အသံအားကိုးမည့် မိုဘိုင်း အင်တာနက်

ခေတ်က Information ခေတ်၊ သတင်းအချက်လက်တို့ကို အချိန်နှင့် တစ်ပြေးညီသိမှ ခေတ်ကို တစ်ပြေးညီ လိုက်နိုင်မည်။ ထိုကိစ္စအတွက်လည်း အင်တာနက်က အဆင်သင့်ရှိသည်။ အင်တာနက်ကို မိမိရရ သုံးချင်လျှင် ကွန်ပျူတာ လိုအပ်သည်။ ကွန်ပျူတာ သုံးပြီဆိုလျှင် ကွန်ပျူတာ နည်းပညာကိုပါ သိဖို့ လိုအပ်လာသည်။ သို့သော် ကမ္ဘာ့ဖွံ့ဖြိုးဆဲ နိုင်ငံအတော်များများတွက် သေစာရှင်စာကိုပင် မရေးတက်၊ မဖတ်တက်သူ အတော်များများ ရှိနေသည်။ ထိုသူများအတွက်မူ ကွန်ပျူတာသည် လည်ကောင်း၊ အင်တာနက်သည် လည်ကောင်း အသုံးမဝင်ပါ။ ယခုမှု ခေတ်က ပြောင်းလာသည်။ မိုဘိုင်းဖုန်းသည် ကမ္ဘာနိုင်ငံ အများစုတွင် နေရာယူလာသည်။ ဖုန်းသည် စကားပြောရုံသက်သက် မဟုတ်။ Data တို့ကို သယ်ဆောင် လွှဲပြောင်းနိုင်စွမ်းရှိလာသည်။

မိုဘိုင်းဖုန်းပေါ်မှ နေ၍ အင်တာနက် အသွားအလာလုပ်နိုင်သည်။ ထိုသို့ဆိုလျှင် အဆင်ပြေပြီဟု ထင်ရသည်။ ထင်သာထင် မဝင်ဘူး ကျောင်းအစ်မ ဟုသာ ဆိုရတော့မည်။ မိုဘိုင်းဖိုး ကိုင်တိုင်းလည်း စာမတက်ပါ။ သုံးညမှ ကိုးအထိ ကိန်းဂဏန်းသင်ပေးလျှင် သုံးတက်သည်။ စာမတက်သူတို့အတွက် မိုဘိုင်း အင်တာနက်သည်ပင် အသုံးမဝင်သေး။ ထိုသူတို့အတွက် အသုံးဝင်စေမည့် စနစ်တစ်ရပ်က ရှိသည်။ ယင်းမှာ အသံကို အသုံးပြုသည့် စနစ်ပင် ဖြစ်ပေသည်။ သို့ဖြစ်ရာ IBM သည် စာမရေးတက်၊ မဖတ်တက်သူတို့အတွက် အသံကို အသုံပြုပြီး အင်တာနက် အသုံးပြုနိုင်မည့် နည်းလမ်းကို ကြံဆလာပါသည်။ ထိုနည်းပညာကို Voice Based Web ဟု ခေါ်ပါသည်။ အသံကို အသုံးပြုမည့် အင်တာနက် ဆက်သွယ်ရေးကို စတင်မည့် နေရာမှာ အိန္ဒိယနိုင်ငံဖြစ်သည်။ IBM သည် သူ၏ India Research Lab ( IRB ) ရုံးခွဲကို အသုံးပြု၍ ထိုစနစ်ကို စမ်းသပ်နေသည်။ ဖွံ့ဖြိုးပြီး အဆင့်သို့ မရောက်တရောက် ဖြစ်နေသည်။ အိန္ဒိယ နိုင်ငံမျိုးတွင် မိုဘိုင်းဖုန်း အသုံးပြုမှု လျှင်မြန်စွာ ဖွံ့ဖြိုးတက် လာသောကြောင့် ဖြစ်သည်။ ယနေ့ ကမ္ဘာကို ကြည့်လျှင် ပြည်သူလူထုအတွင်း အင်တာနက် အသုံးပြုရေးအတွက် PC ၏ ထိုဖောက်နိုင်မှုမှာ မိုဘိုင်းဖုန်းကို မမှီပါ။ နည်းပညာ ရှုပ်ထွေးပြီး စျေးကြီးသော PC ကို လူတိုင်း မဝယ်နိုင်ပါ။ စျေးသက်သာပြီး သွားလေရာပါသော မိုဘိုင်းဖုန်းကသာ အင်တာနက်ကို သုံးဖို့ အဓိပ္ပါယ် ပို၍ ပြည့်ဝစေသည်။ ထို့ကြောင့် PC အပေါ်တွင် သုံးသော Web Browser သည် မိုဘိုင်းဖုန်းတွင်လည်း အပြည့်အဝ အလုပ်လုပ်နိုင်စေရန် လိုအပ်လာသည်။ လက်တွေ့တွင် Mobile Web Brower အတော်များများသည် PC အပေါ်က Brower လို Tab များကို ဘေးချင်းယှဉ် မသုံးနိုင်ပေ။ မြင်ကွင်းသေးသေးဖြင့် စခဲ့ရသော မိုဘိုင်းဖုန်းတို့တွင် Browser ကို အဆင်ပြေပြေ သုံးနိုင်ရန် Tab များကို ထပ်တင်ထားရသောကြောင့် ဖြစ်သည်။ ထို့အပြင် Mobile Web Browser အများစုသည် အင်တာနက်အပေါ်မှာ Web Page များကို မသိမ်းဆည်းနိုင်ပေ။

Stroage အရွယ်အစားသေးသေးဖြင့် စတင်ခဲ့ရသော မိုဘိုင်းဖုန်းများအတွက် ထိုအရည်အသွေးကို ချန်လှပ်ထားခဲ့ခြင်း ဖြစ်သည်။ Spoken Web ဟု ခေါ်သော Voice Based Web ဟုလည်း ခေါ်သော နည်းပညာသည် ဒေသခံ ပြည်သူများအား အသံးဖြင့် အင်တာနက် သုံးစွဲနိုင်ရုံ မက၊ သူတို့ဘာသာ အင်တာနက် Content များ ဖြည့်သွင်းခြင်း၊ ကိုယ်ပိုင် Website များတည်ဆောက်ခြင်းတို့ကိုလည်း အသံဖြင့် လုပ်ဆောင်လာနိုင်မည် ဖြစ်သည်။ အရောင်းအဝယ် အားပြုမည့် e-commerce site များကို အသံကို အားပြုပြီး အမေးအဖြေ ပြုလုပ်နိုင်လာမည်ဖြစ်သည်။

လောလောဆယ်တွင် အသံဖြင့် အလုပ်လုပ်နိုင်မည့် အင်တာနက်အတွက် စမ်းသပ်နေသည့် ကွန်ပျူတာ ဘာသာ စကားနှစ်မျိုးမှာ Voice XML ( Voice Extensible Markup Language ) နှင့် HSTP ( Hyper Speech Transfer Protocol ) တို့ ဖြစ်ပါသည်။ Spoken Web သည် www ဖြင့် စသော အင်တာနက် ကမ္ဘာတွင် Mirror Site တစ်ခု အနေဖြင့် တည်ရှိနေမည် ဖြစ်သည်။ သို့သော် Internet Network အပေါ်တွင် အခြေပြုမည် မဟုတ်ပဲ Telecom Network အပေါ်တွင် အခြေပြုပါလိမ့်မည်။ Spoken Web ကို အသုံးပြုသူတို့သည် သီးခြား URL ( Uniform Resource Locator ) ဖြင့် ရှိနေသော Voice Site များကို ဖွင့်ကြည့်နိုင်ပါမည်။ အဆိုပါ ဆိုဒ်မျိုးကိုလည်း ဖန်တီးနိုင်ပါမည်။ အင်တာနက်အပေါ်တွင်လည်း ငွေကြေးလွှဲပြောင်းနိုင်မည် ဖြစ်ပါသည်။

အသံဖြင့် ဖန်တီးသော အင်တာနက်နယ်မြေကို World Wide Telecom Web ဟု ခေါ်ပါသည်။ ယင်း Website တို့ကို အသုံးပြုရန်အတွက်လည်း ဖုန်းဆက်ခ မပေးရပဲ အင်တာနက် အသုံးပြုခသာ ပေးရသည့် ဖုန်းနံပါတ် Toll-Free Number တစ်ခု ရရှိပါမည်။ အသံကို မှတ်သာသိရှိသည့် စနစ်ဖြင့်သော်လည်ကောင်း၊ ဖုန်း၏ Dial Tone ကို အသုံးပြုသည့် စနစ်ဖြင့်သော်လည်ကောင်း၊ အဆိုပါ ဝက်ဆိုဒ်များကို အသုံးပြုနိုင်ပါသည်။ Sever အပေါ်တွင် တင်ပေးထားသော Template များကို အသုံးပြု၍ မိုဘိုင်းဖုန်း သုံးစွဲသူသည် Voice Website များကို ဖန်တီးနိုင်ပါသေးသည်။ VoiceSite များသည် World Wide Web ဖြင့် ချိတ်ဆက်ထားပါသည်။

သို့သော World Wide Web ပေါ်တွင် ရှိသော Site များကို ကြည့်နိုင်ရန် ကိစ္စမှု ယင်းတို့ကို Spoken Interface ကို အထောက်ပံ့ပြုသည့် အနေအထားသို့ ပြောင်းလဲထားရပါမယ်။ သို့တည်မဟုတ် Voice XML ကိုလည်း အသုံးပြုနိုင်မည်။ အိန္ဒိယနိုင်ငံရှိ IBM Lab သည် Information ရယူလိုသော User များမှနေ၍ ငွေအလွှဲအပြောင်း လုပ်လိုသော User များအထိ အဆင်ပြေစေနိုင်မည့် Spoken Web ကို တည်ထောင်နိုင်ရန် စိတ်အားထက်သန်နေပါသည်။ မျှော်မှန်းထားသည့်အတိုင်း ဖြစ်လာခဲ့လျှင် လယ်သမားတို့သည် သူတို့၏ ထုတ်ကုန်များအတွက် အကောင်းဆုံး စျေးနှုန်းရရှိမည့် စျေးကွက်ကို ရှာဖွေ နိုင်ပါသည်။ တံငါသည်တို့သည်လည်း ပင်လယ်ပြင်သို့ မထွက်မှီ ရာသီဉတု အခြေနေကို သိရှိနိုင်ပါလိမ့်မည်။ ကုန်စုံဆိုင်တို့သည် ဆိုင်တွင် တင်ရောင်းသော ပစ္စည်များနှင့် ယင်းတို့၏ စျေးနှုန်းကို ပြသနိုင်ပါလိမ့်မည်။

ကုန်ပစ္စည်း ထုတ်လုပ်သူတို့သည် မိမိတို့၏ ထုတ်ကုန်နှင့် ပက်သက်ဖွယ်ရှိသော လူတစ်ဉီးစီသို့ သက်ဆိုင်ရာ ကြေငြာများ ပို့နိုင်ပါလိမ့်မည်။ Spoken Web ကို အိန္ဒိယနိုင်ငံတစ်နိုင်ငံတည်းတွင်သာ ကြိုးပမ်းနေသည် မဟုတ်ပါ။ အာဖရိကတိုက်ရှိ မာလီနိုင်ငံကို အခြေပြုလျှက် အာဖရိက အနောက်ခြမ်း နိုင်ငံအားလုံး အသုံးပြုရန် ဆောင်ရွက်လျှက် ရှိပါသည်။ ထို Project အတွက် အထောက်အပံ့ပေးသူမှာ European Commision ဖြစ်ပါသည်။ အဆိုပါ စီမံကိန်းကို Voice ဟု ခေါ်ပါသည်။ လောလောဆယ်တွင် အာဖရိက လယ်သမားများ Information ရယူရန်အတွက်လည်းကောင်း၊ Citizen Journalist များအတွက် Platform တစ်ခုအနေဖြင့် လည်ကောင်း၊ စမ်းသပ်အသုံးပြုလျှက် ရှိပါသည်။ Voice စနစ်တွင်လည်း ပရိုဂရမ် ဘာသာစကားအဖြစ် Voice XML ကို အသုံးပြုပါသည်။ Web Content များကို အသံဖြင့် ရှာဖွေ အသုံးပြုနိုင်စေမည့် စနစ်ဖြစ်သည်။

မာလီသားတို့ အနေဖြင့် အသံဖြင့် အင်တာနက်ထဲ ဝင်ခြင်း၊ လှည့်ပတ်သွားလာခြင်း၊ ရွေးချယ်ပိုင်ခွင့်များကို အသံဖြင့် နားထောင် အသုံးပြုခြင်း စသည်တို့ကို ပြုလုပ်နိုင်ကြပါပြီ။ Voices စတင်အသုံးပြုသော ဌာနတစ်ခုမှဦ အယ်ဂျာဇီးယား သတင်းဌာနဖြစ်ပါသည်။ လွန်ခဲ့သည့် နှစ်ကုန်ပိုင်းက ကင်ညာနှင့် ဂါနာနိုင်ငံများတွင် ပြုလုပ်ခဲ့သော ရွေးကောက်ပွဲများဖြင့် ပက်သက်ပြီး အောက်ခြေ လူတန်းစားတို့၏ အမြင်ကို အင်တာဗျူးလုပ်ရာ၌ အသုံးပြုခဲ့ခြင်း ဖြစ်ပါသည်။ ထိုသို့ အသုံးပြုနိုင်ရန် မိုဘိုင်းဖုန်း ဝန်ဆောင်မှုပေးသည် Safaricom က အကူညီပေးခဲ့ပါသည်။ အသံဖြင့် အသုံးပြုနိုင်သည့် မိုဘိုင်း အင်တာနက် စနစ်ကြောင့် အာဖရိက တိုက်သားတို့သည် သတင်းဌာနာများနှင့် ဆက်သွယ်၍ သူတို့အမြင်၊ သူတို့ရသည့် သတင်းကို ပြောနိုင်သည်။ အချိန်နှင့် တစ်ပြေးညီ News Updates များ သိနိုင်ပါသည်။ ထို့အပြင် အသံဖြင့် အသုံးပြုနိုင်သည် Twitter စနစ်တစ်မျိုး ဖြစ်သော Tabal ဟူသော စနစ်တစ်ရပ်သည် အာဖရိကတိုက်တွင် 2012 နှစ်ကုန်ပိုင်း၌ ပေါ်ထွက်လာခဲ့ပါသည်။ Voices သည် ယခုအခါတွင် အာဖရိကတိုက်၏ အမေ့လျော့ခံဖြစ်သော အောက်ခြေလူတန်းစား မိန်းမသားတို့အား ဉီးတည်ချက်ထားပြီး အလုပ်လုပ်လျှက် ရှိပါသည်။ အင်တာနက်ကို အသံဖြင့် အသုံးပြုလာနိုင်သည့်အတွက် ပျားမွေးသော အာဖရိကသားသည် စျေးကွက် ချဲ့ထွင်လာနိုင်သည်။ ယခင်က ပျားအုံအနည်းငယ်သာ မွေးသော်လည်း ယခုအခါတွင် ပျားအုံထောင်ချီ မွေးလာပြီး စီးပွားဖြစ်လာသည်။ အင်တာနက်မှ တစ်ဆင့် ပျားရည်စျေးကောင်းရသောကြောင်း ဖြစ်သည်။ အာဖရိကတိုက်၏ စားသောက်ဖွယ်ရာ ၇၀ ရာနှုန်းကျော်ကို ထုတ်လုပ်နေသော အမျိုးသမီးများသည်လည်း များမကြာမီတွင် ယင်းသို့ပင် အကျိုးဖြစ်ထွန်းလာဖွယ် ရှိပါသည်။ အသံအင်တာနက်စနစ် ဖွံ့ဖြိုးလာစေရန်အတွက် World Wide Web Foundation ရှိ အင်ဂျင်းနီယာများသည် Voicesite များ၏ Index ဖွဲ့စည်း၌ ဝိုင်းဝန်းကူညီလျှက် ရှိပါသည်။

အသံဖြင့် သုံးရသည့် Website များသည် မိုဘိုင်းဖုန်း ဝန်ဆောင်မှုပေးရာ ဌာန၏ Sever ငယ်များထဲတွင် တည်ရှိနေပါသည်။ သို့ဖြစ်၍ မိုဘိုင်းဖုန်း အသုံးပြုသူတို့သည် အင်တာနက်ကို အလွယ်တကူ ချိတ်ဆက်စရာ မလိုပဲ လက်ထဲရှိ မိုဘိုင်းဖုန်းကို သုံး၍ Voicesite များကို ချိတ်ဆက် အသုံးပြုစေနိုင်ပါသည်။ ယင်းစနစ်သည် ကမ္ဘာတစ်လွှားရှိ စာမတက် ပေါများသော နိုင်ငံများတွက် အကျိုးရှိပါလိမ့်မည်။ သို့သော စီးပွားရေး လုပ်ငန်းကြီးများ၊ အကျိုးမြတ်ယူသော အဖွဲ့စည်းများ ပါဝင်လာမှသာ ငွေကြေးကိစ္စများ အဆင်ပြေပါလိမ့်မည်။ အိန္ဒိယနိုင်ငံကဲ့သို့ ဟင်ဒီဘာသာ စကားပြောသူ သန်းတစ်ထောင်ခန့်ရှိသော နိုင်ငံမျိုးတွင် ယင်းစနစ်ကို စီးပွားဖြစ် တည်ထောင်ရန် ခက်ခဲမည် မဟုတ်ပါ။ သို့သော ဘာသာစကားမျိုးစုံ ပြောသည့် နိုင်ငံများ၊ ဘာသာ စကားတစ်မျိုးတည်း သုံးသော်လည်း မိုဘိုင်းဖုန်း သုံးစွဲသူဉီးရေ နည်းသည့် နိုင်ငံများတွင် ယင်းစနစ်သုံးစွဲရန် အခက်ခဲ ရှိနေပါလိမ့်မည်း ကုလအပါဝင် စေတနာရှာ အဖွဲ့စည်းများက ဝိုင်းဝန်း ကူညီမှသာ အောင်မြင်ပါလိမ့်မည်။




Credit: All Supporters


Posted By

<<  HTAR WAIE THAR  >>

Ko Ko Zaw ( BE-EC )             www.htarwaiethar.org