Android ဖုန်းတစ်လုံးဝယ်တော့မယ်ဆိုရင်...စမ်းသပ်သင့်သည့်ကုဒ်များ

ကျွန်တော်တို့ Android Phone တစ်လုံးကိုဝယ်တော့မယ်ဆိုရင် အများစုက ရုပ်ထွက်ကိုသာ အဓိက စမ်းသပ်ကြတာများပါတယ်ဒီလို Test လုပ်တာက Android Phone မှာတင်မှမ ဟုတ်ပါဘူးကွန်ပျူတာ ၀ယ်တဲ့ အခါမှာလည်း ရုပ်ထွက်ကိုပဲ အများစုကစမ်းသပ်ကြပါတယ်။ တစ်ကယ်တမ်းမှာက ရုပ်ထွက်ဆိုတာထက် အတွင်းပိုင်းက Hardware ပိုင်းတွေနဲ့ ၄င်းတို့ ကြံ့ခိုင်မှုကိုပါတစ်ခါတည်းစစ်ဆေးရမှာဖြစ်ပါတယ်။

 Android Phone တွေမှာဆိုရင်တော့ ကွန်ပျူတာတွေမှာလို System Unit ဖွင့်ပီး Hardware Specification တွေကြည့်လို့ မရသလို Laptop မှာလည်း အောက်ကိုဖွင့်ပီး ကြည့်လို့မရပါဘူး။ ဘာကြောင့်လည်းဆိုတော့ Android Phone များဟာ ဖွင့်ဖောက်စစ်ဆေးဖို့ဆိုတာ မလွယ်ကူပါဘူး..ဒါကြောင့် ကျွန်တော်တို့က Dialing Pad ကနေပဲ Hardware Test တွေ Product Test တွေ System Test တွေကိုလုပ်  ဆောင်ရမှာဖြစ်ပါတယ်။အရင်ဆုံး ကျွန်တော်တို့စတင်စမ်းသပ်မယ့် Code ကတော့….

*#*0# ဖြစ်ပါတယ်။

ဘာကြောင့် ဒီကုဒ်ကိုစမ်းသပ်ရသလည်းဆိုတော့ ဒီ Code ထဲမှာပါတဲ့ Testing Mode တွေကတော့ Phone Screen ရဲ့ Colorပေါက်ထွက်မှုရှိမရှိတို့၊ Camera ကောင်းမွန်စွာအလုပ် လုပ်မလုပ်တို့ ၊ Sensor တွေ Touch တွေ ဖုန်းရဲ့စပီကာတွေတစ်ကယ်ကောင်းမွန်စွာအလုပ်လုပ်မလုပ်တို့ကိုစမ်းသပ်ရန်ဖြစ်ပါတယ်။

*#06#

သူ့ကိုကတော့ ကျွန်တော်တို့ IMEI Number ကိုစစ်ဖို့ဖြစ်ပါတယ်။အဲဒီ IMEI Number တွေနဲ့ ပတ်သက်ပီးတော့ နောက်ပိုင်း Postတွေမှာ အလျင်းသင့်လျှင်သင့်သလို ဖော်ပြပေးသွားပါမယ်။ အဲ… တစ်ခုပြောချင်တာက ၄င်း Code ကို စမ်းသပ်တဲ့အခါမှာတော့စုစုပေါင်း Code ၁၅လုံးဖော်ပြပေးပါလိမ့်မယ်။ ၄င်း ၁၅ လုံးထဲမှာမှရလုံးမြောက်နှင့် ၈လုံးမြောက်ကုဒ်ကို ကြည့်ပီး ယခုစမ်းသပ်နေသောဖုန်းရဲ့ Quality ကိုလည် ဘယ်နိုင်ငံထုတ်ပီး ဘယ်လောက် အရည်အသွေးကောင်းလည်းဆိုတာ သိရှိနိုင်ပါတယ်။ အကယ်လို့ ၄င်းကုဒ်ဖြင့် IMEI Number ကိုစစ်ကြည့်တဲ့အခါ ဂဏန်းအားလုံး သုညပြနေမယ်ဆိုရင်တော့ ၄င်းဖုန်းမှာ Firmware Error တစ်ခုခုရှိနေတယ်လို့ ဆိုရပါမယ်။

*#*#197328640#*#*

ဒီကုဒ်ကတော့ Intermediate Level အဆင့်ဖြစ်ပါတယ်။ သူ့ထဲမှာ ဖော်ပြမယ့်အကြောင်းအရာတွေ ကတော့ အောက်ပါပုံအတိုင်းဖြစ်ပီး သူ့ထဲမှာ Software Version တွေရဲ့ Information အကြောင်းတွေ Hardware Version တွေရဲ့ Information အကြောင်းတွေကိုတိကျစုံ လင်စွာဖော်ပြပေးထားတဲ့အပြင် မိမိစိတ်ကြိုက် StringTableValueတွေကိုလည်း ပြင်ဆင်သတ်မှတ်လို့ရပါတယ်။ ၀င်ရောက်လေ့လာ ရုံလောက်ပဲစမ်းသပ်ပီး မည်သည့် တန်ဖိုး (Value) မှ ပြင်ဆင်ရေးသားထပ်တိုးခြင်းများလုံးဝ (လုံးဝ) မပြုလုပ်ပါနှင့်။ အကယ်လို့ သင်ဟာ Phone Developer တစ်ဦးဆိုရင်တော့ အကြောင်းမဟုတ်ပါဘူး….


 












*#*#1234#*#* နှင့် *#*#0842#*#*



သူကတော့ PDA နဲ့ Firmware Version တွေကိုဖော်ပြပေးမှာဖြစ်ပါတယ်။ သူ့ဆီမှာအသေးစိတ်ဖော်ပြပေး မယ့် ကုဒ်တွေကတော့ PDA Version ၊  PHONE Version ၊ CSC Version တွေကို တိကျစွာဖော်ပြပေး မှာဖြစ်ပါတယ်။ ဘာကြောင့် ဒီကုဒ်ကို အဓိကစစ်ရသလည်းဆိုတော့ အကယ်လို့ သင်ဟာ အကြောင်း တစ်စုံတစ်ရာကြောင့် သင့်ဖုန်းရဲ့ Firmware အား ထိခိုက်သွားတဲ့ အခါမှာ ၄င်းဖော်ပြထားတဲ့ ထဲမှာပါရှိသော Firmware Number ဖြင့် ပြန်လည်ဒေါင်းလုပ် လုပ်ယူပီး ပြုပြင်နိုင်ရန်အတွက်ဖြစ်ပါတယ်။ ဒီကုဒ်ကတော့ ဖုန်း
ပြင်တဲ့ သူတွေအတွက် အဓိက အသုံးဝင်မှာပါ။

*#*#0842#*#*
ဆိုတာကတော့ သင်စမ်းသပ်နေတဲ့ဖုန်းရဲ့ Back Light ရဲ့ အလင်းရောင်  အလင်းဆုံးဘယ်လောက် ရှိသလည်းဆိုတာရယ် ၄င်းဖုန်းအတွင်းမှ Vibrator RPM ဘယ်လောက်ရှိသလည်းဆိုတာကိုစမ်းသပ်ဖို့ပါ။














*#*#2664#*#*
သူကတော့ သင်စမ်းသပ်နေတဲ့ဖုန်းရဲ့ Touch Screen ကို ဘယ်လောက်ထိ Touch ကောင်းသည် မကောင်းသည်ကို စမ်းသပ်ဖို့ဖြစ်ပါတယ်။ ဘာကြောင့် ဒီလိုစမ်းသပ်ရသလည်းဆိုတော့တစ်ချို့ဖုန်းတွေမှာ Screen ရဲ့ ထောင့်နား လေးတွေဆိုရင် မမိ တာမျိုးတွေရှိတတ်ပါတယ်။ ဒါကြောင့်စမ်းသပ်ရတာဖြစ်ပါ  တယ်။ ဒီနည်းကတော့ Single Touch Test ဖြစ်ပါတယ်။ အကယ်လို့ ဖုနး်အမျိုး အစားက 4.0 နှင့်အထက်ဆိုရင်တော့ ၄င်းဖုန်းရဲ့ System Setting ထဲကနေ တဆင့် About Phone ထဲကိုဝင်ပါ။ ထို့နောက် Android Version ဆိုတာကိုသုံးချက်လောက်ဆင့်နှိပ်လိုက်ပါတဲ့အခါမှာတော့ သင့် Android ဖုန်းရဲ့ Sceen ကို Multi Test စမ်းသပ်လို့ရပါမယ်။

 *#*#7780#*#* နှင့် *2767*3855#

သူကတော့ အရမ်းအရေးကြီးသော Code ဖြစ်ပါတယ်။ ဒါကတော့ ၄င်းဖုန်း အား Factory Reset ချတဲ့ Code ဖြစ်သောကြောင့် ၄င်းကုဒ်ကိုစမ်းသပ်မယ် ဆိုရင်သတိထားရပါမယ်။ ဆိုင်က အသစ်ဆိုသော ဖုန်းအားသွားချမိရင်တော့ အရောင်း စာရေးနဲ့ စကားများမှာဖြစ်ပါတယ်။ လက်ရှိကိုင်နေတဲ့ဖုန်းကိုချမိ မယ်ဆိုရင်လည်း သင့်ဖုန်းထဲမှာမှတ်ထားသော Contact List တွေ၊ System Setting တွေ၊ Application တွေ၊ Google Account တွေ၊ Facebook Account  တွေအကုန်လုံးပျက်သွားမှာဖြစ်ပါတယ်။

*#*#4636#*#*

သူကတော့ ဖုန်းနဲ့ ပတ်သက်ပီး Information တော်တော်များများကိုသိနိုင်ပါတယ် ဆိုလိုတာက ဖုန်းရဲ့ Battery Information တွေ ၊ Phone Information တွေစတာတွေအပြင် ကျွန်တော်တို့ GSM ဖုန်းနဲ့ Network ချိတ်ထားသူတွေအတွက် Phone Information မှ WCDMA preferred ဆိုတာကိုရွေးပေး  ခြင်းဖြင့် GSM Phone ကို WCDMA Network Mode ဖြင့် Data Traffic သွားသောကြောင့် သင်က Mobile Network ကို Enable လုပ်လိုက်တာနဲ့ H ဆိုပီးတန်းတက်လာမှာပါ.. ယခု ကျွန်တော်လက်ရှိ GSM ဖုန်းကိုလည်း ထိုနည်းအတိုင်းသုံးနေပါတယ်။ ထိုသို့သုံးခြင်းဖြင့် သာမာန် GSM Phone ချင်းအတူတူတောင် Network Speedကို မြန်မာကျပ်ငွေ နှစ်ကျပ်တည်းဖြင့်WCDMAMode မြန်မာကျပ်ငွေ လေးကျပ်နှုန်းစာ လောက်ရှိသော Data Traffic ကိုရရှိနိုင်မှာဖြစ်ပါတယ်။

*#*#3264#*#*

သူကတော့ ဖုန်းရဲ့ RAM Version ကိုစစ်ဆေးဖို့ဖြစ်ပါတယ်။  ကဲအားလုံးပဲအဆင်ပြေမယ်လို့ ယုံကြည်မျှော်လင့်ပါတယ်။ အခုကျွန်တော်ဖော်ပြထားတဲ့ Code လေးတွေကိုတော့ဖြစ်နိုင်ရင် အလွတ်ကျက် ထားစေချင်ပါတယ်။ ဒါမှလည်း သင့်သူငယ်ချင်းသို့ မဟုတ် သင့် ပိုင်ရာဆိုင်ရာတွေအတွက် ဖုန်းလိုက် ၀ယ်ပေးတာတို့  ဘာတို့ဆိုရင်လည်း အလွယ်တကူဖြစ်နိုင်မယ်လေ။

Credit: Myanmar XDA

Today's Technology မိုဘိုင်းဖုန်းပြုပြင်နည်းသင်တန်း     




Posted By

<<  HTAR WAIE THAR  >>

Ko Ko Zaw ( BE-EC )           www.htarwaiethar.blogspot.com