Storage Devices တွေဆိုရင်တော့ ကျွန်တော်သိတာ Hard Disk , Flash Disk , CD/DVD Disc တို့ပဲ ဖြစ်ပါတယ်။
သူတို့ကို ကွန်ပျူတာ စနစ်တွေက ဖိုင်များ သိမ်းဆည်းဖို့ အသုံးပြုပါတယ်။
Stroage Drive တစ်ခု အဓိက လုပ်ဆောင်တာတော့ ဖိုင်တွေကို သိမ်းထားပေးနိုင်တာပဲ ဖြစ်ပါတယ်။အဲ့မှာ ဖိုင်သိမ်းတယ်ဆိုတာ ဘယ်လောက်အထိသိမ်းနိုင်လဲဆိုတာပါ။
ဟုတ်ပါတယ် Stroage Device တွေက ဖိုင်တွေကို သိမ်းနိုင်တယ်ဆိုတာ အကန့်အသတ်ရှိပါတယ်။
Stroage Device တွေက သူ့ရဲ့ မှတ်ညဏ်တန်းဖိုးရှိပါတယ်။ သူမှတ်နိုင်တာထက် ပိုမှတ်သားနိုင်ခြင်းမရှိပါဘူး။
Stroage Device တွေရဲ့မှတ်ညဏ်ကို Bytes ( B ) ဖြင့်ဖော်ပြပါတယ်။
Hard Disk ဆိုရင်အတွေ့များတာက 40 BB , 80 GB , 100 GB , 1TB , 2 TB
Flash Drive တွေကိုတော့ 512 MB , 1GB , 2GB , 8 GB , …, 1TB
CD Disc ဆိုရင် 700 MB ဝန်းကျင် ဖြစ်ပြီး DVD Disc ဆိုရင် 4GB ကျော်ကျော်လောက်ရှိပါတယ်။
ဘာလို့သူတို့ကို မှတ်ညဏ်တွေကွဲပြားတာလဲဆိုတော့ သူ့မှာ သိမ့်မည့်ဖိုင်တွေကလည်း ကိုယ်ပိုင်ဖိုင်ဆိုဒ်လေးတွေရှိလို့ပဲ ဖြစ်ပါတယ်။
အဲ့လိုဖိုင်လေးတွေမှာ ဖိုင်ဆိုဒ်ရှိလို့လည်း သူတို့ကို သိမ်းဆည်းမယ့် Drive တွေက အကန့်အသတ် Memory တွေရှိနေရပါတယ်။
ကျွန်တော်တို့ Stroage Drives က မှတ်ညဏ်အတိုင်းအတာကို အလွယ်တွက်လို့ရပါတယ်။( CD/DVD မပါ။)
သူ့စနစ်က ၁၀၀၀ ဆပွားစနစ်မျိုးပါ။
1000 B = 1kB
1000 kB= 1MB
1000 MB= 1GB
1000GB= 1TB
အဲ့လိုမျိုးပါ။အဲ့မှာ B= Bytes , k= Kilo , M=Mega , G=Giga , T=Tetra
နောက် Memory တွေက ၂ ပါဝါပုံစံနဲ့ အလုပ်လုပ်ပါတယ်။
သူ့ကို ကျွန်တော်တို့တွေ့ရသော ကိန်းများမှာ 1 , 2, 4, 8, 16, 32, 64, 128, 512, 1024
အစရှိသော ကိန်းတွေပဲမြင်ရမှာပါ။ Memory အခေါ်မှာ ကြားကိန်းများဖြစ်သော 3, 5 , 7 လိုမျိုးတွေမရှိပါဘူး။
နောက်တခုက ကျွန်တော် အပေါ်ဆုံးမှာ တွက်ပြသော မှတ်ညဏ် ၁၀၀၀ ပွားကိန်းဆိုတာက အလွယ်တွက်တာမျိုးပါ။ တကယ်က ၂ ပါဝါအသုံးကိုပဲ ကွန်ပျူတာက မှတ်သားပါတယ်။
ဉပမာ။ ။ 1024 B =1kB လိုမျိုးပါ။ကျွန်တော်တို့က အလွယ်သာမှတ်တာများတော့ ကွန်ပျူတာမှတ်ညဏ်များကိုဆိုရင် ဉပမာ 1GB ကို ကွန်ပျူတာက 960 MB လိုမျိုးတွေ ဖော်ပြပါတယ်။တကယ်က အလွယ်တွက်သော စနစ်နဲ့ ကွန်ပျူတာက နားလည်သော စနစ်နည်းနည်းလွဲသွားတာမျိုးပါ။အဲ့လိုမျိုး အနေအထားမှာ ကျွန်တော်တို့ သိလိုက်တာက မှတ်ညဏ်များကို အနည်းစပ်ဆုံးယူသော စနစ်ကို အသုံးပြုပါတယ်။
ဉပမာ ။ ။ 102 MB ဆိုရင် 128 MB , 490 MB ဆိုရင် 512 MB , 960 MB ဆိုရင် 1GB အဲလိုမျိုးပါ။
Stroage Drive မှာ သိမ်းမည့်ဖိုင်ကတော့ ဆိုဒ်များရင်များ သလို နည်းရင်နည်းသလို အခေါ်လည်း ပုံသေမရှိပါဘူး။ တစ်ချို့ဖိုင်လေးတွေဆိုရင် သေးငယ်ပြီး တစ်ချို့ကတော့ ဖိုင်ဆိုဒ်အရမ်းများပါတယ်။
ဖိုင်ဆိုတာလေးများ
ဖိုင်ဆိုတာကို က သူက သူ့ကို လက်ခံသိမ်းနိုင်သော Stroage Device တစ်ခုအပေါ်မှာနေပါတယ်။ဖိုင်တစ်ခုကို မြင်လိုက်ရင် သိနိုင်တာက *.Extension ပုံစံပါ။
* ဆိုတာက Any မည်သည့်စကားလုံးကို မဆိုကိုယ်စားပြုပါတယ်။ ဖိုင်အမည်နေရာပါ။ဉပမာ * ဆိုတာ ၁ ၊က ၊ ၁၂၊ we ကြိုက်ရာဖြစ်ခွင့်ရှိတယ်လို့ဆိုလိုပါတယ်။ ဖိုင်အမည်များက အသုံးပြုသူစိတ်ကြိုက်ပေးတာဖြစ်တာကြောင့် အသုံးပြုသော ပုံစံပါ။
Extension ကတော့ ဖိုင်အမျိုးအစားကို ဖော်ပြပေးသော ပုံစံပါ။
ဉပမာ wolker.mp3 ဆိုသော ဖိုင်ဆိုရင် worker ဆိုတာက ဖိုင်အမည်ပါ။ ကိုယ်ဘာသာ ကြိုက်ရာ ပြင်နိုင်ပါတယ်။ .mp3 ဆိုတာက MP3 Music File ဖြစ်ကြောင်း သက်သေပြတာမျိုးပါ။ သူ့ကို ပြင်လိုက်လို့မရတဲ့ အပြင် ကွန်ပျူတာက Rename System တွေအသုံးပြုရင် ဖိုင်အမည်ကိုပဲ ပြောင်းနိုင်တာမျိုးကို တွေ့မှာပါ။
ကွန်ပျူတာမှာ အသုံးပြုသော ဖိုင်အတော်ကို များပါတယ်။
အတွေ့များမှာကတော့
Music ( *.mp3 , *.wma , *.aac…)
Video ( *.avi , *.mpg , *.vob , *.dat …)
Compressed File ( *.zip , *,rar , *.7z , *.iso )
Software Installer ( *.exe , *.msi Windows OS System )
Document File ( *.pdf(Ebook) , *.docx ( Offic Word 2007)…)
သူတို့က Stroage Device အပေါ်မှာ ကိုယ်ပိုင် ဖိုင်ဆိုဒ်လေးတွေနဲ့နေပါတယ်။ သူ့ကို နောက်တစ်နည်းနဲ့ တွေ့နိုင်တာက ဖိုဒါတစ်ခုရဲ့အောက်မှာလည်းရှိနိုင်ပါတယ်။ကြိမ်းသေတာတော့ Hard Disk အပေါ်မှာရှိသော အရာလေးတွေက ဖိုင်ဆိုတာတွေပဲ ဖြစ်ပြီး သူတို့က ဖိုင်ဆိုဒ်ရှိတယ်။ဖိုင်ပုံစံရှိတယ်ဆိုတာပါပဲ။
Hard Disk
Hard Disk ကိုတော့ ကျွန်တော်တို့ အသုံးများသော ဝင်းဒိုစ်းစနစ်မှာ စနစ်ပိုင်းဆိုရာ အချက်အလက်တွေကို အဓိကအားထားအသုံးပြုသော Stroage Device ပါ။
Stroage Device ဆိုရင် ပထမဆုံးသိရမှာက မှတ်ညဏ်ပမာဏဖြစ်ပါတယ်။ သူ့ကို သိမှ ကျွန်တော်တို့ ဖိုင်တွေဘယ်လောက် သိမ်းလို့ရမယ်ဆိုတာ တွက်နိုင်မှာပါ။ မလောက်တော့လည်း နောက် ပိုပြီးမှတ်နိုင်တာ ဝယ်ရမှာမျိုးပါ။
Hard Disk တွေကို ကွန်ပျူတာ စနစ်တွေမှာ Drive C: , D: အစရှိသလိုမျိုးတွေ့ရပါတယ်။
တကယ်က အဲ့လိုမျိုးတွေ့တယ်ဆိုတာ Hard Disk နှစ်လုံးရှိတယ်လို့ အလွယ်ပြောလို့မရပါဘူး။Partition တွေလည်းဖြစ်နိုင်ပါတယ်။
Stroage Drive တွေက မူရင်းဝယ်ခါစက ဖိုင်တွေကို သိမ်းလို့မရပါဘူး။ ဖိုင်စနစ်ထည့်သွင်းမှ ဖိုင်တွေသိမ်းလို့ရမှာပါ။ Stroage Device တွေမှာ ကိုယ်ပိုင်ဖိုင်စနစ်တွေရှိပါတယ်။ကျွန်တော်တို့ အခေါ် Format ချတယ်လို့ဆိုလိုပါတယ်။ ပုံစံသွင်းယူတာမျိုးပါ။
Hard Disk မှာတော့ မှတ်ညဏ်ပမာဏက များတာကြောင့် Hard Disk ကို ပိုင်သော နည်းကို အသုံးများပါ။ Partition Technology ပါ။ Hard Disk တစ်လုံးတည်းကိုပဲ နှစ်ခုပုံစံ သုံးခုပုံစံမျိုးနဲ့ တွေ့ရတာမျိုးပါ။
တကယ်လည်း Hard Disk ကို Partition ပိုင်းကာ အသုံးပြရမှာပါ။ တစ်ပိုင်တည်းရှိတယ်ဆိုလည်း Partition ကို တစ်ပိုင်းတည်းပိုင်းတည်လို့ဆိုလိုပါတယ်။နောက်ပြီးရင်တော့ Format ချရပါတယ်။ ဒါမှ Hard Disk က ဖိုင်တွေသိမ်းလို့ရမှာပါ။
File System ( Format ) တွေက စနစ်တခုနဲ့ တခုမတူပါဘူး။ Windows Platform မှာဆိုရင် File System ကို NTFS ဆိုပြီး အသုံးပြုပါတယ်။အခြားသော စနစ်တွေမှာတော့ သူတို့ကိုယ်ပိုင် ဖိုင်စနစ်တွေကို အသုံးပြုပါတယ်။
Hard Disk ကို နောက်ခေါ်နိုင်တာက Read , Write Access Drive လို့လည်းခေါ်နိုင်ပါတယ်။ဖိုင်တွေ သိမ်းရုံတင်မက နောက်ထပ်လည်း ထပ်သိမ်းနိုင်၊ ဖိုင်တွေကိုလည်း ဖျက်နိုင် ဖတ်နိုင်သော Stroage မျိုးမို့ပါ။
Flash Drive
Flash Drive ကလည်း Hard Disk လိုမျိုး Read , Write Access Memory အမျိုးအစားပါ။သူ့မှာလည်း ကိုယ်ပိုင် File System ( Format ) ရှိပါတယ်။ အတွေ့များတာကတော့ FAT and FAT32 ပဲဖြစ်ပါတယ်။
သူကတော့ Partition တွေပိုင်းပြီးတွေ့ရလေ့ သိပ်မရှိပါဘူး တွေ့လိုက်ရင် တစ်ပိုင်းတည်းပဲ တွေ့တာများပါတယ်။Partition ပိုင်းချင်ပါကလည်း ပိုင်းလို့ရသော ဆော့ဝဲလ်တွေရှိပါတယ်။
Flash Drive လို့ပြောတဲ့ အထဲမှာ Memory Card (SD) တွေလည်းပါပါတယ်နော့်။ သူတို့မှာ ခဏခဏပြဿနာတက်တာက Format ကိစ္စပဲဖြစ်တာများပါတယ်။Format ဆိုတာက ပုံစံချတာ ဖိုင်စနစ်ထည့်သွင်းတာ ဖြစ်တာကြောင့် Format ဆိုတာလေးကို ကလစ်နှိပ်ပါက ကောင်းနေသော အသုံးပြုနေသော စက်ဆိုရင် ဒေလ်တာတွေ အကုန်ပျောက်ကုန်မှာ ဖြစ်ပါတယ်။ တကယ်က ဖိုင်တွေကို အကုန်ဖျက်ပြီးမှ ဖိုင်စနစ်ထည့်သွင်းရတာ ဖြစ်လို့ပါပဲ။
CD/DVD Disc
CD/DVD Disc ကို နှစ်မျိုးခွဲလို့ရပါတယ်။ တစ်ခုက RW ( Read and Write Access ) နဲ့ နောက်တစ်ခု R ( Read Only Memory ) ဆိုပြီးတော့ပါ။
ကျွန်တော်တို့ အသုံးများသော အခွေတွေက ကြိမ်းသေးပါတယ်။ Read Only Disc တွေပါ။ဖိုင်ကို တစ်ခါပဲ ရေးလို့ရပြီး နောက်တကြိမ်ပြန်ရေးခွင့် မရှိပဲ ဖတ်ပဲဖတ်နိုင်တာမျိုးပါ။
RW Drive ကတော့ Flash Drive တို့လို လုပ်အပ်ပါက ပြန်ဖျက်နိုင် ဖိုင်များနောက်တကြိမ်ကူးခွင့် ရှိတာမျိုးပါ။
DVD/CD Disc တွေက သူဆီကို ဒေလ်တာတွေ ကူးယူဖို့ သိမ်းဖို့ကို တိုက်ရိုက် Flash Memory တို့လိုမျိုးသိမ်းလို့မရပါဘူး။ ဖိုင်တွေ သိမ်းချင်ပါက Burn ဘမ်းမှ ရမှာပါ။
ဘမ်းဖို့ကို ကွန်ပျူတာမှာ CD/DVD Burning Software တစ်ခုခုတင်ထားမှ အသုံးပြုနိုင်မှာပါ။
အခွေဘမ်းဖို့ကို ဆော့ဝဲလ်နဲ့တင် မပြီးပါဘူး သူ့ကို ဖွင့်နိုင်သော DVD Drive ကလည်း RW ဖြစ်မှကို ဘမ်းလို့ရမှာပါ။
ကိုယ့် DVD က ဘမ်းလို့ရမရကို စက်မှာ RW ကဲ့သို့သော စာတန်းပါပါက ဘမ်းလို့ရမှာ သေချာပါတယ်။ ROM လို့တွေ့ရင်တော့ သေချာပါတယ် အခွေတွေကို ဖတ်ရုံပဲ ဖတ်နိုင်မှာပါ။ ဘမ်းလိုမရပါဘူး။
ဖိုင်တွေကို Stroage Drive တွေထဲ အဆင်ပြေပြေထည့်သွင်းဖို့ဆိုတာ ကိုယ်သိမ်းမည့် Stroage က RW ( Hard Disk , Flash ) ဆိုရင် ကွန်ပျူတာ စနစ်မှာပါသော File Manager Software ကို အသုံးပြုကာ ကူးယူသိမ်းဆည်းဖျက်လိုက်နိုင်မှာပါ။
DVD အတွက်ဆိုရင်တော့ RW Drive ဟုတ်မဟုတ်သာစစ် အခွေဘမ်းလို့ရတယ်ဆိုရင်တော့ အခွေလွတ်ဝယ်ပြီး ဒေလ်တာတွေ သိမ်းလို့ရပါတယ်။
နောက်တစ်ခုက ဖိုင်တွေရဲ့ ဆိုဒ်ကို သိမှ သိမ်းရတာ အဆင်ပြေမှာမို့ ဖိုင်ဆိုဒ်ကို သိဖို့ကို Right Click > Properties ကနေပြီး ဖိုင်ဆိုဒ်ကို လေ့လာပါ။
ဖိုင်ဆိုဒ်ကို သိမှသာ ကိုယ်သိမ်းချင်သော မှတ်ညဏ်က နေရာလောက်မလောက်သိမှာဖြစ်ပါတယ်။
Hard Disk , Flash Disk တွေကို 100% Data တွေ အကုန်ထည့်သွင်းတာ မကောင်းပါဘူး အကောင်းဆုံးက 70% လောက်ဆိုရင် အဆင်ပြေပါတယ်။ သေချာပါတယ် ဒေလ်တာတွေ 80% လောက်ထည့်ထားရင် Stroage က Memory ပြသော ဘားလေးက အနီရောင်လေးဖြစ်သွားပါတယ်။ ဒေလ်တာတွေ အရမ်းများသွားတာလို့ ပြောနေတာပါ။
Posted By
<< HTAR WAIE THAR >>
Ko Ko Zaw ( BE-EC ) www.htarwaiethar.blogspot.com
0 comments:
Post a Comment