Android Phone မှာ Task Killer မသုံးသင့်ပါ

Android Phone တွေမှာ Task Killer App မရှိတဲ့ဖုန်းဆိုတာ မရှိသလောက်ရှားပါးတာသေချာပါတယ်။Task Killer တွေက Background မှာ Run နေတဲ့ App တွေကို ပိတ်ခြင်းအားဖြင့် ဖုန်းရဲ ့ Performance နဲ ့ Battery Life ကိုကောင်းမွန်စေပါတယ် လို ့အများစုကထင်ကြပါတယ်။တကယ်တော့ Task Killer တွေဟာဖုန်းရဲ့ Performance နဲ့ Battery Life ကိုကျဆင်းစေပါတယ်။ဒီလိုပြောရင်ယုံကြည်မယ့်သူမရှိဘူး လို ့ထင်ပါတယ်။ Task Killer တွေမသုံးသင့်တဲ့အကြောင်းကို နိုင်ငံခြားနည်းပညာ ဆိုက်တွေမှာတွင်တွင်ကျယ်ကျယ်ရေးသားနေကြလို့ ကောင်းမွန်တဲ့ နည်းကိုရွေးချယ်နိုင်ဖို့ ပြန်လည်မျှဝေလိုက်ပါတယ်။


Task Killer တွေဟာ Background မှာ Run နေတဲ့ Apps တွေကို Force Close လုပ်ပါတယ်။ Memory ကနေ App တွေကိုဖယ်ထုတ်လိုက်ပါတယ်။တစ်ချို့ Task Killer တွေက အလိုလို ပြုုလုပ်ပေးတတ်ပါသေးတယ်။ဒါပေမယ့် Android က Processes တွေကို သူ့ဘာသာ Manage လုပ်နိုင်ပါတယ်။ အဲဒီအတွက် Task Killer တွေမလိုအပ်ပါဘူး။


Android က Windows လို Processes တွေကို Manage လုပ်တာမဟုတ်ပါ။
----------------------------------------------------------------------------
Android Users အများစုက ၀င်းဒိုး ကိုရင်းနှီးပြီးသားဖြစ်ကြပါတယ်။၀င်းဒိုးမှာဆိုရင် System Tray မှာ Run နေတဲ့ App တွေဖြစ်ဖြစ်၊ Desktop မှာ Run နေတဲ့ App တွေဖြစ်ဖြစ် ဒီလို Run နေတဲ့ Apps တွေဟာ ကွန်ပြူတာရဲ ့Performance ကိုကျစေပါတယ်။အသုံးမပြုတဲ့ Apps တွေကို ပိတ်ခြင်းအားဖြင့် ၀င်းဒိုးကွန်ပြူတာရဲ  Performance ကိုတက်စေပါတယ်။

ဒါပေမယ့် Android က ၀င်းဒိုး နဲ မတူပါဘူး။ Processes တွေကို Manage လုပ်တာကလည်း ၀င်းဒိုးနဲ ့မတူပါ။ Android မှာ ၀င်းဒိုးလို Apps တွေကို ပိတ်လို ့မရပါဘူး။ Android ကိုဒီလို ဒီဇို်င်းထုတ်ထားတာဖြစ်လို ့ ဒါဟာ ပြဿနာတစ်ခုမဟုတ်ပါဘူး။ App တစ်ခုကနေထွက်ချင်ရင် Home Screen ကိုနှိပ် ဒါမှမဟုတ် တစ်ခြား App တစ်ခုကိုပြောင်းသုံး လို ့ရပါတယ်။ သုံးခဲ့တဲ့ App ကတော့ Background မှာ Run နေမှာပါ။များသောအားဖြင့်တော့ Android ကသုံးခဲ့တဲ့ App ကို Pause လုပ်ပေးထားတာပါ။ CPU နဲ ့ Network Resources တွေကိုအသုံးပြုခြင်းမရှိပါဘူး။ တစ်ချို့ Apps တွေကတော့ အသုံးပြုကြပါတယ်။ Music Player , Download Apps , Sync Apps စတာတွေကတော့ဆက်လက်အသုံးပြုနေကြပါတယ်။

အသုံးပြုခဲ့တဲ့ App ကိုပြန်ဖွင့်ရင် Android က “Unpauses” လုပ်ပေးလိုက်တဲ့အတွက် သင်ထားခဲ့တဲ့ နေရာ (Screen) ကနေ အလွန်လျှင်မြန်စွာပဲ ပြန်အသုံးပြုနိုင်ပါတယ်။ဘာလို ့လျှင်မြန်စွာသုံးနိုင်သလဲဆိုတော့ အဲဒီ App ကို Android က RAM မှာသိမ်းထားပေးတာဖြစ်ပြီး ပြန်အသုံးပြုဖို့အဆင်သင့်ဖြစ်နေစေလို့ပါ။

Task Killer တွေညံ့ဖျင်းတဲ့အကြောင်း။
---------------------------------------
Task Killer တွေကို မသုံးရင် Apps တွေက RAM မှာနေရာတော်တော်ယူကြပါတယ်။ဒါဟာ ပြဿနာတစ်ခုမဟုတ်ပါ။ Apps တွေကို RAM မှာသိမ်းထားတဲ့အတွက် အဲဒီ Apps ကိုပြန်သုံးချင်ရင်လျှင်မြန်စွာပြန်အသုံးပြုနိုင်ပါတယ်။

RAM မှာ နေရာတွေပို နေတာ မကောင်းပါဘူး။ RAM မှာ Apps တွေရဲ ့Cache ဖိုင်တွေပြည့်နေမှသာ Apps တွေကလျှင်မြန်စွာအလုပ်လုပ်မှာပါ။ RAM နေရာမလောက်တော့ရင် အသုံးမပြုတာကြာပြီဖြစ်တဲ့ Apps တွေကို Android ကအလိုလို Force Close လုပ်ပေးမှာပါ။Task Killer တွေသုံးစရာမလိုပါ။
Task Killer တွေသုံးရင် Background မှာ Run နေတဲ့ Apps တွေကို အလိုလိိုပိတ်ပေးမှာဖြစ်ပြီး Apps တွေကို Memory ကနေဖယ်ရှားလိုက်ပါတယ်။အလိုလိုမပိတ်ပေးရင်လည်း သင်ကိုယ်တိုင်ပိတ်နိုင်ပါတယ်။ဒါပေမယ့် အဲလို လုပ်စရာမလိုပါဘူး။

Task Killer တွေက အသုံးမဝင်တဲ့အပြင် Performance ကိုပါကျစေပါတယ်။ Task Killer က App တစ်ခုကို RAM ကနေဖယ်ရှားပြီးတဲ့အခါ သင် အဲဒီ App ကိုပြန်ဖွင့်ရင် တော်တော်နှေးတာကိုတွေ ့ရမှာပါ။ဘာလို ့လည်းဆိုတော့ App ကို Device Storage ကနေ ပြန် Load လုပ်ရတဲ့အတွက်ဖြစ်ပါတယ်။ App ကို RAM မှာသိမ်းထားတာထက် Battery Power ကို ကုန်စေပါတယ်။တစ်ချို ့ App တွေက Task Killer တွေကပိတ်ပြီးတဲ့အခါမှာအလိုလို ပြန် Run ကြတဲ့အတွက်လည်း CPU နဲ ့Battery Resources ကိုပိုကုန်စေပါတယ်။

RAM မှာနေရာပြည့်နေသည်ဖြစ်စေ၊ နေရာလွတ်နေသည်ဖြစ်စေကုန်စေတဲ့ Battery ကတော့အတူတူပဲဖြစ်ပါတယ်။ RAM မှာသိမ်းထားတဲ့ Apps တွေကိုဖယ်ရှားပြီး RAM နေရာလွတ်အောင်ပြုလုပ်ခြင်းဖြင့် Battery Life ကိုပိုမကောင်းစေပါဘူး။

Task Killers တွေရဲ့အသုံးဝင်တဲ့အချိန်။
-----------------------------------------
အပေါ်မှာပြောခဲ့တာတွေကိုမယုံတဲ့သူတွေ အများကြီးရှိမှာပါ။ Task Killer တွေကိုသုံးနေတာကြာပြီဖြစ်ပြီးဖုန်းရဲ ့Performance ကိုကောင်းမွန်စေတယ်လို ့ ပြောစရာအကြောင်းပြချက်တွေရှိမှာပါ။
ဒါလည်းမှန်ပါတယ်။တစ်ချို ့ Apps တွေကညံ့ဖျင်းပြီးကောင်းကောင်းအလုပ်မလုပ်ကြဘဲ CPU နဲ ့တစ်ခြား Resources တွေကို Background မှာ အသုံးပြုနေကြပါတယ်။ဒီလိုအခြေအနေမျိုးမှာ Task Killer တွေကိုသုံးပြီး အဲဒီ App ကိုပိတ်ခြင်းအားဖြင့် သင့်ဖုန်းရဲ ့Performance နဲ ့ Battery Life ကိုကောင်းမွန်စေပါတယ်။

ဒါပေမယ့် ဒီလိုလုပ်ဖို့အတွက် Task Killer ကိုအသုံးပြုတာဟာ ယင်ကောင် ကို Shotgun နဲ ့လိုက်သတ်သလို သဘောမျိုးသက်ရောက်စေပါတယ်။အသုံးဝင်တဲ့ Android ရဲ ့Process တွေကိုပါသတ်ပစ်သလို ဖြစ်လို ့ဖြစ်ပါတယ်။

ဒီလိုအခြေအနေမျိုးမှာ Task Killer ကိုသုံးမယ့်အစားအဲဒီ App ကိုရှာပြီး Uninstall လုပ်သင့်ပါတယ်။တစ်ခြားကောင်းမွန်တဲ့ App တစ်ခုနဲ့ အစားထိုးသုံးသင့်ပါတယ်။ ညံ့ဖျင်းတဲ့ App တွေကိုရှာဖို ့အတွက် Watchdog Task Manager ကိုသုံးနို်င်ပါတယ်။ဒီ App က Background မှာ Run နေတဲ့ Apps တွေရဲ့CPU Usage တွေကို စောင့်ကြည့်စစ်ဆေးပေးနိုင်ပြီး သင့်တော်ကောင်းမွန်စွာအလုပ်မလုပ်တဲ့ Apps တွေကို ရှာပေးနိုင်ပါတယ်။အဲဒီ ညံ့ဖျင်းတဲ့ App ကိုပဲရွေးချယ်ပိတ်နိုင်ပါတယ်။

Task Killer တွေ နေရာမှာ အစားထိုးအသုံးပြုသင့်တဲ့ Application
------------------------------------------------------------------
Task Killer တွေ နေရာမှာ အစားထိုးအသုံးပြုသင့်တဲ့ App တစ်ခုကတော့ Greenify ဖြစ်ပါတယ်။Greenify ရဲ ့အလုပ်လုပ်ပုံက Task Killer တွေနဲ ့ မတူပါဘူး။ Greenify က Apps တွေကို Hibernate လုုပ်ပေးတာပါ။ Widnows မှာ Hibernate လုပ်သလိုပါပဲ။ Apps တွေရဲ ့State ကို RAM မှာသိမ်းပေးထားတာဖြစ်ပါတယ်။အဲဒီအတွက် Hibernate လုပ်ထားတဲ့ Apps တွေကိုပြန်အသုံးပြုရင်လျှင်မြန်စွာအလုပ်လုပ်စေနိုင်တာပါ။

Task Killer တွေမှာ တစ်ခြား ပြဿနာတွေလည်းရှိပါတယ်။ ဥပမာ Alarm Clock App မျိုးကို Task Killer နဲ ့ပိတ်လိုက်တဲ့အခါမှာ Alarm မပေးနိုင်တော့ပါဘူး။

Android ROM တွေကို Develope လုပ်တဲ့ နာမည်ကြီး အဖွဲ့ အစည်းတစ်ခုဖြစ်တဲ့ CyanogenMod က Task Killer သုံးတဲ့ User တွေရဲ့ Bug Reports တွေကို လက်မခံပါဘူး။Task Killer တွေက အသုံးဝင်တာထက် ပြဿနာတွေပိုဖြစ်စေတယ်လို ့ပြောပါတယ်။

အချုပ်အားဖြင့် ပြောရရင် Task Killer တွေကိုမသုံးသင့်ပါဘူး။သင့်ဖုန်းမှာ Resources တွေကို အလွန်အကျွံ အသုံးပြုတဲ့ ညံ့ဖျင်းတဲ့ Apps တွေကိုရှာပြီး Uninstall လုပ်သင့်ပါတယ်။ Apps တွေကို RAM ကနေ Remove မလုပ်သင့်ကြောင်း စေတနာအပြည့်နဲ့ ဒီဆောင်းပါးကိုရေးသားလိုက်ပါတယ်။

Myanmar Digital Life Journal (Volume 2 Issue 27 မှ ဆောင်းပါးကို ကူးယူဖော်ပြပါသည်။)




ကျွန်တော် www.winkabarkyaw.net  မှ ပို့စ်ကို ပြန်လည် ဝေမျှတာ ဖြစ်ပါတယ်။


**  ကိုကိုဇော် ( BE-EC )