ပေးပါ။ စာချစ်သူများအနေဖြင့် Ransomware များအကြောင်းကို ဗဟုသုတရစေပြီး တိုက်ခိုက်ခံရခြင်းမှ ကင်းဝေးစေရန် စိတ်ရည်သန်လျှက် စီစဉ်ဖော်ပြလိုက်ရပါတယ် ခင်ဗျာ။
.
.
28-1-2016
ကိုရီချင်


Posted By

<< Zaw Lay >>

Ko Ko Zaw ( BE-EC )    www.htarwaiethar.org