ကျွန်တော်တို့ ဘလော့ဂ်ဂါတွေက ဖိုင်တွေကို မျှဝေချင်တဲ့အခါမှာ Hosting Site အမျိုးမျိုးကို အသုံးပြုကြပါတယ်။ သို့သော်လည်း ကျွန်တော်တို့က ပိုက်ဆံမတက်နိုင်တဲ့အတွက် Free Hosting Site တွေမှာ ဖိုင်တွေတင်တဲ့ အခါမှာ Direct Download Link တွေကို သုံးစွဲသူတွေကို ဖရီးမပေးနိုင်ပါဘူး။
အခု ကျွန်တော် Google Drive လေးကို သုံးကြည့်တာ ဖရီးလည်းရတဲ့အပြင် Direct Download Link ကိုပါထုတ်ပေးနိုင်တာ တွေ့မိတယ်ဗျ။
နောက်ပြီး Google Drive က Google ထုတ်ကုန်ဖြတ်မို့လို ဘာမှထွေထွေထူထူ မှတ်ပုံတင်တာတွေ လုပ်စရာမလိုအပ်ပဲ Google Account ရှိတာနဲ့တင် အဆင်ပြေပါတယ်။
Google Account ကတော့ မိတ်ဆွေတို့မှာ ရှိတယ်လို့ထင်မိပါတယ်။ ဟုတ်တယ်လေ www.blogger.com မှာ ဘလော့ဂ်ရေးတယ်ဆိုကတည်းက မိတ်ဆွေတို့မှာ Google Account ရှိလို့သာ ရေးနိုင်တာပေါ့နော့်။
သိမ်းနိုင်တဲ့ ပမာဏကလည်း မနည်းဘူးဗျ။ 15GB တောင်ဆိုတော့ အေးဆေး တစ်ခြား Hosting Site ကိုတောင် သုံးစရာမလိုတော့ဘူးလို့တောင်ဆိုနိုင်တယ်။
Upload လုပ်ရတာ အဆင်ပြေတာ၊ Direct Download Link ရတာ၊ Download ဆွဲရင် Resume ရတာ၊ ဖိုင်သိမ်းနိုင်တာ 15GB နဲ့ နောက် မှတ်ပုံတင်တာကလည်း ဘာမှ ထွေထွေထူးထူး လုပ်စရာမလိုတာတွေက ကျွန်တော့်ကို Google Drive ကို အသုံးပြုဖို့ကို ဖိတ်ခေါ်နေတာမို့ ကျွန်တော်နောက်များမှာ ဖိုင်များကို Google Drive မှာပဲ တင်ဖို့ ဆုံးဖြတ်မိပါတယ်။
ပြုလုပ်နည်း အကျဉ်းကို ဖော်ပြလိုက်မယ်နော့်။
** www.drive.google.com မှာ မိမိ Google Account နှင့် ဝင်ရောက်ပါ။
** နောက် Upload တင်ဖို့အတွက် Upload Buttom လေးကို ကလစ်လုပ်ပါ။
** Upload Buttom လေးကို ကလစ်လုပ်လိုက်ရင် File, Enable Folder Upload ဆိုပြီး နှစ်ခု ကျလာပါတယ်။
ဆိုလိုတာက ဖိုင်ပဲ ဖြစ်ဖြစ်၊ ဖိုလ်ဒါတစ်ခုလုံး ဖြစ်ဖြစ် ဆွဲတင်လို့ရတယ်ဆိုတာပါပဲ။ ဖိုင်တစ်ခုပဲ တင်ချင်တာ ဆိုရင် File ကို ကလစ်လုပ်ပါ။ Folder တစ်ခုလုံးကို တင်ချင်တာဆိုရင်တော့ Enable Folder Upload ကို ကလစ်လုပ်ပါ။ ကျွန်တော်ကတော့ ဖိုင်ကို ဆွဲတင်မှာမို့ File Buttom လေးကို ကလစ်လုပ်ပါတယ်။
** File Explorer ပေါ်လာပြီမို့ ကွန်ပျူတာမှာ ကိုယ်ဆွဲတင်ချင်သော ဖိုင်ကို ညွန်းပြီး Open Buttom ကို ကလစ်လုပ်ပါ။
** File ကို စတင်ကာ Upload လုပ်နေပါတယ်။ ပြီးသွားအောင်စောင့်လိုက်ပါ။
** Upload ပြီးသွားပါက အဲ့ဒီဖိုင်ကို Right Click > Share > Private မှာ Change ကို ကလစ်လုပ်။
** Public on Web ကို အမှန်ခြစ်လုပ်၊ ပြီးရင် Save ကို ကလစ်လုပ်။ ပြီးရင်တော့ Done ပေါ့။
** အဲ့ဒီဖိုင်ကို Right Click > Open With > Google Drive Viewer ကို ကလစ်လုပ်ပါ။
** အဲ့ဒီနေရာမှာ File ID ကို ရယူရပါမယ်။
** File ID ဆိုတာက ကျွန်တော်တို့ ဖိုင်တွေကို ဘလောက်ဇာမှာ https://docs.google.com/file/d/0B-U6u3i6Oto3WkdHY05GWUVrbWs/edit လိုမျိုး ပေါ်ပါတယ်။
File ID ဆိုတာကတော့ file/d/ နောက်က အရာလေးကို ပြောတာပါ။ / edit ကို မယူပါဘူး။
ကျွန်တော်ပြထားသော ဖိုင်မှာဆိုရင် File ID က 0B-U6u3i6Oto3WkdHY05GWUVrbWs ပဲ ဖြစ်ပါတယ်။
တစ်ဖိုင်နဲ့ တစ်ဖိုင်ကတော့ တူမှာ မဟုတ်ပါဘူး။
** ကျွန်တော်တို့မှာ File ID ရှိရင် One Click Download Link ဖန်တီးလို့ရပါပြီ။
** ပြုလုပ်နည်းက
https://drive.google.com/uc?export=download&id=FILE_ID ပဲ ဖြစ်ပါတယ်။
FILE_ID နေရာမှာ ကိုယ် One Click Download ဖန်တီးချင်သော ဖိုင်ရဲ့ ID ကို အစားထိုးရမှာ ဖြစ်ပါတယ်။
ကျွန်တော် အပေါ်က ပြထားသော လင့်ခ်အရဆိုရင်တော့
https://drive.google.com/uc?export=download&id=0B-U6u3i6Oto3WkdHY05GWUVrbWs ပဲ ဖြစ်ပါတယ်။
အသေးစိတ်ပုံနှင့် တကွ ရှင်းပြချက်ကို လိုချင်ပါက အောက်မှာ ဒေါင်းလုပ်ခ်ရယူနိုင်သော ဖိုင်လေးကို ကျွန်တော်ပေးထားပါတယ်။
ဖိုင်ဆိုဒ်က 295 KB ရှိပါတယ်။
Download
Posted By
<< HTAR WAIE THAR >>
Ko Ko Zaw ( BE-EC ) www.htarwaiethar.blogspot.com
0 comments:
Post a Comment