ဒီနည်းလမ်းကတော့ သိတဲ့ လူတွေလည်း သိမှာပါ။
မသိသေးသောသူများအတွက် ရည်ရွယ်ပါတယ်။
Computer မှာ Internet Download Manager ကိုအသုံးပြုပြီး အတော်များများက ဒေါင်းလုပ်ခ်ဆွဲပါတယ်။ အဲ့အခါမှာ ဖိုင်ဆိုဒ်အကြီးတွေ ဒေါင်းလုပ်ခ်ဆွဲတဲ့ နေရာမှာ ဉပမာ Official Download Link က ဖိုင်တွေကို ဒေါင်းလုပ်ခ်ဆွဲတဲ့ နေရာမှာ ပြဿနာက ဘာမှ မဖြစ်ပဲ ဘလော့ဂ်ဂါများအသုံးများတဲ့ Hosting Site ( mediafire, pcloud, usercloud, ... ) စသော ဆိုဒ်တွေမှာ ဒေါင်းလုပ်ခ်ဆွဲတဲ့အခါ Resume Support လုပ်ပေးတယ်ဆိုပေမဲ့ အချိန်အကန့်သတ်နဲ့သာ Support လုပ်တာကို ကြုံဖူးတဲ့လူတွေ ကြုံဖူးမှာပါ။
ကျွန်တော့်ပြောသော ဆိုဒ်တွေက Resume Support ကတော့ ရပါတယ်။ ခက်တာက တစ်ချို့ဆို အချိန်နာရီ အကန့်သတ်နဲ့ ရတာမျိုးဖြစ်ပြီး တစ်ချို့ကတော့ တစ်နေ့စာအတွက် ကန့်သတ်တာမျိုးတွေပါ။ အချိန်ကာလ ကျော်လွန်သွားရင် ကိုယ်ဒေါင်းလုပ်ခ်ရထားသော ဖိုင်တစ်ဝက်တစ်ပျက်က Resume လုပ်လို့ မရတော့ပဲ Refresh Download Link from website ဆိုသော စာတန်းမျိုးတက်လာပြီး ဖိုင်ဒေါင်းလုပ်ဆက်ဆွဲလို့ မရတာမျိုး ဖြစ်တက်ပါတယ်။
ဖိုင်ဆိုဒ်အသေးလေးတွေ ဒေါင်းလုပ်ခ်လုပ်ရင် သိပ်မသိသာသော်လည်း 1 GB ဝန်းကျင်လောက် ဖိုင်တွေဆိုရင်တော့ ကြုံတွေ့တက်ပါတယ်။ ကျွန်တော်က မနေ့က ကြုံရတာမျိုးပါ။ ဖိုင်က 600 MB ကျော်ကျော်ပဲ ရှိပါတယ်။ ဒေါင်းထားတာကလည်း ၅၉၀ ကျော်နေပါပြီ။ ဖရီးဝိုင်ဖိုင်လေးနဲ့ ကြုံတုန်းလေးဆွဲလိုက်တာပေါ့။ အဲ့မှာ ကိစ္စမရှိပါဘူးလေပေါ့။ မနက်ဖြန်မှာ ကျန်တာလေးကို ဆက်ဆွဲမယ်ဆိုပြီး လုပ်လိုက်တာ မနက်ရောက်တော့ ကျွန်တော် အခုပြောတဲ့ ကွိုင်လေးက စတင်တာပဲ ဖြစ်ပါတယ်။
ကဲ့ အိုကေ။ စာတွေကလည်း အတော်ကို များသွားပြီနော့်။ ဖြေရှင်းနည်းလမ်းလေးကို ရေးပေးပါမယ်။ အဲ့မျိုးကေ့စ်က တကယ်တမ်း Resume လုပ်လို့မရတာတော့တာမျိုးမဟုတ်ပဲ Download Link ပြောင်းသွားတာမျိုးပဲ ဖြစ်ပါတယ်။ ကဲ့ ကိုယ်ဒေါင်းလုပ်ဆွဲထားပြီး Resume မရတော့သော ဖိုင်ကို IDM မှာ Right Click > Reflesh Download Link ဆိုတာလေးကို နှိပ်ပေးပါ။ အောက်က ပုံမှာ ပြပေးထားပါတယ်။
အဲ့အခါရောက်ရင် Browser ဖြင့်တက်လာပြီး ဒေါင်းလုပ်ခ်လင့်ခ်ကို ပြန်ရောက်ပါတယ်။ အဲ့မှာ ဒေါင်းလုပ်ခ်လေးကို ကလစ်ပြီး နောက်တစ်ခါ ဒေါင်းလုပ်ဆွဲလိုက်ပါ။ ပြီးရင် Pause လုပ်လိုက်ပါ။ အိုကေပါတယ်နော့်။ နောက် အဲ့ Pause လုပ်လိုက်သော ဖိုင်လေးကို IDM မှာ Right Click > Properties > အောက်က ပုံမှာ ပြထားသော လင့်ခ်လေးကို Copy ကူးယူလိုက်ပါ။
နောက် အရင်က Resume မရတော့သော ဖိုင်လေးကို IDM မှာ Right Click > Properties > ပုံမှာ ပြပေးထားသော နေရာလေးမှာ လင့်ခ်လေးကို အစားထိုးပေးလိုက်ပါ။ အဲ့လိုမျိုးအစားထိုးပြီးရင် အခု ဖိုင်လေးကို Right Click > Resume ဆိုပြီး လုပ်ပေးလိုက်ပါ။ Resume ရသွားတာကို တွေ့ရပါမယ်။
အဆင်ပြေပါစေနော့်။
နည်းလမ်းက တကယ်တမ်းတော့ Resume မရတော့သော လင့်ခ်ကို Resume ရနိုင်သော လင့်ခ်လေးနဲ့ အစားထိုးလိုက်တာပဲ ဖြစ်ပါတယ်။
Posted By
<< HTAR WAIE THAR >>
Ko Ko Zaw ( BE-EC ) www.htarwaiethar.org
0 comments:
Post a Comment