Samsung Glaxy Tab 3 Lite SM-T110 လေးက Root ဖောက်ရတာ နည်းနည်း တိုင်ပတ်ပါတယ်။
ကျွန်တော် ဖောက်ကြည့်တာတော့ မရပါဘူး။ နောက် Root ဖောက်နည်းရှာကြည့်တော့လည်း မတွေ့တာနဲ့ပဲ ကျွန်တော် Root မဖောက်ပဲ မြန်မာစာထည့်သွင်းနည်းလမ်းလေးကိုပဲ အသုံးပြုလိုက်ရပါတယ်။
Tablet ပိုင်ရှင်ကလည်း မြန်မာစာပဲ ထည့်ချင်တာမို့ပါ။
Samsung တို့ သဘာဝအတိုင်း Setting > Display မှာ Font Style ပါပေမဲ့လည်း ကျွန်တော် စမ်းကြည့်တာ Zawgyi TTF လည်းမရသလို အသုံးများတဲ့ Zawgyi Font Pack လည်း Support မလုပ်ပါဘူး။
iFont လေးနဲ့ ဖောင့်သွင်းမှ အဆင်ပြေပါတယ်။
ကဲ့ ကျွန်တော့်လိုမျိုး တိုင်ပတ်နေတဲ့ လူတွေအတွက် နည်းလမ်းလေးကို ချပြလိုက်မယ်နော့်။
အရင်ဆုံး လိုအပ်တဲ့ ဖိုင်လေးတွေကို ရရှိအောင် ဒေါင်းလုပ်ဆွဲပါ။ အောက်မှာ ကျွန်တော် ဒေါင်းလုပ်ခ်လင့်ခ်နှစ်ခု ပေးထားပါတယ်။ နှစ်သက်ရာ လင့်ခ်တစ်ခုခုကနေပြီး ရယူနိုင်ပါတယ်။
Download From Solidfiles
ကျွန်တော် ပေးတဲ့ ဖိုင်ထဲမှာ Android APK သုံးခုပါဝင်ပါတယ်။
FrozenKeyboard 1.1.3 , iFont and Zawgyi_One Version 2.0 တို့ပဲ ဖြစ်ပါတယ်။
၁) Zawgyi_One Version 2.0 ကို အရင်ဆုံး သွင်းပါ။ ပြီးသွားပါက စက်ကို Reboot လုပ်လိုက်ပါ။
၂) စက်ပြန်တက်လာပါက iFont ကို ကို Install လုပ်ပါ။ iFont ကို ဖွင့်ကြည့်လိုက်ပါ။ အဲ့မှာ
Online , Local , Install and Custom ဆိုတာ လေးခု ပါဝင်တာကို တွေ့နိုင်ပါတယ်။
Install ကို တစ်ချက်နှိပ်ကြည့်ပါ။ အဲ့မှာ အောက်ဆုံးက Zawgyi One TTF ကို တစ်ချက်နှိပ်လိုက်ပါ။
နောက် Set ဆိုတာလေးကို တစ်ချက်နှိပ်ပါ။
OK ကို နှိပ်ပါ။
Zawgyi One TTF (iFont) ဆိုတာပေါ်လာပါတယ်။ Install ကို နှိပ်လိုက်ပါ။
သူ့ဘာသာ ဆော့ဝဲလ်ကို သွင်းသွားပါတယ်။ ပြီးသွားပါက Setting > Display ကို ရောက်သွားပါတယ်။ အော်တို မရောက်ပါက ကိုယ့်ဘာသာလည်း သွားနိုင်ပါတယ်။
Display မှာ Font Style ကို တစ်ချက်နှိပ်ပါ။
Font Style အောက်ဆုံးနားမှာ Zawgyi One TTF(iFont) ဆိုတာလေးကို တစ်ချက်နှိပ်လိုက်ပါ။
The selected font will be applied to your device ဆိုတာ ပေါ်လာပါမယ်။ Yes ဆိုတာလေးကို နှိပ်လိုက်ပါ။
သူ့ဘာသာ အလုပ်လုပ်သွားပြီး နောက်ခဏကြာပါက Font Style မှာ Zawgyi One TTF(iFont) ပြောင်းသွားပါတယ်။ အဲ့အခါကျရင်တော့ ကျွန်တော်တို့ စက်လေးမှာ မြန်မာစာတွေ မြင်နိုင်သွားပါပြီ။
မြန်မာစာတွေမှန်ကန်ပါတယ်။ ကျွန်တော် စမ်းကြည့်တာ Android Version 4.2.2 မှာပဲ ဖြစ်ပါတယ်။
မြန်မာစာ ရိုက်နိုင်ဖို့ ကျွန်တော်ပေးထားတဲ့ ဖိုင်လေးထဲမှ FrozenKeyboard 1.1.3 လေးကို သွင်းပါ။ ပြီးပါက Settings > Language and Input > Frozen Keyboard လေးကို အမှန်ခြစ်လိုက်ပါ။ ပြီးပါက သူ့အပေါ်က Default ကို တစ်ချက်နှိပ်ပါ။ Frozen Keyboard လေးကို ရွေးလိုက်ပါ။ မြန်မာစာများရိုက်နိုင် မြင်နိုင်သွားမှာ ဖြစ်ပါတယ်။
ဒီမနက်ပဲ လက်တွေ့စမ်းထားတာမို့ ဘာအမှားမှ မရှိပါဘူး။ ကျန်သော Samsung Device တွေမှာ Font Pack တွေ အလုပ်မလုပ်ရင် ကျွန်တော် ပေးတဲ့ နည်းလမ်းလေးကို စမ်းကြည့်နိုင်ပါတယ်။
အားလုံး အဆင်ပြေပါစေ။
Posted By
<< HTAR WAIE THAR >>
Ko Ko Zaw ( BE-EC ) www.htarwaiethar.blogspot.com
0 comments:
Post a Comment