ယခုပို့စ်ကတော့ ကျွန်တော့် အတွေ့အကြုံသက်သက်ကိုပဲ ရေးသားထားတာ ဖြစ်ပါတယ်။
လိုင်စင်ဝင်းဒိုးစ်ကိုတော့ ကျွန်တော်တို့ မြန်မာမှာ သိပ်သုံးလေ့မရှိပါဘူး။ ( ပိုက်ဆံပေးရတာကိုးဗျ။ :p )
ကျွန်တော်ကိုယ်တိုင်လည်း Gneuine Windows ကို ဝယ်သုံးတာ မဟုတ်ပါဘူး။ Cracked Version Windows 7 Ultimate 32 Bit Versions ကို အသုံးပြုတာ ဖြစ်ပါတယ်။
သို့သော်လည်း ကျွန်တော်တို့ စက်ရုံမှာတော့ လိုင်စင်ဝင်းဒိုးစ်ကို အသုံးပြုပါတယ်။
ကျွန်တော်တို့ စက်ရုံက ကွန်ပျူတာ Windows XP SP2 Genuine Version ဖြစ်ပါတယ်။
ကွန်ပျူတာကို ဆွီဒင်က သယ်လာလို့ လိုင်စင် ဖြစ်နေတာပါ။
PLC Control ပြုလုပ်ဖို့ အသုံးပြုသော စက်ဖြစ်ပါတယ်။
ယခုတော့ အဲ့ဒီ ကွန်ပျူတာကြီးလည်း ဗိုင်းရပ်တွေ ကိုက်ပြီး PLC Software လည်း ပျက်သွားပါပြီ။
သူ့နှင့် ပက်သက်တော့ ပြဿနာလေးတွေကို နည်းနည်းရေးပေးပါမယ်။
၁) လိုင်စင်ဝင်းဒိုးစ် ဖြစ်သော်လည်း ကျွန်တော်တို့ကို Recovery CD လည်း မပေးပါဘူး။ တကယ်လို့များ ရှိခဲ့မည်ဆိုရင်တောင် ဘယ်သူသိမ်းသွားတာလဲ မသိလို့ ဝင်းဒိုးစ် ကြောင်သွားပါက ဘယ်လိုမှ ပြန်ပြင်လို့မရပါ။
၂) နောက် ကျွန်တော်တို့ အသုံးပြုတာ တစ်နှစ်ကြာပြီးနောက်မှာ ကွန်ပျူတာက ပြဿနာတက်လို့ ဝင်းဒိုးစ်က မတက်တော့ပါ။ ဒါနဲ့ ကျွန်တော်လည်း ဝင်းဒိုးစ် ( မြန်မာမှ အခွေ ) အခွေနှင့် တက်ကြည့်တာ လုံးဝကို မရဘူးဗျ။
၃) ဒါနဲ့ ကျွန်တော်လည်း ဘယ်ရမလဲ။ ကွန်ပျူတာက Brand ဖြစ်နေလို့ ပြဿနာတက်တယ်ထင်ပြီး တစ်ခြားသော ကွန်ပျူတာကို Hard Disk သယ်ပြီး ဝင်းဒိုးစ်ကို ပြန်ပြင်ရန် ကြိုးစားပါတယ်။
ဟဲဟဲ မရဘူးဗျ။ Hard Disk ကို တပ်ဆင်ပြီး နောက်ကွန်ပျူတာကို ဖွင့်လိုက်တော့ ဘာမှကို မတက်ဘူးဗျ။ သူ့ မူရင်း ကွန်ပျူတာမှာတော့ Windows OS Welcome အပေါ်တက်ပြီးမှ ပြန်ကျသွားတာမျိုးပါ။
သူ့မူရင်း ကွန်ပျူတာမှာ Hard Disk ပြန်တပ်တော့ ပြန်အဆင်ပြေတယ်ဗျ။ ဘယ်လိုမှန်းကို မသိဘူး။ ကျွန်တော်တို့ စက်က Dell Branded Desktop PC ပဲ ဖြစ်ပါတယ်။
၄) ဒီလိုနဲ့ ကျွန်တော် နည်းနည်းတော့ တိုင်ပတ်လာပါတယ်။ ဒါနဲ့ မထူးဘူးဆိုပြီး Hard Disk အသစ်တစ်လုံးဝယ်ပြီး Windows XP တင်ဖို့ ကြံစည်တော့လည်း ဝင်းဒိုးစ် တင်နေစဉ်မှာ Error Messages တွေပေါ်လာပြီး Widnows တင်လို့ မရဘူးဗျ။ အတော်ကို လန်းတယ်။
၅) ဒါနဲ့ ကျွန်တော် နောက်တစ်နည်း အနေနဲ့ Hard Disk အသစ်ကို အခြားသော ကွန်ပျူတာမှာ Windows XP တင်ပြီး Dell မှာ ပြန်ချိတ်တော့လည်း ဝင်းဒိုးစ်မတက်နိုင်ဘူးဗျ။
၆) ကျွန်တော် လက်တော့ မလျှော့ပါဘူး။ Hard Disk အသစ်ကို Dell မှာ ချိတ် ၊ Windows 7 တင်တော့ အံမယ်ဒါကျတော့ အဆင်ပြေသွားပါတယ်။ ဒီလိုနဲ့ ကျွန်တော်လည်း အဲ့ဒီ Hard Disk ကို အခြားသော ကွန်ပျူတာမှာ ချိတ်ကြည့်တာ ဝင်းဒိုးစ်များ တက်မလာ စမ်းတာ လုံးဝအဆင်မပြေပါဘူး။ Computer Branded , Genuine Windows အဲ့နှစ်ခု ပေါင်းပြီး ဘယ်လို ချိတ်ထားမှန်းကို မသိဘူးဗျ။
၇) ကျွန်တော် ဒါနဲ့ မူရင် Hard Disk ကို နည်းနည်းတော့ စိုးရိမ်လာပါတယ်။ သူ့ဆီမှာက PLC ထိန်းချုပ်ဆော့ဝဲလ်ရှိတာကိုး။ သို့သော်လည်း ကောင်းအောင်လည်း ပြင်ရမှာဆိုတော့ ကျွန်တော် Hard Disk အဟောင်းကို Clone ရိုက်ဖို့ စဉ်းစားမိပါတယ်။ ဒါဆိုရင် ကျွန်တော့် အနေနဲ့ Clone Hard Disk ကို စိတ်ကြိုက် ပြင်ဆင်နိုင်မှာကိုး။ ဒါနဲ့ ကျွန်တော် Hard Disk အဟောင်းကို Clone ရိုက်လိုက်ပါတယ်။ အဲ့လို လုပ်လိုက်တော့ ဘာဖြစ်သွားလဲဆိုတော့ Clone Hard Disk ကတော့ အဆင်ပြေပေမဲ့ Clone အရိုက်ခံရတဲ့ မူရင်း အဟောင်း Hard Disk ကတော့ ဒေလ်တာတွေ ပျက်သွားတယ်ဗျ။ ကျွန်တော်လည်း ဘာမှကို မလုပ်လိုက်ရဘူး။ သူ့ဘာသာကို ပျက်သွားတာ။ Hard Disk ပျက်သွားတာ မဟုတ်ဘူးဗျ။ ဒေလ်တာတွေပဲ ပျက်သွားတာမျိုး။
၈) ကျွန်တော် တော်တော်ကို တိုင်ပတ်သွားပါတယ်။ ဒါနဲ့ ကျွန်တော် ပွားယူထားသော Hard Disk လေးကိုပဲ အခြေပြုပြီး တက်စွမ်းသလောက် လိုက်ပြင်လိုက်တာ နောက်ဆုံးတော့ အဆင်ပြေသွားပါတယ်။ ပြဿနာက Registry Error ပြဿာနာပဲ ဖြစ်ပါတယ်။ ကံကောင်းတာက Windows OS က အရင်ကတည်းက အော်တို Registry တွေကို Backup လုပ်ပေးထားလို့ ကျွန်တော် အဆင်ပြေသွားပါတယ်။ ကျွန်တော် ကွန်ပျူတာက ဝင်းဒိုးစ်မတက်လို့ Hiren's BootCD နဲ့ လိုက်ရှိုင်းတာပါ။
၉) ဘလော့ဂ်တွေ၊ ဖိုရမ်တွေ ပေါင်းစုံ၊ စာအုပ်တွေ ပေါင်းစုံ စုစည်းပြီး ကျွန်တော် သုံးရက်လောက် အချိန်ပေးလိုက်တာ နောက်ဆုံးတော့ အဆင်ပြေသွားပါတယ်။ သို့သော်လည်း ထူးခြားချက်က အဲ့ဒီ Hard Disk ကို Dell Computer တစ်ခုမှာပဲ တပ်ဆင်နိုင်တာ ဖြစ်ပြီး Clone ရိုက်လိုက်ပါက Clone Hard Disk ပဲ ကောင်းပြီး Clone အရိုက်ခံရသော Hard Disk မှ ဒေလ်တာတွေ ဆုံးရှုံးသွားတယ်ဗျ။ ဘယ်လိုလုပ်လုပ်မရဘူး။
ကျွန်တော်ပြောချင်တာက တကယ်လို့များ မိတ်ဆွေတို့ဆီမှာ အရေးကြီးသော Genuine Version Windows OS အသုံးပြုပါက သတိထားပြီး အသုံးပြုစေလိုတာကိုပါပဲ။
လိုင်စင်ဝင်းဒိုးစ်တွေက Cracked Windows တွေနဲ့ ကွားခြားပါတယ်။ သုံးဖူးသူတိုင်း သိမှာပါ။
ကွန်ပျူတာ စနစ်တွေထဲမှာ သူတို့ လိုင်စင်ကို ထိန်းချုပ်ထားတာမျိုးရှိတာမျိုးပဲ ဖြစ်ပါတယ်။
ကျွန်တော်တို့တော့ သိသွားပါပြီ။ အဲ့လို အရေးကြီးသော စက်မျိုးကို ထိန်းထိန်းသိမ်းသိမ်းနဲ့ ကိုင်ဖို့ကိုပဲ အားပေးမိပါတယ်။ ကျွန်တော်တို့ Cracked Version Windows တွေလိုမျိုး ပြဿနာကို ဖြေရှင်းနိုင်မှာ မဟုတ်ပါဘူး။
** ကိုကိုဇော် ( BE-EC )
0 comments:
Post a Comment