Cache Memoryဆိုတာ

Cache memory ဆိုသည်မှာ မကြာခဏ အသုံးပြုလေ့ရှိသည့် program code သို့မဟုတ် data များကို ယာယီ ထိန်းသိမ်းပေးထားနိုင်သည့်နေရာ ဖြစ်သည်။

ပရိုဆက်ဆာမှတစ်ခုခုကို ရယူသုံးစွဲမည်ဆိုပါက အလျင်မြန်ဆုံး တုန့်ပြန်မှုပေးနိုင်ရန်အတွက် ယာယီ ထိန်းသိမ်းပေးထားခြင်း ဖြစ်သည်။ Cache memory သည်ပုံမှန်အသုံးပြုနေကြ သည့် RAM ထက်ပို၍ မြန်ဆန်သည်။

စျေးလည်းပို၍ကြီးသည်။ System သည် RAM ထဲတွင် data များကို သွားရောက်သိမ်းဆည်းသလို သူအသုံးပြုလိုသည့် data များကို အမြန်ဆုံးရယူနိုင်ရန်အတွက် cache memory ၏ အထောက်အကူကိုလည်း များစွာ ယူရသည်။

ယနေ့ခေတ် ထွက်ပေါ်နေသော ပရိုဆက်ဆာများတွင် cache memory ကို ပူးတွဲထည့်သွင်းပေးထားတတ်သည်။ Level 1 cache ဟူ၍ လူသိများသည်။

ပရိုဆက်ဆာအတွင်း ပူးတွဲထည့်သွင်းရသည့် cache memory ကို Integrated cache ဟူ၍လည်းခေါ်သည်။ ပရိုဆက်ဆာအတွင်း မပါ၀င်ဘဲ မားသားဘုတ်တစ်နေရာတွင် ထည့်သွင်းပေးထား ရသည့် nonintegrated cache လည်းရှိသည်။ ၎င်းကို External
cache ဟုခေါ်သည်။

Cache ကို အောက်ပါအတိုင်း အမျိုးအစား ခွဲခြားနိုင်သည်။

• L1 (level-1) cache
(ပရိုဆက်ဆာအတွင်း ပူးတွဲထည့်သွင်းထားသည်။)

• L2 (level-2) cache
(ပရိုဆက်ဆာပြင်ပ မားသားဘုတ်ပေါ်တွင်ရှိသည်။)

မားသားဘုတ်အဟောင်းများတွင် cache memory ကို DPI (dual inline package) လိုင်းအလိုက် ချစ်ပ်များအဖြစ် တန်းစီထည့်သွင်းပေးထားသည်။ ထိုချစ်ပ်များ
တန်းစီးထားသည့်လိုင်းနေရာကိုပင် “cache” ဟူ၍ သတ်မှတ်လိုက် ကြသည်။

အချို့သော System board များတွင် cache memory ကို module ကတ်များအနေဖြင့် ထည့်သွင်းပေးကြရသည်။ သို့ဖြစ်ရာ အချို့သော မားသားဘုတ်များပေါ်တွင် SIMM slot များကဲ့သို့ လိုင်းအလွတ်များ ပါလာတတ်သည်ကို သတိပြုရမည်။
သို့သော်ထိုလိုင်းတွင် RAM ကတ်ကို ထည့်သွင်း၍မရနိုင်ပေ။

L2 cache သည်မားသားဘုတ်အပေါ်တွင် သီးခြားစိုက်ရပြီး ပရိုဆက်ဆာအနီးတွင် ရှိသည်။ ပရိုဆက်ဆာမှ အတိုတောင်းဆုံး data များကို ရယူနိုင်ရန်အပြင် အကောင်းဆုံး Performance ကိုပါ တိုးမြင့်စေလိုသဖြင့် အနီးဆုံး
ထားပေးရခြင်းဖြစ်သည်။


Source::  http://www.mawcity.com


အခုချိန်မှာတော့ L3 Cache တောင်ရှိနေပြီဖြစ်ပါတယ်။ ကျွန်တော့်လက်ပ်တော့မှာတော့ L3 Cache 2MB ပါ။



Posted By

<<  HTAR WAIE THAR  >>

Ko Ko Zaw ( BE-EC )     www.htarwaiethar.blogspot.com