မိုဘိုင်းဆက်သွယ်ရေး ဝေါဟာရများ

မိုဘိုင်းဖုန်းဟာ ကြိုးမဲ့ ဆက်သွယ်ရေးပစ္စည်းဖြစ်တဲ့အတွက် သူ့ထဲမှာ ကြိုးမဲ့ ဆက်သွယ်ရေး စနစ် တစ်မျိုးမက ပါလာတက်ပါတယ်။ ဖုန်းဆက်ရုံလောက် ကိစ္စမှာ အဲ့ဒီ စနစ်တွေအကြောင်းမသိရင် ကိစ္စမရှိပေမဲ့ မိုဘိုင်းဖုန်းအင်တာနက်နဲ့ ပက်သက်လာပြီးဆိုရင် ကြိုးမဲ့ စနစ်တွေအကြောင်း နားလည်ဖို့ လိုလာပါတယ်။ ကြိုးမဲ့ ဆက်သွယ်ရေးစနစ်အကြောင်း နားမလည်တဲ့အတွက် Handset ဝယ်တဲ့နေရာမှာ အမှားတွေ ကြုံရပါတယ်။ အင်တာနက် ချိတ်ဆက်ရေး ကိစ္စမှာ အခက်ခဲ့တွေ တွေ့ရပါတယ်။ ၁၅၀၀ တန် ဖုန်းတွေထွက်မှ မိုဘိုင်းဖုန်း သုံးဖြစ်တဲ့ အခြေခံလူတန်းစား မပြောနဲ့ ပိုက်ဆံပေါလို့ ၁၅ သိန်းခေတ်က မိုဘိုင်းဖုန်းသုံးခဲ့တဲ့ လူတွေတောင် ကြိုးမဲ့ဆက်သွယ်ရေး စနစ်ကို နားမလည်တာတွေ အများကြီးပါ။ ဒါကြောင့် မိုဘိုင်းဖုန်းတစ်လုံးကို ပြည့်ပြည့်စုံစုံ သုံးချင်သူတွေအတွက် ကြိုးမဲ့ဆက်သွယ်ရေး စနစ်သုံး ဝေါဟာရတွေကို လေ့လာကြည့်ရအောင်။


Bluetooth
---
Bluetooth ဆိုတာ တာတိုကြိုးမဲ့ ဆက်သွယ်ရေးစနစ်ပါ။ Bluetooth ပါတဲ့ ဖုန်းအချင်းချင်း၊ Bluetooth ပါတဲ့ ဖုန်းနဲ့ ကွန်ပျူတာတွေကြားထဲ့မှာ ကြိုးမဲ့ ချိတ်ဆက်ပြီး Data တွေ ဖလှယ်နိုင်ပါတယ်။ လူပြိန်းနားလည်အောင် ပြောရရင် ဖုန်းတစ်လုံးနဲ့ တစ်လုံး ချိတ်ဆက်ပြီး သီချင်းတွေ၊ ဂိမ်းတွေ ဖလှယ်တာမျိုးပေါ့ဗျာ။ ကျွန်တော်တို့ဆီမှာ လောလောဆယ် ဝင်နေတဲ့ Hardset အများစုမှာ Bluetooth 2.0 ကို သုံးပါတယ်။ တစ်ချို့မှာက Bluetooth 2.0 EDR ( Enhanced Data Rate ) ဆိုတာလည်း သုံးပါတယ်။ သူက Data တွေကို မြန်မြန်ဆန်ဆန် လွှဲနိုင်ပါတယ်။

အခုဆိုရင် ခလုပ်ဖုန်းအတော်များများမှာတောင်မှာ Bluetooth စနစ်ပါနေပါပြီ။ အဆင့်မြင့် တို့ထိဖုန်းတွေမှာတော့ Bluetooth နာကြပ်နဲ့ ချိတ်ဆက်ပြီး ကားမောင်းရင်း လက်မကိုင်ပဲ ဖုန်းပြောဖို့ သိပ်ပြီး အသုံးတည့်ပါတယ်။ နားကြပ်နဲ့ ဖုန်းနဲ့ကို Bluetooth ချိတ်ပြီး ဖုန်းပြောချင်သူတွေ 4.0 Version ကို ရှာပြီးဝယ်ပါ။ Bluetooth ရဲ့ မူလ ဆက်သွယ်နိုင်တဲ့ အကွာဝေးက ပေ ၃၀ အတွင်း ဖြစ်ပေမဲ့ Bluetooth မှာတော့ ပေ ၁၀၀ အတွင်းထိ ဆက်သွယ်နိုင်ပါတယ်။ ကြားထဲမှ နံရံတွေ ခြားရင် ဆက်သွယ်နိုင်တဲ့ အကွာဝေတိုပါတယ်။ အလုံပိတ်အခန်းတွေကြားမှာ နံရဲဖောက်ပြီး မဆက်သွယ်နိုင်ပါဘူး။ သူ့ရဲ့ Data လွှဲပြောင်းနှုန်း 2.0 မှ 50 kbps လောက်ရှိပြီး 4.0-100 kbps ဝန်းကျင်ရှိပါတယ်။ MP3 သီချင်းတစ်ပုဒ်လွှဲရင် တစ်မိနစ်နီးပါးကြာပါတယ်။ Bluetooth သုံးချင်ရင် Setting ဆိုတဲ့ စက်သွားပုံ ပင်နယံအဝိုင်းလေးကို ရှာရမယ်။ Setting> Wireless & Network > Bluetooth အောက်ဝင်ပြီး သုံးရပါမယ်။ ချိတ်ဆက်မယ့် ဖုန်းနှစ်လုံးလုံးမှာ Bluetooth ဖွင့်ထားရပါမယ်။ Bluetooth Setting ထဲဝင်ပြီး Device အချင်းချင်းသိအောင် Discoverable/Visible ကို ဖွင့်ထားပြီး Bluetooth ဖွင့်ထားမယ့်ကာလ ( Discoverable Time Out ) အလုံအလောက်ပေးရပါမယ်။


Wi-Fi
----
သူလည်းပဲ တာတိုကြိုးမဲ့ ဆက်သွယ်ရေး စနစ်ပါပဲ။ Bluetooth ထက် ပိုပြီး ဝေးဝေ ဆက်သွယ်နိုင်ပါတယ်။ လှိုင်းတွေက နံရံဖောက်ဝင်အား ပိုပြီးကောင်းပါတယ်။ လောလောဆယ်သုံးတဲ့ n စနစ်က ကြားမှာ အတားဆီးမရှိရင် ပေ ၃၀၀ အကွာအထိ ဆက်သွယ်နိုင်ပါတယ်။ ခလုပ်ဖုန်းအတော်များများမှာ Wi-Fi စနစ် ပါလေ့မရှိပါဘူး။ တို့ထိဖုန်းတွေမှာပဲ ပါပါတယ်။ Wi-Fi စနစ်က အမျိုးအစားတွေများတော့ သူ့ကိုခွဲခြားပြီး ပြောရရင် 802.11 ဆိုတဲ့ စာလုံးကို ရှေ့ကခံပြီး ပြောပါတယ်။ ဒီနေ့အထိ အများသုံးနေတာဟာ a/b/g/n ဆိုပြီး စနစ်လေးမျိုးရှိပါတယ်။ n က အမြန်ဆုံးဖြစ်တဲ့အတွက် Hardset ဝယ်ရင် (n) အမျိုးအစားပါမပါ သတိထားပြီး ဝယ်ရပါမယ်။ Data လွှဲပြောင်းတဲ့ နှုန်းကတော့ မြန်နှုန်းကို ကြည့်ရင် a/b/g/ အမျိုးအစားတွေမှာ 54 Mbps (Mega Bit Per Second) ရပြီး 2.4 GHz လှိုင်းခွင်က လွှင့်ပါတယ်။ n အမျိုးအစားကတော့ 450 Mbps အထိ Data လွှဲပြောင်းမှု အမြန်နှုန်းရှိပြီး 2.4 GHz-5GHz ကြားလှိုင်းလွှင့်နိုင်တဲ့ အားသာချက်ရှိပါတယ်။ အခုနောက်ပိုင်း အဆင့်မြင့် Handset တွေမှာ WiFi Direct System ပါလာတာမို့ Handset အချင်းချင်းတိုက်ရိုက်ချိတ်ဆက်ပြီး ဒေလ်တာတွေကို လွှဲနိုင်ပါတယ်။ ကျွန်တော်တို့ အသုံးများတဲ့ Zapya ကလည်း WiFi Direct စနစ်တစ်မျိုးပါပဲ။ WiFi ရဲ့ အားသာချက်က အချင်းချင်း ချိတ်ဆက်တဲ့ နေရာမှာ Bluetooth လို အသိမှတ်ပြုတဲ့ စနစ် ( Pair ) လုပ်ဖို့ မလိုတာပဲ ဖြစ်ပါတယ်။ ဒါပေမဲ့ WiFi ကွန်ယက်ထဲမှာ ပက်စ်ဝက်ခံထားရင်တော့ အဲ့ဒီ ပက်စ်ဝက်ကို သိမှ ဝင်လို့ရပါမယ်။ မိုဘိုင်းဖုန်းတွေမှာ ကျွန်တော်တို့ အသုံးများတာကတော့ Portable Hotspot ပါ။ Setting> Wireless & Network> Tethering & Portable Hotspot> Portable WLAN Hotspot ဖြစ်ပါတယ်။ ကိုယ်က တစ်ခြားလူ သို့မဟုတ် ကွန်ပျူတာတစ်လုံးကို အင်တာနက် ပေးသုံးမယ်ဆိုရင် Hotspot ကို သုံးပါတယ်။ WLAN Hotspot Configuration ထဲဝင်ပြီး Network SSID/ Security ( လုံခြုမှု စနစ်ဖြစ်ပြီး အများအားဖြင့် WPA2 ဆိုတဲ့ အလုံခြုံဆုံး စနစ်ကို သုံးပါတယ်။ )

ပက်စ်ဝက်တွေ မဖြစ်မနေထည့်ပေးရပါတယ်။ အနည်းဆုံး ရှစ်လုံးထည့်ပေးရပါတယ်။


EVDO
---
အင်တာနက်သုံးတော့မယ်ဆိုရင် သိထားရမယ့် အင်တာနက် ဆက်သွယ်ရေး စနစ်တစ်မျိုးဖြစ်ပါတယ်။ CDMA 800 MHz ( 730 Mobile System လူသိများပါတယ်) မှာ သုံးတဲ့ စနစ်က EVDO စနစ်ပါ။ အရှည်က Evolution Data Optimized ဖြစ်ပါတယ်။ Handset မျက်နှာပြင်ပေါ်မှာ 3G စာလုံးအနေနဲ့ မြင်ရပါတယ်။ ကျွန်တော်တို့ လောလောဆယ် အသုံးပြုနေတာက EVDO Revolution A စနစ်ဖြစ်ပြီး အင်တာနက် Download Speed 3.1 Mbps and Upload Speed 1.8 Mbps ရှိပါတယ်။ Revolution B က ပိုမြန်ပေမဲ့ ကျွန်တော်တို့ဆီမှာ မသုံးနိုင်သေးပါဘူး။


EDGE
----
သူက GSM Mobile မှာ အသုံးပြုသော အင်တာနက် စနစ်ပါ။ အရှည်က Enchanced Data Rate ဖြစ်ပါတယ်။ Handset မျက်နှာပြင်ရဲ့ အပေါ်နားလေးမှာ E ဆိုတဲ့ စာလုံးလေးနဲ့ မြင်ရပါတယ်။ သူတို့ဆီမှာ GSM ကလည်း 3G စနစ် အမြန်နှုန်းရောက်နေပါပြီ။ ကျွန်တော်တို့ဆီမှာ စပြီး ပွဲထွက်တာက 2.5 စနစ်ဖြစ်ပါတယ်။ အင်တာနက် Download Speed 384 kbps and Upload Speed 59 kbps ဖြစ်ပါတယ်။ အင်တာနက်စနစ်မှာ အလွန်နှေးသည့်အတွက် Handset ဝယ်ရင် WCDMA/GSM နှစ်မျိုးတွဲ ဝယ်ပြီး WCDMA အပေါက်မှာ GSM Card ထည့်သုံးသင့်ပါတယ်။


HSDPA
----
သူကတော့ WCDMA Mobile မှာ အသုံးပြုသော အင်တာနက် စနစ်ဖြစ်ပါတယ်။ အရှည်က High Speed Downlink Packet Access ဖြစ်ပါတယ်။ Handset မှာ အင်တာနက်ချိတ်ထားရင် H ဆိုတဲ့ စာလုံးလေး မျက်နှာပြင်မှာ မြင်ရပါတယ်။ မြန်မာပြည်မှာ သုံးနေတာက 3.75 G စနစ်လို့ ပြောပါတယ်။ ကမ္ဘာသတ်မှတ်ချက်အရ 3G+ စနစ်ပါ။ သီအိုရီအရ အင်တာနက် Download Speed 7.2 Mbps and Upload Speed 2 Mbps ရတယ်လို့ ဆိုပါတယ်။ ကျွန်တော်တို့ လက်တွေ့ရတဲ့ မြန်နှုန်းကတော့ သီအိုရီမှာ ပြောတာနဲ့ အပုံတစ်ရာပုံ တစ်ပုံက အများဆုံးပါ။ မြန်မာပြည် မိုဘိုင်းအင်တာနက်မှာတော့ အမြန်ဆုံး ဖြစ်ပါတယ်။


1G/2G/3G/4G
----
G ဆိုတာက Generation ပါ။ ဆက်သွယ်ရေးမျိုးဆက်တွေပေါ့။ 1G ဆိုတာက ပထမမျိုးဆက်။ မျိုးဆက်တစ်ခုတက်လာတိုင်း မြန်နှုန်းရော အရည်သွေးပါ ပိုကောင်လာပါတယ်။ 4G လို့ခေါ်တဲ့ စတုတ္ထမျိုးဆက်ကတော့ လက်ရှိမှာ အမြန်ဆုံးအကောင်းဆုံး ဆယ်သွယ်ရေး စနစ်ပါပဲ။



Credit:   Origin Writer/Supporters


Posted By

<<  HTAR WAIE THAR  >>

Ko Ko Zaw ( BE-EC )                 www.htarwaiethar.org