အင်တာနက်ပေါ်က စာသား ( Text ) များကို ကူးယူဖို့ဆိုတာ

ကျွန်တော်တို့တွေပေါ့ဗျာ အင်တာနက်မှာ ကိုယ်ကြိုက်သော ဆိုဒ်တွေက စာသားတွေကို ကူးယူချင်တယ် ဘယ်လိုလုပ်ရမလဲ ။

တကယ်လွယ်ကူပါတယ် ။

ကိုယ်ကြိုက်သော ဆိုဒ်က စာသားတွေကို Mouse Left Click ကို အသုံးပြုပြီး Select မှတ် Right Click > Copy


**  ကွန်ပျူတာမှာ Notepad ( Desktop , Folders , Stroage Devices > Right Click > New >Text Document ) ကိုဖွင့် Ctrl+V ( Right Click > Paste ) လုပ်ရုံပါပဲ ။

Notepad နဲ့ မြန်မာစာတွေကို ကူးတဲ့နေရာမှာ Font ကို မြန်မာဖောင့်ပြောင်းထားဖို့လိုပါတယ် ။ ( Format > Font ကနေပြောင်းနိုင်ပါတယ် )

ပြီသွားလို့ Save မယ်ဆိုရင် Unicode စာသားတြွေဖစ်လို့ Save လိုက်တာနဲ့ သတိပေးစာတန်းတစ်ခုပေါ်လာပါမယ် Cancel သာလုပ်လိုက်ပါ နောက်ပေါ်လာတဲ့ File Save မှာမှ အောက်ဆုံးက Encoding မှာ Unicode ကို ပြောင်းပေးပြီး Save ရမှာဖြစ်ပါတယ် ။


**   Office Word မှာ Paste လုပ်ပါက မြန်မာစာများကို ဖောင့်တခုပဲ ပြောင်းပေးစရာလိုပါတယ် ။ ပြီးတာနဲ့ save လုပ်လိုက်ရုံပါပဲ ။

Office Word ဖြင့် အင်တာနက်မှ စာသားများကူးသောအခါ တခါတရံ အချိန်ကြာမြှင့်တက်ပါတယ် ။

Office Word က ဝက်ဆိုဒ်တွေက စာသားများသာမက ပုံများကိုလည်း ကူးယူနိုင်သလို Font Size များကိုလည်း မှတ်သားနေလို့ အချိန်ကြာမြှင့်တက်ပါတယ် ။

Notepad ကတော့ ပုံတွေ ဖောင့်ဆိုဒ်တွေကို ကူးပေးမှာ မဟုတ်ပါဘူး စာသားသီးသန့်ကူးပေးမှာပါ ။

ကျွန်တော်ကတော့ စာသားတွေပဲ သီးသန့်ကူးယူချင်ပါက Notepad ဖြင့်ကူးကြပါလို့ အကြံပေးချင်ပါတယ် ။


**  နောက်တမျိုးက Website Page ကို Download ဆွဲတဲ့နည်းပါ ။ ကိုယ်ကြည့်နေသော Website Page ကို လည်းဒေါင်းလို့ရပါတယ် ။ ကိုယ်ကြည့်ချင်သော Webpage ကို Right Click > Save Page as ကနေပြီးလည်းဒေါင်းနိုင်ပါတယ် ။ Offline အခြေနေမှာ ထိုဖိုင်ကို Browser Software တခုခုဖြင့် ပြန်ကြည့်လို့ရပါတယ် ။


**  တချို့သော Page တွေက Text တွေကို Select မှတ်လို့မရပါဘူး ဒီတော့ ကျွန်တော်တို့ကလည်း စာသားတွေကို ကွန်ပျူတာမှာ မှတ်ထားချင်တယ်ဆိုပါက Print Screen နည်းနဲ့ အလွယ်မှတ်လို့ရပါတယ် ။Print Screen နည်းကတော့ ရှင်းပါတယ် ကွန်ပျူတာမြင်ကွင်းမှာ ရှိသော ပုံရိပ်ကို Print Screen Key နှိပ်တဲ့အချိန်မှာ မှတ်သားပေးသောပုံစံပါ ။

ဥပမာကျွန်တော်က Google ကို ကြည့်နေတဲ့ အချိန် Print Screen Key နှိပ်ပါက ထိုအချိန်မှာမြင်ရသော ကွန်ပျူတာမြင်ကွင်းကို မှတ်သားပေးသော ပုံစံပါပဲ ။

ပြုလုပ်နည်းက ကိုယ်လိုချင်သော မြင်ကွင်းကို ရောက်တာနဲ့ Print Screen Key ( Prtsc SysRq ) Key ကို တချက်နှိပ် Paint ( Start>All Programs>Accessories>Paint) မှာ Ctrl+V ပြုလုပ်ပါက Screen ဖမ်းထားသော ပုံကို ရရှိမှာဖြစ်ပါတယ် ။


ကျွန်တော်က လွယ်ကူသော နည်းများကိုပဲရေးသားလိုက်ပါတယ် ။ တခြား Website တစ်ခုလုံးကို ဒေါင်းသောနည်း , Webpage ကို pdf file ပြောင်းသော နည်းများလည်းရှိပါသေးတယ် ။

                             **  Htar Waie Thar  **