Sever အကြောင်း

ဆာဗာ၊ ဆာဗာနဲ့ ပြောနေလိုက်ကြတာ တော်တော်များများ စိတ်ဝင်စားကြမှာ အမှန်ပါပဲ။ ဉပမာ ဝက်ဆိုဒ် တစ်ခုဝင်လို့ မရတဲ့အခါ လူတစ်ယောက်သွားမေးတော့ " အဲ့ဒါ ဆာဗာဒေါင်းနေတယ်ကွာ" လို့ ဖြေတယ်လေ။ နားမလည်တဲ့ အချိန်တုန်းက ဆာဗာဒေါင်းတယ်ဆိုတာ နားထဲကို ကန့်လန့် လိုက်ဝင်ပါတယ်။ ကဲ့ တည့်လိုက်ရအောင်။ အင်တာနက် အသုံးပြုတဲ့ လူတိုင်း နားလည်အောင် အလွယ်ကူဆုံးနည်းနဲ့ ရှင်းပြပါမယ်။ အဲ့ဒီဆိုဒ်တစ်ခု ဖွင့်မရတာ ဆာဗာဒေါင်းတယ်ဆိုတာက Web Sever ကို ပြောတာပါ။ ဆာဗာမှာတောင် အမျိုးမျိုး ကွဲသေးတယ်လေ။ စလိုက်ကြရအောင်။


Sever အဓိပ္ပါယ်
----
ကွန်ပျူတာကွန်ယက်များအား ချိတ်ဆက်၍ သတင်းအချက်အလက်ပေးပို့ပေးခြင်း၊ သိမ်းဆည်းထားပေးခြင်း တို့ ပြုလုပ်ပေးသော ကွန်ပျူတာ စနစ်ကို Sever လို့ ခေါ်ပါတယ်။ အလွယ်ကူဆုံး ပြောပြပါမယ်။ ခုနေ ရုံးအကြီးအစား တစ်ခုကို သွားရင် သူ့မှာ စာရွက်စာတန်းတွေ ထိန်းထားတဲ့ နေရာ တစ်ခုတော့ ရှိမှာပဲလေ။ ဂိုထောင်တစ်ခုနဲ့ သီးသန့် ထားကြပါတယ်။ ဆေးရုံမှာဆို ပိုအရေးကြီးပါတယ်။ အခန်းကြီးတစ်ခုထဲမှာ။ ဘယ်နေ့က ဘယ်လူနာ၊ ဘယ်နေ့က ဘယ်ဆေးတိုက်၊ ဘယ်သူဆင်း၊ ဘယ်သူသေ၊ ဘယ်သူတက်၊ ဆေးရုံအသုံးစရိတ် ဘယ်လောက်၊ ဝန်ထမ်းအင်အား ဘယ်လောက် အစရှိသဖြင့် အချက်လက်အားလုံးကို ဂိုဒေါင်တစ်ခုမှာ သိမ်းထားပါတယ်။ လိုအပ်တဲ့ အခါကျ ဂိုဒေါင်မှာ ဖိုင်စရင်း အတိအကျကို ထုတ်ယူလို့ရအောင် စနစ်တကျ သေသေသပ်သေပ် ထည့်ထားပါတယ်။ ဟုတ်ကဲ့။ အဲ့အချက်လက် အားလုံးကို ကွန်ပျူတာ တစ်ခုထဲမှာပဲ ထည့်ပြီး ကွန်ပျူတာကနေ လိုသလို ထုတ်သုံးမယ်။ နောက်ထပ် ကွန်ပျူတာ တစ်ခုစီ ရောက်အောင်လည်း ရုံတွင် Network နဲ့ ပို့ပေးနိုင်မယ်ဆိုရင် ယင်းကွန်ပျူတာ ဆာဗာအနေနဲ့ အလုပ်လုပ်နေပါပြီ။ ဒီတော့ သူ့ကို Database Sever လို့ အကြမ်းဖျဉ်း သတ်မှတ်နိုင်ပါတယ်။


Sever မှာ ဘယ်လို အလုပ်လုပ်လဲ
----
သာမာန် ဂိုဒေါင်းတစ်ခုမှာတောင် Store Keeper ဆိုပြီး သီးသန့်ခန့်ရတယ်လေ။ ဒိတော့ ဆာဗာ တန်းဝင်နိုင်ဖို့အတွက် ဆာဗာ လုပ်မယ့် ကွန်ပျူတာမှာ Sever Operating System ကို ထည့်ထားရပါတယ်။ အချို့ကျတော့ ဂိုဒေါင်ဝန်ထမ်းမထားချင်ဘူး။ အချက်လက်ကလည်းနည်းတော့ အဆင်ပြေသလိုထားတယ်။ ဟုတ်ကဲ့ ကွန်ပျူတာမှာလည်း ကိုယ်ထောက်ပံ့၊ မျှဝေ၊ သိမ်းဆည်းရမယ့် အချက်လက်တွေ သိပ်မများဘူးဆိုရင် အချို့ကျတော့ Sever Operating System မသုံးပါဘူး။ သုံးတယ်ဆိုရင် ရွေးစရာက အများကြီးပါ။ Linux Sever OS သုံးမလား၊ Windows လား၊ Mac လား အစရှိသဖြင့်ပေါ့ဗျာ။ Sever OS ဆိုလို့ ဘာများလည်းလို့ အတွေးနက်မသွားပါနဲ့။ သူက ဂိုဒေါင်တစ်ခုလို တာဝန်ထမ်းပေးမဲ့ ကွန်ပျူတာကို အကောင်းဆုံး ဝန်ဆောင်မှုပေးမဲ့ OS ပါ။ တော်ရုံ OS က မလုပ်နိုင်တာတွေ လုပ်ပေးသွားမှာလေ။


Sever အမျိုးအစားများ
----
Web Sever Website, Data and Information များအား သိမ်းဆည်းပေးနိုင်မှု၊ စေခိုင်းမှု ပြန်လည် အကြောင်းကြားပေးဖို့ အလုပ်လုပ်ပါတယ်။ ဉပမာ ကျွန်တော်က ဝက်ဆိုဒ်တစ်ခု ထောင်လိုက်ပါတယ်။ ထောင်တယ်ဆိုလို့ နို့ဆီဗူးထောင်သလိုမျိုး ထောင်လိုက်တာ မဟုတ်ဘူးနော့်။ ဆိုဒ်တစ်ခု ပရိုဂရမ်နဲ့ ဆွဲပြီး အင်တာနက်မှာ လွင့်ပါတယ်။ ဒီလိုလွင့်ဖို့အတွက် ယင်းအချက်အလက်တွေကို ဘယ်မှာ သိမ်းမလည်းက ရှိလာမယ်။ ဉပမာ ခုနေ စာဖတ်သူတို့ Facebook ပေါ်မှာ ပုံတွေ တင်ကြတယ်။ အဲ့ပုံတွေ ဘယ်ရောက်သွားလဲ့။ Facebook က အစ်ကိုတွေ၊ အစ်မတွေပဲ အလှဆုံးပုံတွေ ရွေးလို့ ဝိုင်းကြည့်နေကြမယ်လို့ ထင်နေလား။ အမှန်တော့ ပို့သမျှပုံတွေကို Sever မှာ ထည့်သိမ်းပါတယ်။ အချက်လက် သိမ်းဆည်းပြီး Hard Disk အကြီးစားပါပဲ။ Google ဆိုရင် ကမ္ဘာ့အကြီးဆုံး Data Centre တောင်ပိုင်ပါတယ်။ Web Sever အနေနဲ့ Website ရဲ့ အချက်လက်များကို သိမ်းဆည်းပေး၊ Command လက်ခံပေး ပြန်လည် အကြောင်းကြားပေး အစရှိသဖြင့် အလုပ်လုပ်ပါတယ်။ Web Sever အကြောင်းနောက်မှ သက်သက်ရှင်းပါမယ်။


Application Server – Software app များအား အလုပ်လုပ်ရန် ဝန်ဆောင်မှုပေးသော ဆာဗာ

Catalog Server – Network ပေါင်းများစွာမှာ အချက်လက်များကို အလွယ်တကူ စီးကူးစေရန် Central Search Point အဖြစ်ဝန်ဆောင်မှုပေးသော ဆာဗာ

Communication Server - တယ်လီဖုန်း တို့ကဲ့သို့သော ဆက်သွယ်ရေးအတွက် အသုံးပြုသော ဆာဗာ

Database server - ကွန်ပျူတာ ဂရိုဂရမ်နှင် ကွန်ပျူတာများအား သတင်းအချက်လက်များအား သိမ်းဆည်းပေးသော ဆာဗာ

Fax server – Fax ဝန်ဆောင်မှုပေးသော ဆာဗာ

File server - ဖိုင်များ အပေးအယူ၊ အကူးအပြောင်း ပြုလုပ်ပေးသော ဆာဗာ

Game server - ဗီဒီယိုဂိမ်း ဂရိုဂရမ်နှင့် User များအား ထောက်ပံ့ပေးသော ဆာဗာ

Home Server - အိမ်များအတွက် ဆာဗာ

Name Server - ဝက်ဆိုဒ်လိပ်စာ DNS များအား သိမ်းဆည်းဝန်ဆောင်မှုပေးသည် ဆာဗာ

Print Sever ( Printer ဝန်ဆောင်မှုအတွက် ဆာဗာ )၊ Proxy Sever ( မတူညီသော Sever များ ချိတ်ဆက်နိုင်ရန် ကြားခံ ဆက်သွယ်ပေးသော Sever, Sound Sever ( ရေဒီယိုတို့ကဲ့သို့ Multimedia broadcasting, Streaming များအတွက် အလုပ်လုပ်ပေးသော ဆာဗာ)၊ Stand-Alone Sever, Computer Sever အစရှိသဖြင့် အမျိုးမျိုး ထပ်ကွဲပါတယ်။ အချို့ကျတော့ Sever တစ်ခုချင်စီ မခွဲပဲ သုံးလေးမျိုးကို ဆာဗာ တစ်လုံးတည်းနဲ့ လုပ်လို့ရအောင် ဖန်တီးပေးပါတယ်။ နောက်မှ ဆာဗာ တစ်ခုချင်းစီအကြောင်း အသေးစိတ် ရှင်းပြပါမယ်။


Sever မှာ ဘာတွေပါလဲ
----
ဆာဗာမှာ ဂရိုဂရမ်အနေနဲ့ Sever OS ပါရမယ်လို့ ပြေားပြီးသွားပြီ။ ( မပါလည်း ကိစ္စမရှိဘူးနော့် )။ Hardware ပစ္စည်အနေနဲ့ကတော့ Memory ( အချက်လက် သိမ်းဆည်းထားမယ် ပစ္စည်း ) လိုအပ်ပါတယ်။ Google တို့လို ကုပ္မဏီကြီးကတော့ Data Centre ဟဲဗီးကြီးသုံးပြီး သူ့ကို Run ဖို့အတွက် သီးသန့် Data Centre Sever OS တောင် သက်သက် သုံးရပါတယ်။ အေးအောင်လည်း အမြဲလုပ်ပေးရပါတယ်။ ဒါမှ ဆာဗာ မဒေါင်းမှာလေ။ တစ်မိနှစ်ဒေါင်းရင် Google ဆုံးရှုံးမယ့် ငွေက ကန်ဒေါ်လာ သန်းထောင်ချီမှာပါ။
သူ့ကိုမှီနေတဲ့ ကုပ္မဏီတွေက နိုင်ငံတိုင်းမှာ ရှိနေလို့ ဖြစ်ပါတယ်။ ဟုတ်ကဲ့ ဒီတော့ Sever မှာ အချက်အလက် သိမ်းဆည်းပေးမဲ့ Hardware ၊ Sever အလုပ်လုပ်ရန် စီမံခန့်ခွဲပေးမဲ့ Software တို့ကို လိုအပ်ပါတယ်။


Sever တို့ ဘယ်လိုအလုပ်လုပ်လဲ
----
သာမာန်ကွန်ပျူတာပဲလေ။ Mail Sever ဆိုပါစို့။ ကျွန်တော်က Gmail တစ်စောင် ရေးလို့ ပို့လိုက်ပြီ။ Mail Sever ထဲရောက်ပြီး အဲ့အီးမေးလ်ကို စစ်ပေး၊ ဘယ်ကိုပို့ရမယ်ဆိုတာ သေသေချာချာ ပြန်ကြည့်ပြီး ပို့ရမဲ့ လိမ်စာ၊ နေရာ၊ နိုင်ငံ၊ အင်တာနက် လိုင်းကို စီးကူးပေးလိုက်ပါတယ်။ ဒါတွေအားလုံးက တစ်မိနှစ်အတွင်းမှာ ဖြစ်သွားတာနော့်။ အင်တာနက်မြန်ရင် စက္ကန့်နဲ့တောင် ဖြစ်တယ်။ Game Sever ဆိုရင်လည်း ဘယ်သူတွေ Login ဝင်ထားလဲ့။ ဘယ်သူတွေ ဘာလုပ်နေလဲ။ သူကတော့ ဘာအချက်လက်တွေ ပို့လိုက်ပါပြီ။ ဟိုဘက်ကို ဘာအချက်လက် ပြန်ပို့ပေးရမယ်။ အစရှိသဖြင့် တော်တော် အလုပ်ရှုပ်ပါတယ်။ သူ့ရဲ့ Data စီးဆင်းမှုကလည်း အတော်ကို မြန်ဆန်ပါတယ်။ Facebook ဆိုရင် Web Sever ပေါ့။ ကျွန်တော်တို့က LogIn ဝင်ရင် ဘယ်သူက ဘယ် IP နဲ့ ဝင်လာတယ်။ ဘယ်ဖိုလ်ဒါကို ပို့ပေးရမယ်။ ဘာတွေ ပြန်ပို့ပေးရမယ်။ အစရှိသဖြင့် အလုပ်ရှုပ်ပါတယ်။ဝက်ဆိုဒ်တစ်ခုအနေနဲ့ လူဘယ်နှစ်ယောက်ကြည့်ပြီးရင် ဒေါင်းတယ်ဆိုတာ Sever ကိုယ်ရတဲ့ Memory နဲ့ ဆိုင်ပါတယ်။ IP ဘယ်လောက်ပဲ ဝင်သုံးလို့ ရမယ်လို့ ကန့်သတ်ထားပါတယ်။ User များရဲ့ ဝင်ရောက်ကြည့်ရှု အသုံးပြုမှု အရေအတွက် တစ်ခုရောက်လို့ Memory ကျော်သွားရင် Sever အလုပ်လုပ်မှာ ရပ်ပါတယ်။ ပြီးတော့ မိမိ ဝက်ဆိုဒ်မှာ အချက်လက်တွေ တင်တာ သတ်မှတ်ချက်ထက် ကျော်လွန်သွားရင်လည်း ဒေါင်းပါတယ်။ အချက်လက် ဘယ်လောက်ပဲ ထည့်ဖို့ Sever မှာ Memory Space ဘယ်လောက် ဝယ်ထားတယ်ဆိုတာမျိုးပေါ့။ Domain Name Sever ဆိုရင်လည်း ဘယ်ဝက်ဆိုဒ် လိပ်စာ ဘယ် IP ကတော့ Register လုပ်လိုက်ပြီ။ ငါ ဒီ IP နဲ့ လိပ်စာကို အခြားလူပေးလို့ မရတော့ဘူး။ အစရှိသဖြင့် DNS က အလုပ်လုပ်ပါတယ်။ အခုနေ www.facebook.com နဲ့ ဆိုဒ်တစ်ခု ရလာ Register လုပ်ကြည့်လေ။ ယင်းအမည်ကို DNS မှာ Register လုပ်ထားပြီးပြီးမို့ နောက်လူတွေ လုပ်ယူလို့ မရတော့ပါဘူး။ ဒါက ရှင်းရရင် အများကြီး ရှိပါသေးတယ်။ နောက်မှ ရှင်းပါ့မယ်။ Sever ကို သာမာန်ကွန်ပျူတာနဲ့ မလုပ်ရခြင်းက အကြောင်းနှစ်ချက် ရှိပါတယ်။ တစ်ခုက ၂၄ နာရီ အလုပ်လုပ်ရန် သာမာန်ကွန်ပျူတာက မသင့်တော်ခြင်းနဲ့ သတင်းအချက်အလက် အမြောက်များစွာကို လုံခြုံစွာ သိမ်းဆည်းမပေးနိုင်ခြင်းတို့ကြောင့်ပါ။ ဒါကြောင့် Sever ဆိုပြီး သီးသန့် စက်ကြီးတွေနဲ့ Run ရပါတယ်။


နိဂုံးချုပ်။။။။။။။။။။။။။။။
----
ဒီလောက်ဆိုရင် Sever ဆိုတာ ဘာကို ခေါ်တယ်။ ဘယ်လိုကွဲတယ်။ ဘယ်လို အလုပ်လုပ်တယ်ဆိုတာ အကြမ်းဖျင်း သိပြီလို့ ယုံကြည်ပါတယ်။ နောက်မှပဲ လိုအပ်ရင် အချက်လက်တစ်ခုစီကို အသေးစိတ်ရှင်းပြသွားပါမယ်။


Credit::  Origin Writer/ Supporters


Posted By

<<  HTAR WAIE THAR  >>

Ko Ko Zaw ( BE-EC )             www.htarwaiethar.org