ဒီပို့စ်ကတော့ အနှစ်ချုပ်ပါ။
ကွန်ပျူတာ စနစ်တစ်ခုကို အသုံးပြုတော့မည်ဆိုပါက သိသင့်သော အကြောင်းအရာများကို နည်းနည်းလေ့လာရအောင်။
ကွန်ပျူတာ စနစ်တစ်ခုက Hardware , Software နှစ်ခုကို အခြေခံပြီး အသုံးပြုပါတယ်။
Hardware ဆိုတာလေးတွေက ကွန်ပျူတာမှာ တပ်ဆင်ထားသော ထိတွေ့နိုင်သော အစိတ်အပိုင်းများဖြစ်ပြီး သူတို့ကို အဓိက ထိန်းချုပ်သော အရာကိုတော့ Firmware လို့ခေါ်ပါတယ်။
Firmware ဆိုတာတော့ Hardware အစိတ်အပိုင်းတွေ ကွန်ပျူတာမှာ ချိတ်ဆက်ကာ အလုပ်လုပ်နိုင်အောင်ထည့်သွင်းထားသော ဆော့ဝဲလ်အသေးစားလေးတွေပါ။
Software ရဲ့ လုပ်ငန်းစဉ်တွေကို hardware ဖြစ်တဲ့ Read Only Memory (ROM) ထဲမှာ ထည့်သွင်းတာမျိုးကို Firmware လို့ခေါ်ပါတယ်။ RAM (Random Access Memory) နဲ့မတူတဲ့ အချက်က ROM တွေဟာ မီးပိတ်ခဲ့ရင်၊ ပါဝါပြတ်တောက်သွားခဲ့ရင် သူ့ထဲက အချက်အလက်တွေ ပျောက်ဆုံးသွားတာမျိုး မဖြစ်အောင် လုပ်ထားပေးပါတယ်။ ကွန်ပြူတာတစ်လုံးရဲ့ စတင်လုပ် ဆောင်ရမယ့် လုပ်ငန်းစဉ်တွေနဲ့ Low Level input/output instruction တွေကို Frimware ထဲမှာ ထည့်သိမ်းထားပါတယ်။ ကွန်ပြူတာမှာ BIOS (Basic Input/ Output System)လို့ ခေါ်တဲ့ ပစ္စည်းလေးဟာ Firmware ဖြစ်ပါတယ်။ CD ROM, DVD ROM, DVD Writer, CD Writer တွေမှာလည်း Firmware ထည့်သွင်းထားလေ့ရှိပြီး အဲဒီ Firmware ကိုပြုပြင်ပြောင်းလဲမှုတွေ လုပ်ဖို့လိုအပ်လို့ Update လုပ်တာမျိုးကို Firmware update လို့သုံးပြီး၊ Frimware ရဲ့ model အနိမ့်အမြင့်ကို သိရှိအောင် တစ်နည်းအားဖြင့် Version အနိမ့်အမြင့်ကို သိရှိအောင် နံပါတ်တွေနဲ့ ဖော်ပြထားလေ့ရှိပါတယ်။
Hard dirive တွေမှာလည်း Firmware ပါလေ့ရှိပြီး Version ဘယ်လောက်လဲဆိုတာ ရေးသားထားလေ့ရှိပါတယ်။ Hard drive တွေရဲ့ Firmware ကို Update လုပ်တာ မကြုံဖူးပေမယ့် CD, DVD တွေ Writer ကိုတော့ Firmware update လုပ်ဖို့လိုတာ သတိပြုမိပါတယ်။
သတိပြုရမှာတစ်ခုက ကွန်ပြူတာ System မှာ သုံးထားတဲ့ Firware ဖြစ်တဲ့ BIOS ကို Update လုပ်တာကို Firmware update လို့ သုံးလေ့မရှိပဲ Bio update လို့ပဲ ခေါ်ဝေါ်သုံးစွဲလေ့ရှိ ပါတယ်။
ကွန်ပျူတာမှာ Hardware ရှိသွားသော်လည်း အသုံးပြုလို့မရသေးပါဘူး။
Software ကို ကွန်ပျူတာမှာ တပ်ဆင်မှသာ ဆက်လက်အသုံးပြုလို့ရမှာပါ။
အဓိက ကျတာကတော့ ကွန်ပျူတာ လည်ပတ်မှုစနစ် ( Operating System ) ရှိမှသာ ကွန်ပျူတာ စနစ်တစ်ခုဖြစ်မှာပါ။
Operating System တွေကို ကျွန်တော်တို့ သိနိုင်တာက
Windows Platform , Linux Platform , Apple Platform စတာတွေပဲ ဖြစ်ပါတယ်။
သူနှင့် ကိုက်ညီသော Hardware အစိတ်အပိုင်များရှိပါက ကွန်ပျူတာ လည်ပတ်မှု စနစ်ကို တပ်ဆင်ကာ စတင်အသုံးပြုနိုင်ပါတယ်။
ကွန်ပျူတာ လည်ပတ်မှု စနစ်တွေကလည်း သူ့ကို ဆောင်ရွက်လုပ်ကိုင်နိုင်ဖို့အတွက် စနစ်ဆိုင်ရာ လုပ်ဆောင်ချက်ဖိုင်များ ထားဖို့ကို အဓိကအားဖြင့် Hard Disk Stroage ကို ယူသုံးတာများပါတယ်။
အသေးစာ Phone OS တွေကတော့ Firmware ( Flash ROM ) မှာ နေရာယူတက်ပါတယ်။ကွန်တော့်တို့ အသုံးမများပဲ စျေးအရမ်းကြီးသော SSD Drive ( Solid Stage Drive ) နှင့် Network Cloud Stroage တွေလည်းရှိပါတယ်။
ကွန်ပျူတာ စနစ်တစ်ခုမှာ အများဆုံးပါနိုင်သော ဆော့ဝဲလ်တွေကတော့
ကွန်ပျူတာ စနစ်မှာရှိသော ဖိုင်များကို ကြည့်နိုင် စီမံနိုင်သော File Manager,
ဓါတ်ပုံတွေ ကြည့်နိုင်သော Photo Viewer.
သီချင်း၊ဗွီဒီယိုတွေကြည့်နိုင်သော Media Player ,
Document File တွေ ဖန်တီးဖို့အတွက် Document Writer စတာတွေတော့ အနည်းဆုံးပါပါတယ်။
စနစ်က မပါသော ဆော့ဝဲလ်တွေကတော့ ကိုယ်ဘာသာ ပြန်တင်ရမှာပါ။
ကွန်ပျူတာ လည်ပတ်မှု စနစ်တွေက သူနှင့်သက်ဆိုင်သော ဆော့ဝဲလ်တွေကို ကိုယ်ဘာသာ တင်နိုင်သော အရည်အသွေးရှိပါတယ်။
ဆော့ဝဲလ်များ တင်ဖို့ အသုံးပြုသော ဖိုင်များကို Installer , Package လို့ခေါ်ပါတယ်။
အဲ့လို စနစ်မှာမပါသော ဆော့ဝဲလ်များကို Thirty Party Software လို့ခေါ်ပါတယ်။
Software Installer ( Package ) တွေက ကွန်ပျူတာ စနစ်အပေါ်မှုတည်ကာ ပြောင်းလဲမှုများရှိပါတယ်။
သက်ဆိုင်ရာ စနစ်အလိုက် ဖိုင်များကို အင်စတောလ် ပြုလုပ်ရမှာ ဖြစ်ပါတယ်။
အခုလော်လော်ဆယ် Windows Platform မှာဆိုရင် Installer Package တွေက *.exe , *.msi တို့ပဲဖြစ်ပါတယ်။
Android မှာဆိုရင် *.apk အဲ့လိုမျိုးပါ။သက်ဆိုင်ရာ စနစ်အလိုက် Software Installer File တွေ မတူပါဘူး။
ဆော့ဝဲလ်တစ်ခုကို စနစ်မှာ တင်ဖို့ဆိုရင်တော့ ကွန်ပျူတာ စနစ်က ခွင့်ပြုရဲ့လားဆိုတာက အဓိကကျပါတယ်။
ဆော့ဝဲလ်တစ်ခုတင်ဖို့ အတွက် ဆော့ဝဲလ်ရှိရုံနဲ့ မပြီးပါဘူး အဲ့ဒီဆော့ဝဲလ်ရဲ့ လိုအပ်ချက်ပြည့်စုံမှသာ တင်နိုင်မှာ ဖြစ်ပါတယ်။
Software System Requirement ပါ။ ဆော့ဝဲလ်တစ်ခုက သက်ဆိုင်ရာလိုအပ်ချက်တွေရှိပါတယ်။
System Requirement for Auto CAD 2007:
Operation System >> Windows XP , 7
CPU >> Al Least 2.0 GHz Dual
RAM >> Al Least 1GB
Video Memory >> 512 MB
အဲလိုမျိုးတွေပါ။
ကွန်ပျူတာ စနစ်တွေတိုင်းမှာ ဆော့ဝဲလ်တွေ တင်သုံးခွင့်ရှိသော်လည်း ဆော့ဝဲလ်ရဲ့ လိုအပ်ချက်များကို မဖြည့်ပါက အသုံးပြုလို့ရမှာ မဟုတ်ပါဘူး။
နောက် ဆော့ဝဲလ်ကို ထုတ်လုပ်သူတွေက နောက်ပိုင်းမှာ 32 Bit , 64 Bit ခွဲခြားကာ ထုတ်လုပ်လာပါတယ်။
PC OS တွေမှာ အရင်တုန်းက 32 Bit Version တွေဖြစ်သော်လည်း နောက်ပိုင်း ခွဲခွဲခြားခြားထုတ်လုပ်လာတာကို တွေ့နိုင်ပါတယ်။
ဘာထူးခြားလဲဆိုတော့ 32 Bit OS မှာ 32 Bit Software တွေ အလုပ်လုပ်ပြီး 64 Bit Software တွေ အလုပ်မလုပ်တာပဲ ဖြစ်ပါတယ်။
32 Bit ကို x86 လို့လဲ အသုံးပြုတာရှိပါတယ်။
ကျွန်တော်တို့ ကွန်ပျူတာ စနစ်တွေမှာ အသုံးပြုသော ဆော့ဝဲလ်ကို နေ့စဉ်သုံး ဆော့ဝဲလ်များနှင့် လုပ်ငန်အသုံးဆော့ဝဲလ်ဆိုပြီး ခွဲလို့ရပါတယ်။
နေ့စဉ်အသုံးပြုနေသော ဆော့ဝဲလ်တွေကတော့ စာအုပ်ဖတ်သော ဆော့ဝဲလ်များ၊ အသေးစားလုပ်ဆောင်ချက်များ လုပ်ဆောင်သော ဆော့ဝဲလ်များပါ။ Home Version Software တွေပေါ့ဗျာ။
CD/DVD Burning , Media Player , Internet Browser , PDF Reader , Video Editor (အသေးစားလေးတွေ)၊ ကွန်ပျူတာ ဂိမ်းတွေ အဲ့ဒါမျိုးတွေပါ။
အဲ့ဒါလေးတွေက ကွန်ပျူတာမှာ တပ်ဆင်ရတာလွယ်ကူသလို အသုံးပြုရတာလည်းလွယ်ပါတယ်။
နောက် Professional Software တွေဆိုတာတော့ Photo Shop လိုမျိုးဆော့ဝဲလ်တွေ၊နောက် Auto CAD လိုမျိုးဆော့ဝဲလ်တွေ၊ ရုံးသုံးလုပ်ငန်းမှာ အသုံးပြုသော Office လိုမျိုးဆော့ဝဲလ်တွေ၊ Video Editing Software အကြီးစားတွေ အဲ့လိုမျိုးတွေပါ။
ဆော့ဝဲလ်အကြီးများက ခဏလေးနဲ့ သင်ယူရတာ မလွယ်သလို နောက်ပြီး အနုပညာလုပ်ငန်းများမှာ အသုံးပြုသော Video , Music , Photo ပြုပြင်သော ဆော့ဝဲလ်တွေက အနုပညာအမြင်ရှိမှာလည်း အသုံးပြုနိုင်မှာ ဖြစ်ပါတယ်။
ကွန်ပျူတာ အသုံးပြုမှုမှာ ကျွမ်းကျင်တယ်ဆိုတာကတော့ ကွန်ပျူတာ ဗဟုသုတများတာ၊ ကွန်ပျူတာ လည်ပတ်မှုစနစ် အသုံးပြုမှု ကျွမ်းကျင်တာ၊ နောက် ဆော့ဝဲလ် အသုံးချနိုင်မှု ကျွမ်းတာများ၊ အင်တာနက်အသုံးပြုမှု အပေါ်မှုတည်ပါတယ်။
ကွန်ပျူတာ အသုံးပြုရင်း ကြုံတွေ့လာနိုင်တာများကတော့ ကွန်ပျူတာ ပြဿနာတွေ၊နောက် ကွန်ပျူတာဗိုင်းရပ်ဆိုင်ရာတွေ၊ မြန်မာမှာဆိုရင်တော့ မြန်မာစာ ဖောင့်တွေ မမြင်ရတာမျိုးတွေ၊ အင်တာနက်က ပြဿနာတွေ အများကြီးအများကြီးပါပဲ။
ပြဿနာတွေကို အလွယ်ကူဆုံးဖြေရှင်းနည်းကတော့ ကွန်ပျူတာ ပြုပြင်သူများကို အားကိုးခြင်းဖြစ်ပြီး ကိုယ့်ဘာသာပြုပြင်ထိန်းသိမ်မယ်ဆိုရင်တော့ လေ့လာမှုတွေ အားကောင်းဖို့လိုအပ်ပါတယ်။
Posted By
<< HTAR WAIE THAR >>
Ko Ko Zaw ( BE-EC ) www.htarwaiethar.blogspot.com
0 comments:
Post a Comment