Linux ၏ကောင်းကျိုး ၇ ချက်

Linux ၏ကောင်းကျိုး ရ ခုကိုဆရာဦးဇော်လင်း ၏ 3 In 1 Linux စာအုပ်မှ ထုတ်နုတ်ဖေါ်ပြမှာဖြစ်ပါတယ်။အောက်မှာဖတ်နိုင်ပါတယ်။

(၁) Linux ကအခမဲ့ရရှိတာဖြစ်ပါတယ်။

(၂) Kernel အပါအဝင် အားလုံးသော System Program တွေရဲ့ Source Code ကိုဖတ်ခွင့်ရခြင်းနှင့် ပြုပြင်ခွင့်ရခြင်း တို့ကြောင့် သင့်အနေနဲ့ အစိတ်အပိုင်းအားလုံးကို စိတ်ကြိုက် Customize လုပ်နိုင်ပါတယ်။

(၃) Linux က Hardware Requirement အများဘူးဗျ။ တင်စားပြီးပြောရမယ်ဆိုရင် Memory 4 MB နှင့် 386 ကွန်ပျူတာလောက်နဲ့တင် server ထိုင်မယ်ဆိုရင်လည်း ထိုင်လို့ရတယ်။

(၄) Linux ရဲ့ အဓိကဦးတည်ချက်ကို Effecient ဖြစ်ဖို့ဖြစ်တာကြောင့် Linux ဟာ မြန်ဆန်တယ်။ တည်ငြိမ်တယ်။ ပြောရရင်တော့ Powerful ဖြစ်တယ်ပေါ့ဗျာ။ နောက်ပြီးတော့ Failure ဖြစ်ခဲတယ်။ နောက်ပြီးသူ့ကို Maintanance လုပ်နေရတာမျိုး သိပ်မရှိဘူး။

(၅) Linux Kernel ကတကယ့်ကို ကျစ်ကျစ်လစ်လစ် သိပ်သိပ်သည်းသည်းဗျ။ Root Files System နှင့် Kernel ကို Image ရိုက်လိုက်မယ်ဆိုရင် 1.44 MB Floppy Disk တစ်ချပ်စာလောက်သာ ရှိလိမ့်မယ်။

(၆) Linux က အခြားသော Operating System တွေနှင့်လည်း Compatible ဖြစ်တယ်ဗျ။ ဥပမာ ကျွန်တော်တို့ သိထားပြီးသားဖြစ်တဲ့ MS-DOS တို့၊ Windows တို့ သူတို့ရဲ့ File System တွေအပြင် အခြားသော Mac OS တို့၊ OS/2 တို့၊ Solaris တို့နှင့်လည်း အဆင်ပြေပါတယ်။ ထို့အပြင် ၄င်း system တွေမှာ အသုံးပြုတဲ့ Application တွေနှင့်လည်း အဆင်ပြေပါတယ်။ network နှင့်ပတ်သက်ကရင်လည်း Ethernet တို့၊ Token Ring တို့၊ FDDI တို့နှင့်လည်း အဆင်ပြေပါတယ်။

(၇) နောက်တစ်ခုက Linux က Supporting လည်းကောင်းတယ်ဗျ။ ဒါကတော့ ယုံရခက်ခက်ပဲ ဆိုပေမဲ့ တကယ်တမ်းမှာ Linux အတွက် Patch တွေ Update တွေက ပုံမှန်မူပိုင်ခွင့်နဲ့ အလုပ်လုပ်နေတဲ့ Operating System တွေထက်တောင် များနေပါတယ်။

အချုပ်ဆိုရသော် - Linux ကိုသုံးရင် ငွေကုန်ကြေးကျသက်သာမယ်။

သုံးရတဲ့ Operating System ကလည်း တည်ငြိမ်မှုရှိတယ်။ Performance ကလည်း ကောင်းပြန်တယ်။

network ပုံစံမျိုးစုံသုံးမယ်ဆိုလည်း ရတယ်။ စိတ်ကြိုက် Customize လည်း လုပ်နိုင်တယ်။

အခြားသော Common ဖြစ်တဲ့ File Format တွေနဲ့လည်း Compatible ဖြစ်ပါတယ်။ Linux မူကွဲများစွာရှိတဲ့အတွက်ကြောင့် သင့်အနေနဲ့ ကိုယ်သုံးချင်တဲ့ Linux ကိုရွှေးချယ် အသုံးပြုနိုင်မှာပါ။

ဒါကလည်း ကောင်းတဲ့ အချက်ပေါ့။ Linux တိုင်းဟာလည်း Installation လုပ်ရတာလွယ်ကူမှု ရှိပါတယ်။ နောက်မြန်လည်း မြန်တယ်။ Linux က သင့်ရဲ့ Hard Disk ပြည့်လုနီးပါးဖြစ်နေတဲ့ အချိန်ထိတိုင် ကောင်းစွာအလုပ်လုပ်နိုင်နေသေးတယ်။

Linux က တစ််ချိန်တည်းမှာပဲ အလုပ်အများကြီးကို လုပ်နိုင်ပါတယ်။

Multitasking ပေါ့။ ဥပမာ Background job တွေပေါ့။ နောက်ကွယ်ကနေ အလုပ်လုပ်တာမျိုး။ သင်က Print အများကြီးထုတ်မယ်။

ပြီးတော့ အလုပ်ကို ဆက်လုပ်နေမယ်။ Print ကသူ့ဘာသာသူ ထွက်နေမယ်။ အဲ့ဒီလို ထုတ်နေလို့ သင်လုပ်နေတဲ့ အလုပ်မှာ နှေးကျသွားတာမျိုးမရှိဘူး။

နောက်ပြီး Security အရပြောမယ်ဆိုရင်လည်း Linux ကသိပ်ကို Security ကောင်းတဲ့ Operating System တစ်ခုတည်းမှာ ပါတယ်ဗျ။ မကြည့်စေချင်တဲ့သူတွေ ၊ Viruses တွေရဲ့ ရန်ကနေမှ ကိုယ့်ရဲ့ File System ကိုကာကွယ်ပေးပါတယ်။

နောက်ဆုံးတစ်ခုပြောချင်တာကတော့ အကယ်၍သာ သင်ဟာ Software Development လည်းလုပ်တက်မယ် သို့တည်းမဟုတ် Operating System နှင့်လည်း ပတ်သက်ပြီး ပြုပြင်ပြောင်းလဲမှု လုပ်တဲ့နေရာမှာ လုပ်တက်ကိုင်တက်မယ်ဆိုရင် Linux ဟာသင့်အတွက် လက်ညှိးညွှန်ရာ ရေဖြစ်စေမှာ ဖြစ်ပါတယ်။


Credit:: Unknown


Posted By

<<  HTAR WAIE THAR  >>

Ko Ko Zaw ( BE-EC )    www.htarwaiethar.blogspot.com