ကျွန်တော်တို့ ကွန်ပျူတာမှာ အသုံးပြုနေသော ဆော့ဝဲလ်တွေ ( OS အပါအဝင် ) ကို ဘယ်ကရလာလဲ ဆိုတာလေးကို ကျွန်တော် သိသလောက်ရေးလိုက်မယ့်နော့်။
ဆော့ဝဲလ်ကို အခကြေးငွေပေးရသော ဆော့ဝဲလ်များနှင့် ဖရီးရသော ဆော့ဝဲလ်ဆိုပြီး နှစ်ခု အကြမ်းခွဲလို့ရပါတယ်။
၁။ အခကြေးငွေပေးသုံးရသော ဆော့ဝဲလ်များ
အခကြေးငွေပေးသုံးရသော ဆော့ဝဲလ်များကို ကျွန်တော်တို့ နိုင်ငံမှာရော အခြားသော နိုင်ငံများမှာပါ အသုံးပြုကြပါတယ်။
နိုင်ငံရပ်ခြားမှာ ဆော့ဝဲလ်များ ရယူသုံးစွဲမှု
နိုင်ငံရပ်ခြားမှာ ဆော့ဝဲလ်များကို ဆော့ဝဲလ်ရောင်းချသော Software Market များ၊ Local Software Company များမှာ အခကြေးငွေပေးကာ ပေးဝယ်နိုင်တယ်လို့ သိရပါတယ်။
ပေးရသော ပိုက်ဆံကတော့ မနည်းလှပါဘူး။
တချို့ဆိုရင် ဒေါ်လာ ၄ ၊၅ ရာ တချို့ဆို တစ်ထောင်လောက်ပေးရသော ဆော့ဝဲလ်တွေရှိပါတယ်။
ဆော့ဝဲလ်အရောင်းဆိုင်တွေမှာ ဝယ်ယူသုံးစွဲသည့် အတွက် ဆော့ဝဲလ် လိုင်စင်များ ဆော့ဝဲလ်အခွေတွင်ပါဝင်လာမှာ ဖြစ်ပြီး အွန်လိုင်းက Register လုပ်ရသော ဆော့ဝဲလ်တွေကိုတော့ Register ပြုလုပ်ကာ သုံးစွဲတာပေါ့ဗျာ။
တချို့သော သူများကတော့ ဆော့ဝဲလ်အရောင်းဆိုင်တွေမှာ ဝယ်ယူခြင်းမရှိပဲ အင်တာနက်က တဆင့်ဝယ်ယူတာလည်း ရှိပါတယ်။
ဆော့ဝဲလ်တွေရဲ ဝက်ဆိုဒ်တွေကို သွားယူပြီး အွန်လိုင်ငွေပေးချေမှု စနစ်တွေနဲ့ ဝယ်ယူလို့လည်း ရနိုင်ပါတယ်။
နောက်တခု ရွေးစရာ ရှိတာက အခကြေးငွေပေးကာ ဝယ်ယူနိုင်သော ဆော့ဝဲလ်တွေက သူတို့ ဆော့ဝဲလ်တွေကို အမြည်းသဘောနဲ့ပေးသုံးတာလေးတွေကို ဒေါင်းပြီး ကြိုက်မှာ အွန်လိုင်းငွေချေစနစ်နဲ့ သုံးစွဲတာပါ။
အမြည်းပေးသုံးသော ဆော့ဝဲလ်တွေကတော့
Trialware ( အချိန်အကန့်သတ်ဖြင့် ဖရီးပေးသုံးကာ ဖရီးပေးသော အချိန်ကုန်ပါက အသုံးပြုလို့မရသော ဆော့ဝဲလ်)
Shareware ( သူကတော့ တချို့က အချိန်ကိုပဲ ကန့်သတ်တာဖြစ်ပြီး တချို့က ဆော့ဝဲလ်လုပ်ဆောင်ချက်များကိုပါ ကန့်သတ်တက်ပါတယ်။
Demo Version ( သူကတော့ ဆော့ဝဲလ်လုပ်ဆောင်ချက်များကို ကန့်သတ်ထားသော ဆော့ဝဲလ်ပါ တချို့ဆိုရင် ဆော့ဝဲလ်ရဲ့ ဖိုင်အပြည့်အစုံကို မထည့်ပေးတာရှိပါတယ်။ )
သူတို့ကို အင်တာနက်မှာ ဖရီးဒေါင်းခွင့်ပေးထားပါတယ် ။ အသုံးပြုလို့ကြိုက်မှာ ဝယ်ဆိုသော နေအထားပါ။
ဆော့ဝဲလ်တွေကို တရားဝင်ဝယ်သုံးခြင်းအားဖြင့် ဆော့ဝဲလ် Company တွေက အသုံးပြုသူများကို ဆော့ဝဲလ်ပြဿနာများ ဖြေရှင်းပေးခြင်း ၊ ဆော့ဝဲလ် Update ပြုလုပ်ခြင်းတို့ကို ဖရီးဝန်ဆောင်မှုပေးခြင်းတွေ ရှိသလို ဆော့ဝဲလ်ကို ဗားရှင်းမြှင့်ချင်ပါက စျေးလျှော့ပေးတာတွေလည်း ရှိပါတယ်။
မြန်မာမှာ ဆော့ဝဲလ်များရယူသုံးစွဲပုံ ( အခုလောလောဆယ် 2013 အထိ)
ကျွန်တော်တို့ နိုင်ငံမှာလည်း ဆော့ဝဲလ်အရောင်းဆိုင်များရှိပါတယ်။
သို့သော်လည်း ကွာတာကတော့ တရားဝင် ဆော့ဝဲလ် Company များက လာရောက်ကာ ဖွင့်ထားတာတော့ မဟုတ်ပါဘူး။
ဆော့ဝဲလ် အခွေတွေကို ကျွန်တော်သိသလောက်ဆိုရင် CD ဆို ၅၀၀ ကျပ်၊ DVD ဆိုရင် ၁၀၀၀ ကျပ်နဲ့ရပါတယ်။
အခွေဆိုင်က ဝယ်ယူတာကြောင့် ဆော့ဝဲလ် လိုင်စင်များကိုလည်း ဆော့ဝဲလ်အခွေမှာ တခါတည်းရလာမှာ ဖြစ်ပါတယ်။
ရလာတာတွေကိုတော့ On Line Register လုပ်လို့တော့မရပါဘူး။ ရလာသော လိုင်စင်တွေက Crack File , Key File , Keygen , Patch စတာမျိုးတွေရလာမှာပါ။
သူတို့ကို အသုံးပြုပြီး တကယ်ဆော့ဝဲလ်ကို ဝယ်သုံးသလို ဖူးလ်ဗားရှင်းအဖြစ် အသုံးပြုနိုင်ပါတယ်။
ကျွန်တော်တို့ ဆီမှာတော့ တရားဝင်ဝယ်နိုင်တာဆိုလို့ AntiVirus Software တွေကိုတော့ တစ်နစ်ကို ၁၀၀၀၀ ကျပ်လောက်နဲ့ဝယ်နိုင်ပါတယ်။
ကျန်သော ဆော့ဝဲလ်တွေကတော့ တစ်ချိန်ချိန်မှာ တရားဝင်းဝယ်ယူနိုင်မှာပါ။
နောက်တစ်နည်းနဲ့ ဆော့ဝဲလ်ရလာနိုင်တာကတော့ Crack များပါပေးသော ဆော့ဝဲလ်ဖြန့်ဝေသော ဝက်ဆိုဒ် ဘလော့များမှာ ရလာနိုင်ပါတယ်။
ဆော့ဝဲလ်များကို ဖြန့်သော ဘလော့ ဝက်ဆိုဒ်တွေကတော့ မြန်မာဆိုဒ်တွေလည်း ရှိသလို နိုင်ငံခြားဆိုဒ်တွေလည်း ရှိပါတယ်။ ကိုယ်ကြိုက်ရာ ဆိုဒ်ကနေဒေါင်းနိုင်တာပေါ့ဗျာ။
နောက်ဆုံးတနည်းကတော့ မူရင်းဆော့ဝဲလ်ဖြန့်သော ဆိုဒ်တွေက Trial , Shareware , Demo Version တွေကို ရယူကာ စမ်းသပ်ကြိုက်မှာ Crack များရနိုင်သော ဆိုဒ်တွေကနေပြီး Crack ကို ဒေါင်းပြီး အသုံးပြုတာပါ။
ကျွန်တော်တို့ကတော့ အခုလောလောဆယ် Cracked Version တွေကို အသုံးပြုနေရတော့ ဆော့ဝဲလ် ပြဿနာတွေဆိုရင်ဆိုလည်း ကိုယ့်ဘာသာရှင်း နောက်ပြီး ဆော့ဝဲလ်ပိုင်ရှင်ဆီကလည်း Update တွေ ဒေါင်းလို့တော့ မရတာတွေတော့ ရှိပါတယ်။
တစ်ချိန်ချိန်တော့ ကျွန်တော်တို့လည်း ဆော့ဝဲလ်တွေကို တရားဝင်ဝယ်လို့ရလာနိုင်ပါတယ်။
အခုလောလောဆယ်တော့ အွန်လိုင်ကနေပြီ ငွေချေလို့မရနိုင်သလို ဆော့ဝဲလ် Company တွေကလည်း မြန်မာမှာ လာမရောင်းသေးပါဘူး။
၂။ Free Version များရယူသုံးစွဲပုံ
ဆော့ဝဲလ်ကို ဖရီးဖြန့်ပြီး အသုံးပြုပုံကတော့ ကျွန်တော်တို့ မြန်မာနဲ့ နိုင်ငံခြားက ကွာခြားမှုမရှိပါဘူး။
ဆော့ဝဲလ်က ဖရီးဖြန့်တာမို့ အွန်လိုင်ကနေပဲ ဆော့ဝဲလ်ကို ဖြန့်တာများပါတယ်။
Free OS ( Linux Ubuntu ) and Other Software တွေကို အင်တာနက်ကနေပြီး ဖရီးဒေါင်းကာ အဆင်ပြေပြေနဲ့ ကွန်ပျူတာ အသုံးပြုနိုင်ပါတယ်။
တချို့ဆိုရင် ဖရီးဆော့ဝဲလ်တွေက စွမ်းအားမြှင့်တာကို တွေ့နိုင်ပါတယ်။
ဆော့ဝဲလ်များကို မူရင်းဆိုဒ်များမှာ ဖရီးဒေါင်းနိုင်သလို အခြားဖရီးဆော့ဝဲလ်တွေ ဖြန့်သော ဝက်ဆိုဒ် www.softpedia.com တို့လိုမျိုးမှာ ဒေါင်းနိုင်ပါတယ်။
ဖရီးထဲမှာ နာမည်ကြီးတာတော့ Open Source Version တွေပါ။ သူတို့ကတော့ ဆော့ဝဲလ်ကို ဖရီးပေးရုံသာမက Program Code တွေကိုပါ Programmer တွေ လေ့လာနိုင်အောင် ဒီထက်ပိုကောင်းအောင် ထုတ်လုပ်နိုင်အောင် ထုတ်သော ဆော့ဝဲလ်တွေမျိုးပါ။ဆော့ဝဲလ်တွေ ထဲမှာ နောက်တခု ကျွန်တော်တို့ တွေ့နိုင်တာက Beta Version ပါ။
Beta Version ဆိုတာတော့ ဆော့ဝဲလ်ကို စမ်းသပ်နေဆဲမှာ အသုံးပြုသူများ ကြိုက်မကြိုက်ဖြန့်သော ဆော့ဝဲလ်အမျိုးအစားပါ။ အတော်များများကတော့ ဖရီးပေးတာများပါတယ်။
<< HTAR WAIE THAR >>
Ko Ko Zaw ( BE-EC ) www.htarwaiethar.blogspot.com
0 comments:
Post a Comment