Android ဖုန်းဆိုတာ အားလုံး သိပြီးသားဖြစ်တဲ့ Powerful Platform OS တစ်ခုပါပဲ။ အဲဒါကြောင့် အဲဒီ စွမ်းဆောင်ရည် ပြည့်ဝမှုတွေကို တကယ်လို့သာ သင်ဟာ Android ဖုန်းတစ်လုံး ကိုင်နေတဲ့သူ ဆိုရင်တော့ ဂုဏ်ပြုပါတယ်။ ဘာဖြစ်လို့လဲ ဆိုတော့ Android ဟာ အတော်လေး ပြည့်စုံတဲ့ စနစ်တစ်ခု ဖြစ်ပြီး စိတ်ကြိုက် ပြုပြင်နိုင်ခွင့် များစွာ ရှိနေပါတယ်။ ဒါကြောင့် ပုံမှန်အတိုင်း ပြည့်ဝနေတဲ့ Android ကို ပိုပြီး ကောင်းမွန်အောင် လုပ်ဆောင်နည်းလေးတွေကို ဖော်ပြပေးမှာ ဖြစ်ပါတယ်။ ဒီအတွက် သင့်မှာ Android ဖုန်းတစ်လုံး ရှိပြီဆိုရင် ရပါပြီ။ မရှိသေးဘူး ဆိုရင်တော့ Samsung Galaxy S4, HTC One အစရှိတဲ့ စမတ်ဖုန်းများက စပြီး နောက်ဆုံး ငွေကြေးချွေတာနိုင်တဲ့ Android ဖုန်းတွေလည်း ရှိပါတယ်။ ဘာပဲဖြစ်ဖြစ် အဆင်ပြေပါတယ်။
1. Home Screen လေးကို အလှဆင်ကြမယ်
Widgets ဆိုတာကတော့ အလွယ်တကူ အသုံးပြုနိုင်အောင် ဖန်တီးပေးထားတဲ့ စနစ်တစ်မျိုးပါပဲ။ သူရဲ့ အစွမ်းက ဘာလဲဆိုတော့ မိမိရဲ့ ဖုန်းမျက်နှာလေးတွေမှာ အလှပဲ ဖြစ်ဖြစ်၊ အလွယ်တကူပဲ ဖြစ်ဖြစ် အသုံးပြုနိုင်အောင် လုပ်ပေးထားပါတယ်။ ပထမဆုံး ဖုန်းအသစ်မှာ ဆိုရင်တော့ ထုတ်တဲ့ ဖုန်းကုမ္ပဏီက ပေးလိုက်တဲ့ မူလအတိုင်းပဲ ရှိနေဦးမှာ ဖြစ်ပြီး နောက်ထပ် အသစ်လိုချင်ရင်တော့ App Launcher ဆိုတဲ့ apps တွေ အားလုံးစုထားတဲ့ နေရာကို သွားပြီး အဲဒီကနေမှ Widgets ဆိုတာ သွားလို့ရသလို Home Screen လေးကို နှိပ်ထားပြီး ပေါ်လာတဲ့ အခါမှ Widgets ဆိုတာကို ရွေးချယ်လို့လည်း ရပါတယ်။ Android OS ဖြစ်တဲ့အတွက် သာမာန်အားဖြင့်တော့ ဖုန်းအားလုံးနီးပါးရဲ့ အဓိက လုပ်ဆောင်ချက်တွေ အားလုံး အတူတူနီးပါး ဖြစ်ပါတယ်။ ဒါဆိုရင် မိမိလိုချင်တဲ့ widgets လေးအပေါ်ကို ဖိထားပြီး မိမိလိုချင်တဲ့ Screen ပေါ်ကို ဆွဲတင်လိုက်ရုံပါပဲ။ တစ်ကြိမ်မှာ တစ်ခုနှုန်းဖြင့် ထည့်သွင်းနိုင်ပြီး မိမိဖုန်းရဲ့ အများဆုံးပေးနိုင်တဲ့ Home Screen အတိုင်း အသုံးပြုနိုင်ပါတယ်။ ဥပမာအနေဖြင့် ရာဦဥတုဆိုင်ရာတွေ၊ နာရီလှလှလေးတွေ၊ အိမ်ကို အမြန်ဆုံး ပြန်နိုင်မယ့် လမ်းကို ညွှန်ပြနိုင်မယ့် widgets တွေ၊ နုတ်တွေကို အလွယ်တကူ မှတ်နိုင်တဲ့ Note Pad၊ bookmarks တွေနဲ့ အခြား မြောက်များစွာသော Widgets တွေကို ထည့်သွင်းထားနိုင်ပါတယ်။ ဒါဟာ မိမိဖုန်းကို လှတပတလေး ဖြစ်စေတာမို့ ကြည့်မိသူတိုင်းလည်း လိုချင်စိတ်လေး ဖြစ်စေနိုင်မှာ ဖြစ်ပါတယ်။ ထို့အပြင် အခြားသော ဖုန်းရဲ့ shortcuts များကိုလည်း တင်ထားနိုင်ပါသေးတယ်။
2. အလွယ်တကူ ဖုန်းခေါ်ဆိုနိုင်မယ့် widgets
စာရေးသူအနေနဲ့ အကြံပြုချင်တဲ့ widgets လေး ရှိပါတယ်။ ဘာလဲဆိုတော့ Android ကနေ ထုတ်ကတည်းက ပါဝင်လာပြီးသား ဖြစ်တဲ့ 1 by 1 Contact widget ဖြစ်ပါတယ်။ ဒါက ဘာလဲဆိုတော့ အဲဒါက မိမိအတွက် အမှတ်တရ ဖြစ်တဲ့သူ၊ မိမိ အမြဲတမ်းနီးပါး ဖုန်းခေါ်တတ်တဲ့ သူလိုမျိုးကို တင်ထားသင့်သည့် widget ဖြစ်သည်။ အဲဒီမှာ အလွယ်တကူ လုပ်ချင်တယ် ဆိုရင်တော့ သူရဲ့ widgets လေးပေါ်ကို နှိပ်လိုက်တာနဲ့ call, Message တို့ကို တိုက်ရိုက် သွားနိုင်သော စနစ်ကို အသုံးပြုနိုင်သည့်အတွက် contact တွင် နာမည်ကို လိုက်ရှာနေစရာ မလိုတော့ပေ။ ယခုနှစ် နောက်ဆုံးထွက်တဲ့ Samsung Galaxy S4 တို့မှာဆိုရင် အဲလိုမျိုး တိုက်ရိုက် ခေါ်ဆိုနိုင်တဲ့ contact တွေကို အများကြီး ထားနိုင်တာကို တွေ့ရတယ်။ လုပ်ဆောင်နည်းကလည်း လွယ်ကူပါတယ်။ ဖုန်းမျက်နှာပြင်ရဲ့ လွတ်နေတဲ့ နေရာမှာ ခဏလေး ဖိထားယုံဖြင့် အလွယ်တကူ widgets တွေကို တွေ့နိုင်ပြီး အဲဒီ အထဲမှာ မိမိလိုချင်တဲ့ widgets တွေကိုလည်း စိတ်ကြိုက် ရှာဖွေနိုင်ပါသေးတယ်။
3. Google Play ကနေ သီချင်းတွေကို နားထောင်နိုင်တယ်
Apple တွေကို အသုံးပြုကြတဲ့ သူတွေဟာ iTunes ပေါ်ကနေ သီချင်းတွေကို နားထောင်နိုင်သလို ယခုလည်း Android အသုံးပြုသူတွေအတွက် Google Play ကနေပြီး သီချင်းတွေကို နားဆင်နိုင်နေပါပြီ။ iTunes ကနေ ရနိုင်တဲ့ သီချင်းတွေအတွက် iTunes ကနေ ရနိုင်သော်လည်း ဒီထက်ကျော်ရင်တော့ DubleTwist လိုမျိုးတွေကို သုံးရပါတယ်။ Google Play ကတော့ Space ပေါ်မှာ နေရာလွတ် ရှိသလောက်ကို ဓာတ်ပုံတွေ၊ ဗီဒီယိုတွေ apps တွေကို သိမ်းနိုင်တဲ့ အပြင်ဂိမ်းတွေကိုလည်း အသုံးပြုနိုင်သလို နောက်ဆုံး သီချင်းတွေကိုလည်း ထည့်သွင်း အသုံးပြုနိုင်ပါတယ်။ Music Manager လိုမျိုး Software ကို ကွန်ပျူတာပေါ်မှာ တင်ထားမယ်ဆိုရင် ဘယ်နေရာပဲ ရောက်ရောက် သင့်ကွန်ပျူတာထဲမှာ Music Library က တည်ရှိနေမှာ ဖြစ်ပါတယ်။ ဒါဟာ Apple ရဲ့ iTuneMatch နှင့် အလားသဏ္ဍာန် တူနေပါတယ်။ ထို့အပြင် မတူညီတဲ့ သီချင်းတွေကိုလည်း upload တင်ထားနိုင်ပါတယ်။ ထို့နောက် မိမိသီချင်းတွေကို Google Play Music Player ကို အသုံးပြုပြီး နားဆင်နိုင်မှာ ဖြစ်ပါတယ်။
4. Google Play ဝဘ်ဆိုက်ကနေ install လုပ်နိုင်မယ်
တစ်ခါတရံမှာ ကိုယ်က ဖုန်းနဲ့မဟုတ်ဘဲ ရိုးရိုး သာမာန် ကွန်ပျူတာနှင့် အသုံးပြုရင်း မိမိ ထည့်သွင်းလိုတဲ့ apps လေးတွေကို တွေ့တတ်ပါတယ်။ အဲဒီ အချိန်မျိုးမှာ Google Play Store ကို ဝဘ်ဆိုက်နေ တစ်ဆင့် တိုက်ရိုက်သွားပြီး မိမိဖုန်း အတွင်းကို တိုက်ရိုက် ထည့်သွင်းနိုင်ပါတယ်။ လုပ်နည်းကတော့ လွယ်ပါတယ်။ မိမိဖုန်းဟာ အင်တာနက်မရှိချိန် ဖြစ်နေမယ်၊ မိမိကလည်း ရိုးရိုးလက်တော့ပ်၊ desktop ကွန်ပျူတာများကနေ သုံးနေမယ် ကိုယ်လိုချင်တဲ့ apps လေးတွေကိုလည်း Google Play Store မှာ ရှိလို့ တစ်ခါတည်း သွင်းချင်ပေမယ့် ဖုန်းထဲကို တိုက်ရိုက် ထည့်ဖို့ နည်းမရှိ ဖြစ်တတ်ပါတယ်။ ဒါပေမယ့် Google mail အကောင့်ရှိသူများ အတွက်ကတော့ ဒါကို အလွယ်တကူ ဖြေရှင်းနိုင်ပါတယ်။ မိမိဖုန်းမှာ အင်တာနက်ရတဲ့ အချိန်မှာ အလိုအလျောက် သူ့ဘာသာ download လုပ်ပေးနိုင်တဲ့အတွက် Google Play Store ကနေ တိုက်ရိုက် ဝင်ရောက်ပြီး မိမိလိုချင်သော apps တွေကို install ပြုလုပ်ထားနိုင်ပါတယ်။ ဒါပေမယ့် Google Play Store ထဲကို ဝင်တဲ့အကောင့်နဲ့ ဖုန်းထဲကို ထည့်သွင်းထားတဲ့ အကောင့်က အတူတူပဲ ဖြစ်ရပါတယ်။
5. Apps တွေကို အလိုအလျောက် Update စနစ်ထားခြင်း
ဒါကတော့ ပြည်တွင်း အခြေအနေနဲ့ သိပ်မကိုက်ပါဘူး။ ဘာဖြစ်လို့လဲ ဆိုတော့ ဖုန်းက အင်တာနက် အမြဲတမ်း မရတဲ့ အတွက်ပါပဲ။ ဒါပေမယ့်လည်း အဆင်ပြေနိုင်တဲ့ နည်းလမ်းကတော့ Wifi ရနိုင်တဲ့ အချိန်မှာ ချိတ်လိုက်တဲ့ အချိန်မျိုးမှာ အလိုအလျောက် စနစ်နဲ့ လိုအပ်တဲ့ apps တွေရဲ့ update version တွေကို Download လုပ်ပေးနိုင်မှာ ဖြစ်ပါတယ်။ လုပ်ဆောင်နည်းကတော့ Menu button ကို သွားရမယ်။ ထို့နောက် Settings ကို သွားပြီး Auto-update apps ဆိုတာမှာ check mark လေးတွေ လုပ်ထားနိုင်ယုံပါပဲ။ ကိုယ့်ဆီမှာ မိုဘိုင်းဖုန်းကနေ တိုက်ရိုက်သုံးတဲ့ အင်တာနက်စနစ် ရှိနေမယ်ဆိုရင် အင်တာနက် ဖွင့်တာနဲ့ အလိုအလျောက် update မလုပ်နိုင်အောင် Wi-Fi only ဆိုတာလေးကိုပါ check mark ပေးထားနိုင်ပါတယ်။ ဒါမှသာ Wi-Fi ရတဲ့ အချိန်ကျမှ သူ့ဘာသာ အလိုအလျောက် စနစ်နဲ့ update လုပ်နေမှာ ဖြစ်ပါတယ်။
6. Gesture Keyboard ထည့်သွင်းခြင်း
ဒီစနစ်ကို မသုံးဖူးသေးတဲ့သူ အတွက်ကတော့ အနည်းငယ် စိတ်ရှုပ်စရာ တစ်ခုလို့ ထင်ကောင်းထင်ပါမယ်။ ဒါပေမယ့် အသုံးပြုတတ်သူများ အတွက်ကတော့ အတော်လေး ကောင်းမွန်တဲ့ ကီးဘုတ်စနစ်တစ်ခု ဖြစ်ပါတယ်။ မိမိ ရိုက်ချင်တာကို တပြိုင်နက်တည်းမှာ မလွှတ်ဘဲဆွဲကာ အသုံးပြုနိုင်ခြင်းကြောင့် ဖြစ်ပါတယ်။ Gesture ကီးဘုတ်စနစ်ကတော့ Swype သို့ SwiftKey တို့နဲ့ အနည်းငယ် တူသလို ရှိပါတယ်။ တကယ်လို့ Gesture အလုပ်လုပ်ပုံ လုပ်နည်းကို မသိဘူး ဆိုရင်တော့ အင်တာနက်က ဗီဒီယို်တွေမှာ လေ့လာနိုင်ပါတယ်။ အခမဲ့ ရနိုင်တဲ့ Gesture apps တွေ အများကြီး ရှိသလို ငွေပေးဝယ်မှ ရနိုင်တဲ့ ကီးဘုတ်များအထိ ရှိနေပါတယ်။
7. Google Now ကို ထည့်သွင်းခြင်း
Google Now ဆိုတာကတော့ တော်တော်လေး ကောင်းမွန်တဲ့ Google ရဲ့ ထုတ်ကုန်တစ်ခု ဖြစ်ပြီး Android ဖုန်းအသစ်တွေအတွက် ထုတ်လုပ်ပေးထားခြင်း ဖြစ်ပါတယ်။ ဒီစနစ်က သင့်အတွက် သတင်း အချက်အလက်တွေကို အလိုအလျောက် ချိတ်ဆက်ပေးနိုင်ပြီး သင်ဘာကို ရှာနေလဲ၊ ဒါမှမဟုတ် အခြား ဘယ်လို သတင်းမျိုး အချက်အလက်မျိုးကို လိုအပ်လဲ အားလုံးကို ရှာဖွေပေးနိုင်ပါတယ်။ ဥပမာအနေနဲ့ ဆိုရင် အဲဒီဘူတာကို ရထား ဘယ်အချိန် ဆိုက်ရောက်မလဲ ဆိုတဲ့ သတိပေးမှုမျိုးကို လုပ်ပေးနိုင်ပါတယ်။ ထို့အတူပဲ ရထားပေါ်မှာ ဆိုရင်လည်း နောက်ရောက်မယ့် ဘူတာကို သတိပေးပါလိမ့်မယ်။ ထို့အတူပဲ သင့်ရဲ့ နေထိုင်ရာ တည်နေရာကို မူတည်ပြီး ကားလည်း ကျပ်မှုတွေ ဖြစ်တဲ့ အခါမှာလည်း သင့်ရဲ့ မေးလ်ဆီကို အကြောင်းကြားစာ ရောက်လာပါလိမ့်မယ်။ ဒီထက် လုပ်ဆောင်နိုင်တာတွေ အများကြီး ရှိနေပေမယ့် ပြည်တွင်းမှာကတော့ သိပ်ပြီး အလုပ်ဖြစ်မယ့် apps တစ်ခု မဟုတ်ပါဘူး။
8. တကယ်လို့ မရှိသေးဘူးဆိုရင် Chrome ကို ထည့်ထားပါ
အမှန်တကယ်ဆိုရင် Chrome ဆိုတာ Android အတွက် default အနေဖြင့် ပါလာတဲ့ ဘရောဆာတစ်ခု ဖြစ်ပေမယ့် အချို့ ဖုန်းထုတ်လုပ်သူတွေကတော့ Chrome အစား သူတို့ ထုတ်လုပ်တဲ့ ဘရောက်ဆာတွေကို အစားထိုး အသုံးပြုကြပါတယ်။ ဒါကြောင့် Chrome က ပါမလာဘဲ ကျန်နေခဲ့တာ ဖြစ်ပါတယ်။ ဒါကြောင့် သူ့ Android နှင့် အသုံးတည့်မည့် Chrome ကို ပြန်လည် ထည့်သွင်းထားသင့်ပါတယ်။ ဘာလို့လဲဆိုတော့ Chrome ဟာ မြန်ဆန်တယ်၊ ရိုးစင်းတယ်၊ တကယ်လို့သာ ကွန်ပျူတာမှာလည်း အသုံးပြုတယ် ဆိုရင်တော့ အလိုအလျောက် ဖုန်းအတွင်းကို bookmark တွေကို sync လုပ်ထားနိုင်ပါတယ်။ ဒါကြောင့် ကွန်ပျူတာမှာ သိမ်းထားသမျှ bookmarks တွေကို ဖုန်းအတွင်းက Chrome မှာ အသုံးပြုနိုင်ပါတယ်။ တကယ်လို့ ဖုန်းအတွင်းမှာ မရှိဘူး ဆိုရင်တော့ Google Play Store ကနေ တိုက်ရိုက် ဒေါင်းနိုင်ပါတယ်။ ထို့နောက် ဘရောက်ဆာကို တစ်ကြိမ်ဖွင့်ကာ Chrome ကို Default အနေနဲ့ ပေးထားခြင်းဖြင့် နောက်တစ်ကြိမ် အသုံးပြုတာနဲ့ တိုက်ရိုက် ရောက်လာမှာပါ။
9. သင့်ရဲ့ ကွန်ပျူတာပေါ်ကနေ Text Message တွေကို ဖတ်နိုင်
သင့်ရဲ့ ကွန်ပျူတာ၊ တက်ဘလက်ကနေ ဖုန်းကို ပေးပို့တဲ့ စာသားတွေကို ဖတ်နိုင်၊ ပြန်လ် ပေးပို့နိုင်စေဖို့အတွက် third-party apps တွေ များစွာ ရှိပါတယ်။ အဲဒီ apps တွေထဲကမှ လူသုံးအများဆုံးလဲဖြစ် စာရေးသူလည်း အကြိုက်တွေ့တဲ့ apps ကတော့ Mighty Text ဆိုတဲ့ apps ပဲ ဖြစ်ပါတယ်။ အဲဒီ apps လေးကို ဖုန်းထဲကို instal လုပ်ပါ။ ထို့နောက် အသေးစိတ် လုပ်ဆောင်ချက်များအတွက် Mighty Text ၏ ဝဘ်ဆိုက်ကို သွားရောက် လေ့လာကာ အသုံးပြုနိုင်မှာ ဖြစ်ပါတယ်။ www.mighty-text.net/install မှာ လေ့လာနိုင်ပါတယ်။ ထို့နောက် သင့်ရဲ့ Message တွေကို ကွန်ပျူတာကနေ ဖြစ်စေ၊ တက်ဘလက်ကနေ ဖြစ်စေ တိုက်ရိုက် ဖတ်ရှုနိုင်ပါပြီ။
10. “Share” စနစ်အား ထိရောက်စွာ အသုံးပြုခြင်း
စာဖတ်သူတို့အတွက် Android ဖုန်းတစ်လုံး ကိုင်ထားပြီဆိုရင် သူ့မှာ ပါဝင်တဲ့ built-in feature တွေကို ပြည့်ဝစွာ အသုံးချနိုင်မှု အားနည်းတာကို တွေ့ရပါတယ်။ Share စနစ်ဟာ အလွယ်တကူ လုပ်ဆောင်နိုင်ရုံတင် မကဘဲ ဘယ်လို apps နှစ်မျိုးကိုမဆို သင့်ဖုန်းကနေ အခြားဖုန်းတစ်လုံးကို ဆက်သွယ်ပေးနိုင်ပါတယ်။ မိမိဖုန်းကနေ ဘယ်လိုမျိုး အရာကိုမဆို အလွယ်တကူ အခြားသူအား မျှဝေနိုင်မည့် နည်းလမ်းတစ်ခု ဖြစ်ပါတယ်။ ဥပမာ Bluetooth ကနေ ဆက်သွယ်မလား၊ အီးမေးလ်ကနေ ဆက်သွယ်မလား အခြား Share လို့ရနိုင်တဲ့ နည်းလမ်းပေါင်းစုံကနေ မျှဝေနိုင်ရန်အတွက် ထည့်သွင်းပေးထားသည့် feature တစ်ခု ဖြစ်ပါတယ်။ ဒါကြောင့် မိမိဖုန်းအတွင်းက ဟာတွေကို အခြားအကောင့် တစ်ခုခုကနေ မျှဝေချင်တာပဲ ဖြစ်ဖြစ်၊ dropbox လိုမျိုး နေရာမျိုးမှာ သိမ်းထားချင်တာမျိုးပဲ ဖြစ်ဖြစ် အလွယ်တကူ သိမ်းထားနိုင်အောင် လုပ်နိုင်ပါတယ်။
11. Maps Offline အဖြစ် အသုံးပြုနိုင်ခြင်း
ဒါက အရင်တုန်းကဆိုရင် မရနိုင်ခဲ့ပါဘူး။ နောက်ပိုင်း Android OS ဗားရှင်းတွေ မြင့်လာတော့မှ ရရှိလာတဲ့ features တစ်မျိုးပါပဲ။ Maps ကို Google Maps ဖြင့် ချိတ်ဆက်ထားပြီး အင်တာနက်မရှိသည့် အချိန်များတွင် အလွယ်တကူ အသုံးပြုနိုင်စေဖို့အတွက် မိမိလိုချင်တဲ့ မြေပုံတွေကို Offline ပြုလုပ်ထားခြင်း နည်းလမ်းဖြင့် အလွယ်တကူ ပြန်လည် အသုံးချနိုင်မှာ ဖြစ်ပါတယ်။ ဒီအတွက် GPS စနစ်ဖြင့် ပူးတွဲ အလုပ်လုပ်ပါက အလွယ်တကူ အသုံးပြုနိုင်ပြီး အင်တာနက် ချိတ်ဆက်ထားစရာ မလိုဘဲ အသုံးချနိုင်ပါတယ်။ လုပ်ဆောင်နည်းကတော့ Google Maps မြေပုံ apps ကို မိမိဖုန်းအတွင်းမှာ ထည့်သွင်းထားရပါမယ်။ ထို့နောက် Menu botton ကို နှိပ်ကာ Make Available Offline ဆိုတာကို နှိပ်လိုက်ရုံပါပဲ။ ထို့နောက် maps ပေါ်မှာ မိမိလိုချင်တဲ့ မြေပုံနေရာကို နေရာချကာ download ပြုလုပ်ထားရုံ ဖြစ်ပါတယ်။ အဲဒီ offline လုပ်နေချိန်မှာတော့ ပထမဆုံး အင်တာနက် ချိတ်ဆက်ထားရပါမယ်။ နောက်ပိုင်းတွေမှာ မလိုတော့ပါဘူး။
12. ကွန်ပျူတာကို အလွယ်တကူ ချိတ်ဆက်ကာ အမြန်ဆုံး လွှဲပြောင်းနိုင်ခြင်း
Android ဖုန်းတွေရဲ့ အားသာချက် တစ်ခုကတော့ Apple ရဲ့ iPhone တွေလိုမျိုး iTune ပါမှ ချိတ်ဆက်နိုင်တာမျိုး စနစ်တွေမရှိဘဲ အလွယ်တကူပဲ ချိတ်ဆက်ပြီး ဖိုင်တွေ၊ ဓာတ်ပုံတွေနဲ့ အခြားအရာတွေကို ဝေမျှနိုင်ခြင်း ဖြစ်ပါတယ်။ တကယ်လို့ ကွန်ပျူတာမှာ ဖုန်းနဲ့ ပတ်သက်တဲ့ driver မျိုး မရှိဘူး ဆိုရင်တောင်မှ ဖုန်းထဲက အချက်အလက်တွေကို အလွယ်တကူပဲ ကွန်ပျူတာနဲ့ ချိတ်ဆက်ပြီး ရွှေ့ပြောင်းနိုင်ခြင်းက Android ဖုန်းတွေရဲ့ အားသာချက် တစ်ခုပါပဲ။ ဒါကို လုံခြုံရေး အပိုင်းက ကြည့်ရင်တော့ အားနည်းတယ်လို့ ဆိုနိုင်ပေမယ့် အားသာချက်ကို ပြန်ကြည့်မယ် ဆိုရင်တော့ အကောင်းဆုံး အသုံးချနိုင်စွမ်းကို ရရှိစေတာပဲ ဖြစ်ပါတယ်။ သာမန် အသုံးပြုသူများအဖို့ မိမိဖုန်း အတွင်းမှာ အရေးကြီးတဲ့ စီးပွားရေးဆိုင်ရာ လျှို့ဝှက်ချက်မျိုး၊ အခြား အချက်အလက်တွေကို သိမ်းဆည်းထားလေ့ မရှိကြတဲ့ အတွက်ပါပဲ။ သာမန် အသုံးပြုမှုမျိုးအတွက် iTune လိုမျိုး Software တင်ပြီးမှ ကွန်ပျူတာနှင့် ချိတ်ဆက်နိုင်တာမျိုးထက် စာရင် ယခုလိုမျိုး အလွယ်တကူ ပြောင်းရွှေ့နိုင်ခြင်းက အားသာချက် တစ်ခုပါပဲ။ ဖုန်းကို USB ကြိုးကနေ တစ်ဆင့် အလွယ်တကူပဲ ချိတ်ဆက်ပြီး ကွန်ပျူတာကနေ ဖုန်းအတွင်းမှာ ရှိတဲ့ အချက်အလက်တွေကို ရယူနိုင်ပါတယ်။ ဖုန်းအတွင်းမှာ DICM ဆိုတဲ့ ဖိုလ်ဒါဆိုတာကတော့ ဖုန်းကင်မရာကနေ ရိုက်ကူးထားတဲ့ ဓာတ်ပုံတွေကို အလွယ်တကူ ကွန်ပျူတာဆီကို ရွှေ့ပြောင်းနိုင်အောင် စုစည်းထားတဲ့ ဖိုလ်ဒါပဲ ဖြစ်ပါတယ်။ ထို့အတွက် ဖုန်း USB နဲ့ ချိတ်ဆက်လိုက်တာနဲ့ ဖုန်းရဲ့ notification မှာ USB ကို ချိတ်ဆက်နိုင်ဖို့အတွက် စနစ်တစ်ခု ပါဝင်လာပြီး အဲဒီစနစ်ကို on ပေးလိုက်တာနဲ့ ကွန်ပျူတာနဲ့ ဖုန်း တိုက်ရိုက် ချိတ်ဆက်နိုင်ပြီ ဖြစ်ပါတယ်။
13. ဓာတ်ပုံတွေကို အွန်လိုင်းမှာ သိမ်းထားမယ်
မိမိအတွက် အမှတ်တမဲ့ ရိုက်ကူးလိုက်တဲ့ ဓာတ်ပုံတွေကို သိမ်းဆည်းနိုင်ဖို့အတွက် အကောင်းဆုံး နည်းလမ်းတစ်ခုပါပဲ။ ဘာကြောင့်လဲဆိုတော့ မိမိဖုန်းဟာ အကြောင်း တစ်စုံတစ်ရာကြောင့် ပျောက်ဆုံးသွားမယ် ဆိုရင် မိမိဖုန်းအတွင်းက ဓာတ်ပုံတွေကို ပြန်လည် ရယူနိုင်မယ့် နည်းလမ်း ဖြစ်လို့ပါပဲ။ ဒါဟာ ဘာမှ အပန်းမကြီးတဲ့အလုပ် ဖြစ်ပေမယ့် တကယ် အသုံးဝင်တဲ့ နည်းလမ်းတစ်ခု ဖြစ်ပါတယ်။ အလွယ်ကူဆုံး နည်းလမ်းကတော့ မိမိဖုန်း အတွင်းက ဖုန်းတွေကို Google + လို့ခေါ်တဲ့ Google ရဲ့ စနစ်တစ်ခုတည်းမှာ အလိုအလျောက် သိမ်းထားပေးတဲ့ စနစ် ဖြစ်ပါတယ်။ ဒါပေမယ့် အဲဒီပုံတွေကို အွန်လိုင်းမှာ ရောက်သွားပေမယ့် အခြားသူများကို ပြသခြင်းမျိုး အဟုတ်ဘဲ မိမိတစ်ဦးတည်းသာ အွန်လိုင်းမှာ အကောင့်ဖွင့်ကာ ကြည့်နိုင်ခြင်းမျိုး ဖြစ်သည့်အတွက် လုံခြံုရေး အတွက်လည်း စိတ်ချရပါတယ်။ နောက်ပိုင်း မိမိ ဝေမျှချင်တယ် ဆိုတော့မှသာ အလွယ်တကူ အခြားသူများကို ဝေမျှနိုင်ပါတယ်။ Google + app ကို ဖွင့်ကာ Settings ထဲကနေ Instant upload ဆိုတာကို ရွေးချယ်ထားလိုက်မယ် ဆိုရင် မိမိဖုန်းဟာ အွန်လိုင်းကို ရောက်တာနဲ့ အလိုအလျောက် စနစ်နဲ့ ဖုန်းအတွင်းက ဓာတ်ပုံတွေကို အွန်လိုင်းပေါ်ကို တင်ပေးမှာ ဖြစ်ပါတယ်။ ဒါကြောင့် ဖုန်းပျောက်သွားမယ် ဆိုရင်တောင်မှ မိမိရဲ့ အမှတ်တရ ဓာတ်ပုံတွေကို မဆုံးရှုံးတော့ပါဘူး။ တကယ်လို့ သင့်အနေနဲ့ Google + ကို အသုံးပြုမှု မရှိဘူး ဆိုရင်တောင်မှ အခြားနည်းလမ်းတွေ ဖြစ်တဲ့ dropox, SugarSync လိုမျိုး အွန်လိုင်း Cloud စနစ်တွေမှာ ချိတ်ဆက်ပြီး တင်ထားနိုင်ပါတယ်။ ဒါပေမယ့် အဲဒါတွေကတော့ သိုလှောင်နိုင်မှုစနစ် အကန့်အသတ် ရှိတဲ့အတွက် ဓာတ်ပုံတွေ များများ သိမ်းချင်ရင်တော့ Google + မှာ သိမ်းတာ အကောင်းဆုံး ဖြစ်ပါလိမ့်မယ်။
14. Remote Find and Wipe အတွက် App ရယူထားခြင်း
ဒီစနစ်ကတော့ Android ဖုန်းတွေမှာ မပါဝင်တဲ့ feature တစ်ခုပါပဲ။ တကယ်လို့ ဖုန်းက ပျောက်သွားတာပဲ ဖြစ်စေ၊ အခိုးခံလိုက်ရတာပဲ ဖြစ်စေ မိမိဖုန်းကို ပြန်လည် ရယူနိုင်ဖို့အတွက် နည်းလမ်းတစ်ခုပါပဲ။ ဒါပေမယ့် ထည့်သွင်းထားတဲ့ feature မပါဝင်တဲ့အတွက် third-party လိုမျိုး App တွေကို အသုံးပြုရပါမယ်။ ဥပမာအနေနဲ့ သုံးနိုင်တဲ့ app တစ်ခုကတော့ Android lost ဆိုတဲ့ app ဖြစ်ပါတယ်။ ဒါဟာ သိပ်အကောင်းကြီး မဟုတ်ပေမယ့်လည်း အခမဲ့ အသုံးပြုနိုင်တဲ့ app တစ်ခု ဖြစ်ပါတယ်။ ဒီ app မှာ သင့်ဖုန်းအတွက် ထိန်းချုပ်နိုင်မယ့် remote control စနစ်တွေ အမြောက်အများ ပါရှိပါတယ်။ အခြား အသုံးဝင်တဲ့ app တွေလည်း အများကြီး ရှိပါသေးတယ်။ အဲဒီ app တွေကနေ မိမိဖုန်းဆီကို message တွေကို ပေးပို့နိုင်သိလို screen ကိုလည်း lock လှမ်းလုပ်နိုင်ပါတယ်။ နောက်ထပ် ကောင်းမွန်တဲ့ app တစ်ခုကတော့ Cerberus ဆိုတာ ဖြစ်ပြီး မိမိဖုန်းရဲ့ တည်နေရာကို မြေပုံမှာ ပြသပေးတာပဲ ဖြစ်ပါတယ်။ ဒါပေမယ့် အဲဒါကလည်း carries တွေနဲ့ ဆိုင်သေးသလို အမမဲ့ အနေနဲ့ကလည်း တစ်ပတ်ပဲ ပေးသုံးပါတယ်။
15. အသစ်ပါဝင်လာတဲ့ Refunds button
တကယ်လို့ ကိုယ်ကသာ Aindroid apps တွေကို ငွေပေးပြီး သုံးနေတဲ့ သူတစ်ယောက် ဖြစ်မယ်ဆိုရင် အဲဒီ refunds button လေးက အတော်လေး အသုံးဝင်မှာပါ။ ဘာဖြစ်လို့လဲ ဆိုတော့ ငွေပေးချေပြီး ဝယ်ရတဲ့ အခါမှာ မိမိက မှားပြီး ဝယ်လိုက်မိတဲ့ app တစ်ခုကို ငွေချေပြီးသွားရင် ဘယ်တော့မှ ပြန်တောင်းလို့ မရတော့ပါဘူး။ ဒါပေမယ့် အခု Refunds button လေးကတော့ ကူညီနိုင်ပါတယ်။ တကယ်လို့ ကိုယ်သွင်းလိုက်တဲ့ app ကို မကြိုက်လို့ မဝယ်ချင်တော့ဘူး ဆိုရင် ၁၅ မိနစ်အတွင်း ပြန်ပြီး cancel လုပ်နိုင်ဖို့အတွက် ဖြစ်ပါတယ်။ ဒါဟာ လုံလောက်တဲ့ အချိန်တစ်ခုလို့ ဆိုနိုင်ပါတယ်။ ၁၅ မိနစ် ကျော်သွားရင်တော့ မိမိ app ကို မရနိုင်တော့ပါဘူး။ ဒါပေမယ့် အခြား ဘယ်အချိန်မဆို အဲဒီ app ကို မိမိအကောင့်ကနေ အသုံးနိုင်ခွင့်တော့ ရရှိမှာ ဖြစ်ပါတယ်။ app တွေကို ဝယ်ပြီး အသုံးမလိုတဲ့ အခါမျိုးတွေအဖြစ် မိမိဖုန်းနဲ့ app က အဆင်မပြေတာမျိုး၊ ဒါမှမဟုတ် သုံးဖို့အတွက် ဆိုပြီး ဝယ်ပြီးခါမှ မသုံးချင်တော့သောကြောင့် ဖြစ်စေ အဲလိုမျိုး အကြောင်းအမျိုးမျိုးအတွက် ဖြစ်နိုင်ပါတယ်။ ဒါကြောင့် ငွေပေးဝယ်လိုက်ပြီးတဲ့ app ဖြစ်မယ်ဆိုရင် ကိုယ်မလိုချင်ရင် ချက်ချင်း ၁၅ မိနစ်အတွင်း စဉ်းစားကာ မသုံးချင်တော့ရင် Refunds ကို နှိပ်နိုင်ပါတယ်။ ဒါဟာ အသုံးပြုသူတွေအတွက် အခွင့်အရေးတစ်ခု ဖြစ်ပါတယ်။
Credit :: Unknown
Posted By
<< HTAR WAIE THAR >>
Ko Ko Zaw ( BE-EC ) www.htarwaiethar.blogspot.com
0 comments:
Post a Comment