Flash Drvie များကို Data Transfer အမြန်နှုန်း မြှင့်တင်ခြင်း

ကွန်ပြူတာနှင့် စပ်ဆက်လုပ်ကိုင်နေသော သူများအတွက် Flash Drive ဆိုသည့် Electronic Device သည်လည်း အရေးပါသော အရာဝတ္တုတစ်ခုဖြစ်သည်။ Flash Drive များသည် စတင်ဝယ်လာသည့်အချိန်တွင် အသစ်ဖြစ်ခြင်းကြောင့် Computer မှ Flash Drive ထဲသို့ဘဲ ကော်ပီကူးကူး Flash Drive မှ Computer ထဲသို့ဘဲ ကော်ပီကူးကူး Data Transfer အမြန်နှုန်းသည် မြန်ဆန်နေမည်ဖြစ်သည်။ သို့သော် နောက်ပိုင်းတွင် အသုံးပြုသည့် အချိန်ကြာလာခြင်း ဟောင်းနွမ်းလာခြင်းတို့ကြောင့် ပစ္စည်းတို့၏ သဘောတရားအတိုင်း စွမ်းဆောင်ရည် ကျဆင်းတတ်ပါတယ်။ Flash Drive များကို ရွေးချယ်ဝယ်ယူရာတွင် Data Transfer အမြန်နှုန်းအပေါ်မူတည်ပြီး ဈေးနှုန်းလည်း ကွာခြားတတ်ပါတယ်။ ယခုဖော်ပြမည့် နည်းလမ်းများသည် Flash Drive ၏ Data Transfer အမြန်နှုန်းကို ထိန်းသိမ်းပေးနိုင်မည် ဖြစ်သည်။
.
Flash Drive ၏ Data Transfer အမြန်နှုန်းများသည် Flash Drive ၏ သက်တမ်း ၊ ကော်ပီကူးသော File Type အမျိုးအစား USB Port Version စသည်တို့ အပေါ်တွင်လည်း များစွာ မူတည်ပါသည်။
.
Flash Drive အား Data Transfer အမြန်နှုန်းမြှင့်ချင်ပါက အောက်ပါတိုင်း ဆောင်ရွက်ပါ။
.
Flash Drive ကို ကွန်ပြူတာနှင့် ချိတ်ဆက်လိုက်ပါ။ Flash Drive အပေါ်တွင် Right Click နှိပ်ပြီး Properties သို့သွားလိုက်ပါ။ ထို့နောက် File system နေရာတွင် NTFS ကို ရွေးပေးပြီး Quick Format ကို ဖြုတ်ပြီး Flash Drive ကို Format ချပါ။ Format ချနေစဉ်အတွင်း Flash Drive ထဲတွင် မည်သည့် Data မျှ သိမ်းဆည်းမထားမိစေရန်သတိပြုပါ။ Flash Drive ထဲတွင် Data များရှိနေပါက Format ချလိုက်သောအခါ အကုန်လုံး ပျောက်ကွယ်သွားမည် ဖြစ်သည်။
.
ပုံ - ၁
.
FAT32 File System တွင် Single File တစ်ခုသည် 4GB ထပ်ပိုမို မသိမ်းဆည်းနိုင်ပေ။
.
File System ကို ပြောင်းလဲပြီးပါက Device Policy ကို ပြောင်းလဲပါ။ Flash Drive Properties မှ Hardware ကို သွားလိုက်ပါ။ မိမိ၏ Flash Drive အမျိုးအစားကို ရွေးချယ်ပြီး Properties ကို နှိပ်ပါ။
.
ပုံ - ၂
.
Properties ကို နှိပ်ပြီးသည့်နောက်တွင် Dialog Box တစ်ခုကို မြင်တွေ့ရမည်ဖြစ်ပြီး Change Setting ကို နှိပ်ပါ။ ထို့နောက် နောက်ထပ် Dialog Box တစ်ခု ထပ်မံ ပေါ်ထွက်လာသည်ကို မြင်တွေ့ရမည် ဖြစ်သည်။ ထို့နောက် Policies ကို ရွေးချယ်ပါ။ Better performance ကို ရွေးချယ်ပြီး OK ကို နှိပ်ပါ။
.
ယခုဆိုလျှင် စာချစ်သူ၏ Flash Drive ကို အမြန်နှုန်း ထိန်းသိမ်းထားပြီဖြစ်ပါသည်။

.
.
26-1-2016
ကိုရီချင်

Posted By

<< Zaw Lay >>

Ko Ko Zaw ( BE-EC )    www.htarwaiethar.org