Android Phone တွေမှာ developement options ပျောက်နေတာကို ပြန်ဖော်နည်း

Android Phone တွေမှာ Developement Options ပျောက်သွားတာမျိုးက ရှားပါတယ်။

သို့သော်လည်းပဲ ကျွန်တော်တော့ ဖုန်းတစ်လုံးမှာ အဲ့လိုမျိုး အဖြစ်ကို တွေ့ဖူးတယ်ဗျ။

ဖုန်းကိုဗျာ Root လုပ်တာတို့၊ နောက် ကွန်ပျူတာကနေပြီး တစ်ခုခုကြောင့် ဆက်သွယ်ချင်တယ်ဆိုရင် ကျွန်တော်တို့ အနေနဲ့ USB Debugging ကို ဖွင့်ထားပေးဖို့ လိုအပ်ပါတယ်။

USB Debugging ဆိုတာကလည်း Developement Options ထဲမှရှိနေတာမျိုးပါ။


ကျွန်တော်ပြောသလိုမျိုး Developement Options ပျောက်နေရင်တော့ နည်းနည်းတော့ စဉ်းစားရ ကျပ်တယ်ဗျ။

USB Debugging ကို ကိုယ်က ဖွင့်ချင်တယ်။ Developemet Options က လည်းရှာမတွေ့။


Developement Options ကို Phone > Setting > Developement Options လိုမျိုး တွေ့ရှိနိုင်သလို၊ တစ်ချို့ Android Version အနိမ့်တွေမှာ Phone > Setting > Applications > Developement Options ဆိုပြီးလည်း တွေ့နိုင်ပါတယ်။

တစ်ချို့သော ဖုန်းတွေမှာတော့ Developement ဆိုပြီးလည်း တွေ့နိုင်ပါတယ်။


ကဲ့ ဖုန်းတွေမှာ Developement Options ပျောက်သွားရင် ပြန်ပေါ်အောင်လုပ်ဖို့ နည်းလေးပြောပါမယ်။

နည်းက အတော်ကို လွယ်ပါတယ်။


Phone > Setting > About Phone ကို နှိပ်လိုက်ပါ။

About Phone မှာ Build Number ဆိုတာလေးကို ရှာလိုက်ပါ။ ဖုန်းတိုင်းမှာ ပါပါတယ်။

အဲ့ဒီ Build Number ဆိုတာလေးကို ခုနှစ်ချက် ဆက်တိုက် နှိပ်ပေးပါ။

မိတ်ဆွေတို့ ဖုန်းမှာ ပျောက်နေသော Developement Options လေး ပြန်ပေါ်လာပါလိမ့်မယ်။


မူရင်းဖော်ပြချက်။   ။

Settings > about phone. Scroll down to the build number and tap it seven times. It will unlock the developer options.



ကျွန်တော်တုန်းကတော့ အတော်ကို အကြပ်ရိုက်သွားတယ်။ ဘာလုပ်ရမှန်းကို မသိအောင်ပဲ။ အင်တာနက်က ရှာလိုက်တော့လည်း နည်းလေးက အလွယ်သားနော့်။


Posted By

<<  HTAR WAIE THAR  >>

Ko Ko Zaw ( BE-EC )     www.htarwaiethar.blogspot.com