Online GPS စနစ် အသုံးပြုနိုင်ဖို့ အတွက် အင်တာနက်စနစ် အွန်လိုင်းစနစ် လိုအပ်တယ်လို့ ဆိုခဲ့ပါတယ်။
ဘာကြောင့်လဲ ဆိုရင်တော့ ကိုယ်ရောက်ရှိနေတဲ့ အရပ်ဒေသရဲ့ မြေပုံတွေကို Download ပြုလုပ်နိုင်ဖို့နဲ့ မြေပုံပေါ်မှာ ကိုယ့်ရဲ့ တည်နေရာနဲ့ ရွေ့လျားနေမှုတွေကို တိုက်ရိုက်ပုံဖော် ပြသပေးနိုင်ဖို့ အတွက် အွန်လိုင်းစနစ် လိုအပ်ပါတယ်။
Offline GPS စနစ်မှာတော့ သိပ်ပြီး ခက်ခဲမှုတွေ မရှိပါဘူး။
GPS စနစ်ကို Offline စနစ် အသုံးပြုတဲ့ နေရာမှာ လိုအပ်ချက်ကတော့ မြေပုံ စနစ်တွေပါပဲ။
မြေပုံစနစ်တွေက ဖုန်းထဲမှာ ကြိုတင်ရှိနေမှသာ Offline GPS စနစ်ကို အသုံးပြုလို့ ရနိုင်မှာ ဖြစ်ပါတယ်။
Online GPS စနစ်ကို အသုံးပြုဖို့ WiFi ဒါမှမဟုတ် မိုဘိုင်းဖုန်း အင်တာနက် စနစ်တွေ လိုအပ်တယ်လို့ ဆိုခဲ့ပါတယ်။
Offline စနစ်အတွက်တော့ဒါတွေဘာမှ မလိုအပ်ပါဘူး။
ဒါပေမဲ့ Offline GPS စနစ်ကို အသုံးပြုဖို့ ဆိုရင်တော့ ကိုယ်သွားမယ့် အရပ်ဒေသ၊ နေရာတွေကို ကြိုတင် သိရှိထားနိုင်ဖို့ လိုအပ်ပါတယ်။
ဥပမာ အနေနဲ့ ကိုယ်သွားမယ့် နေရာက မန္တလေးဆိုရင် မန္တလေးမြို့ရဲ့ မြေပုံကို ကြိုတင်ပြီး အွန်လိုင်းကနေ Download ရယူထားရမှာ ဖြစ်ပါတယ်။
အဲဒီလို ယူပြီး ဖုန်းထဲမှာ အဆင်သင့် ထည့်သွင်းထားမှပဲ အသုံးပြုနိုင်တာပါ။
ကိုယ်သွားမယ့် အရပ်ဒေသကို ရောက်ပြီ ဆိုရင်တော့ မြေပုံကိုဖွင့်ပြီး GPS နဲ့ ချိတ်ဆက် အသုံးပြုလို့ ရနိုင်ပါတယ်။
ဒါက AGPS စနစ်ကို အသုံးပြုခြင်း ဖြစ်ပါတယ်။
Online GPS လိုမျိုး GPS Satellite တွေကို ချိတ်ဆက်ဖို့ မလိုအပ်ပါဘူး။
Offline GPS စနစ်ကို အသုံးပြုပြီ ဆိုရင်တော့ ကိုယ့်ရဲ့ တည်နေရာကိုပဲ ပြသပေးနိုင်ပြီး ရွေ့လျားမှုတွေကိုတော့ ပြသပေးနိုင်ခြင်း မရှိပါဘူး။
GPS ကို ဖွင့်လိုက်တဲ့ အချိန်မှာ ကိုယ်ကြိုတင် ထည့်သွင်းထားတဲ့ မြေပုံစနစ်နဲ့ တွဲဖက်အသုံးပြုရမှာ ဖြစ်ပါတယ်။
Online GPS စနစ်မှာတော့ ကိုယ့်ရဲ့ တည်နေရာပြ Icon လေးဟာ အစိမ်း အခြေအနေမျိုးနဲ့ ပြသနေမှာဖြစ်ပြီး Offline စနစ်နဲ့ ဆိုရင်တော့ အမည်းရောင် အခြေအနေနဲ့ ပြသပေးမှာ ဖြစ်ပါတယ်။ GPS အသုံးပြုတဲ့ နေရာမှာတော့ ရာသီဥတု၊ သံလိုက် လျှပ်စစ်စက်ကွင်းတွေနဲ့၊ အမိုးအကာ ထူထပ်တဲ့ အဆောက်အဦတွေကို ဂရုစိုက်သင့်ပါတယ်။
Credit :: Unknown
Posted By
<< HTAR WAIE THAR >>
Ko Ko Zaw ( BE-EC ) www.htarwaiethar.blogspot.com
0 comments:
Post a Comment