ကွန်ပျူတာအသုံးပြုသူများ ဖေ့ဘုတ်ကချက်မရတဲ့ ပြဿနာကို ကျွန်တော်မနေ့ကမှ တွေ့မိပါတယ်။
အရင်က ဘော်ဒါတွေက ဖေ့ဘုတ်ချက်မရဖြစ်တာတွေကို ကျွန်တော် မဖြစ်လောက်ဘူးဆိုပြီး ထင်မိတာပါ။
အခု ကျွန်တော်ကိုယ်တိုင်တွေ့တော့လည်း တကယ်ဟုတ်နေပါတယ်။
အဓိကဖြစ်တာက Desktop တွေမှာ တော်ရုံဖြစ်မှာမဟုတ်ပါဘူး။ Notebook အသုံးပြုသူများမှာ ဖြစ်လေ့ရှိမှာပါ။
Facebook မှာ သုံးနေရင်းနဲ့ အရင်နေ့တွေက ချက်လို့ရတယ်။ နောက်မှ လုံးဝကို ချက်လို့မရတော့သလို သူများပို့ထားတဲ့ စာတွေကိုလည်း ဖတ်မရ တစ်ခါတစ်လေ ဖြစ်တက်တယ်ဗျ။
ကိုဂူဂယ်လ်မှာ ရှာလိုက်တော့ အဖြေက ရှင်းရှင်းလေးပဲ။ ကွန်ပျူတာမှာ အမှိုက်တွေများနေလို့ ဖြစ်တာပါတဲ့။
ဟုတ်တယ်ဗျ။ ကျွန်တော်လည်း History Clear မလုပ်မိတာ ရက်နှစ်ဆယ်လောက် ဖြစ်နေတာကိုး။
ပြဿနာဖြစ်ပုံက Notebook မှာ Firefox Browser သုံးတယ်ပေါ့ဗျာ။ ကျွန်တော်တို့ အနေနဲ့ ဖေ့ဘုတ်စ်ကို ခဏခဏ ပက်စ်ဝက်ရိုက်ရတာ ပျင်းတော့ Remember Password လုပ်ထားလိုက်မယ်။ အဲ့လိုမျိုးဆို နောက်တစ်ခါ ဖေ့ဘုတ်ကို ကြိုက်တဲ့အချိန်ဖွင့် ပက်စ်ဝက်ရိုက်စရာမလိုဘူး အေးဆေးပေါ့။
နောက် ကိုယ်က တစ်ဉီးတစ်ယောက်တည်းသုံးတဲ့ ကွန်ပျူတာဆိုတော့ အများသုံးကွန်ပျူတာလိုမျိုး ကိုယ့်အကောင့်ကို သူများဝင်ကြည့်မှာ စိုးရမ်စရာ မလိုလို့ နောက် ပက်စ်ဝက်ရိုက်ရမှာ အလုပ်ရှုပ်လို့လည်း ပါတာပေါ့။
အဲ့လိုမျိုး လုပ်လိုက်တာ ဆိုးတော့ မဆိုးဘူးဗျ။ ဆယ်ရက်လောက်လို အဆင်ပြေတယ်။ နောက်ပိုင်းတွေရောက်တော့ ဘလောက်ဇာက Cookies , History များလာပြီး ဖေ့ဘုတ်က ချက်မရအောင်ကို ဖြစ်သွားရော။
ပြဿနာက အဲ့လိုမျိုးဖြစ်တာ။
ဖြေရှင်းနည်း။။။။။။။။။။။။။။။။။။။။။။
- Firefox Menu > History > Clear History > Everythings ကို ရွေးပြီး အကုန်လုံး ရှင်းထုတ်လိုက်ပါ။
- Win + R ( Run Box ) ကို ခေါ်၊ prefetch လို့ရိုက်ထည့်၊ အဲ့မှာ ရှိတာတွေ အကုန်လုံးကို ဖျက်လိုက်ပါ။
- Win + R ( Run Box ) ကို ခေါ်၊ %temp% လို့ရိုက်ထည့်၊ အဲ့မှာ ရှိတာအားလုံးကို ဖျက်လိုက်ပါ။
- Win + R ( Run Box ) ကို ခေါ်၊ recent လို့ရိုက်ထည့်၊ အဲ့မှာ ရှိတာအားလုံးကို ဖျက်လိုက်ပါ။
- နောက် ကွန်ပျူတာမှာ Histrory Clear Software တစ်မျိုးမျိုး ဉပမာ CCleaner လိုမျိုး ဆော့ဝဲလ်ရှိရင် အလုပ်လုပ်နေတဲ့ ဘလောက်ဇာကို ပိတ်ပြီး အဲ့ဆော့ဝဲလ်အကူနဲ့ ဖိုင်တွေကို ရှင်းလင်းရေးလုပ်ပါ။
ကျွန်တော်က Firefox Browser တစ်မျိုးတည်းနဲ့ ပြပေးသွားတာပါ။ အခြားဘလောက်ဇာ အသုံးပြုသူများလည်း History ကို ရှာပြီး အားလုံးကို ဖျက်လိုက်ရင် ရပါတယ်။
အမှိုက်တွေကို ရှင်းပြီးသွားရင်တော့ ဘလောက်ဇာကိုဖွင့်ပြီး www.facebook.com မှာ မိမိအကောင့်နှင့် ဝင်ရောက်၊ အကောင့်စာမျက်နှာကို ရောက်သွားရင် ချက်ဘောက်စ်ကို ဖွင့်ကြည့်ပါ။
အားလုံးအိုကေသွားမယ်ဆိုတာကို တွေ့နိုင်ပါတယ်။
ကျွန်တော် ကိုဂူဂယ်လ်မှာ ရှာတွေ့တာလေးကို ကိုယ်တိုင်ပြန်လုပ်ပြီး ကိုယ်တိုင်လည်း ချက်ဘောက်စ် ပြန်အလုပ်လုပ်သွားတာလေးကို ရေးမိပါတယ်။
ကျွန်တော့်လိုမျိုး ကွိုင်တက်တဲ့လူတွေ ဖြေရှင်းလို့ရတာပေါ့နော့်။
အားလုံးအဆင်ပြေနိုင်ပါစေဗျာ။။။။။။။။။။။။။။
Posted By
<< HTAR WAIE THAR >>
Ko Ko Zaw ( BE-EC ) www.htarwaiethar.org
0 comments:
Post a Comment